الموضوع: سؤال حول موضوع تسقيط موتور لفيات 128

الشدادات فعلا مهمة لكن فرق الوزن بين الموتور ال 1100 و ال 1300 مش زي مانت متصور فرق لا يتجاوز 10% مثلا
وزي ما قلتلك النتش هو اللي يخللي العلب تفتح انما اقرص و اجري من غير نتش
و ال128 كدة كدة زواياها بتفتح من اي مطب


موتور الريجاتا (اللانشيا) تقسم سعتة اللترية على 20 تعرف هو بتاع ريجاتا كام و هو قدرتة الحصانية او العكس

يعني ال 1300 = ريجاتا 65 (65 حصان)
ال 1400 = ريجاتا 70 (70 حصان)
ريجاتا 1600 = ريجاتا 80..... و هكذا

اقواهم موتور ال ريجاتا 100او الريتمو125 او 130 و دة زي موتور ال 131 ريسنج 2000 سي سي الاتنين كامة بس محطوط على فتيس كبالن و بيبقى شغال ب 4 كاربراتير و بيدي 130 حصان و الاعلى منة الفوليومكس (السوبر تشارجر) بس دة معمريش شفت حد مسقطة 128 لانة تقيل قوي و كبير قوي عال128 انما بتلاقية في 131 و 132 او ارجنتا

المشاركة الأصلية كتبت بواسطة yuyu0000yuyu

يعنى افهم من كلام حضرتك ان الافضل هو ال 1400 ال 70 حصان انا معايه 128 مو 88 1100 سي سي وكنت ناوى اجيب لانشيا 1.3 كنت بسمع انه 75 حصان هل الاكلام ده صح ولا لا وانا عامل الشدادات الى من فوق ومن تحت بس معرفش ايه هى اللحمات الى بتتكلم عليه انا معايه العربيه واول ما جبته عملت التقويات دى وعمرى ما لحمت فيه اى لحام خالص فياريت تفهمنى اكتر عن اللحمات دى

يظهر انك ماقريتش كلامي كويس او اتلخبطت بين كلامي و كلام الاخوة

1- انا ماتكلمتش عن لحامات و بالعكس انا رفضت اللحامات في علب الشاسية (لانها تعيب العربية) اللي اقترحها الاخ و قلت كفاية شدادات و بلاش نتش

2- انا قلت ان مافيش حاجة اسمها موتور لانشيا و انة هو موتور الريجاتا و مكتوب عالبلوك لانشيا

3- ال 1300 بيدي 65 حصان و ال 1400 بيدي 70 حصان و مش فارقة حاجة تذكر بين الاتنين في الوزن

المشاركة الأصلية كتبت بواسطة adham

يظهر انك ماقريتش كلامي كويس او اتلخبطت بين كلامي و كلام الاخوة

1- انا ماتكلمتش عن لحامات و بالعكس انا رفضت اللحامات في علب الشاسية (لانها تعيب العربية) اللي اقترحها الاخ و قلت كفاية شدادات و بلاش نتش

2- انا قلت ان مافيش حاجة اسمها موتور لانشيا و انة هو موتور الريجاتا و مكتوب عالبلوك لانشيا

3- ال 1300 بيدي 65 حصان و ال 1400 بيدي 70 حصان و مش فارقة حاجة تذكر بين الاتنين في الوزن

طيب ايه رايك فى موتور التمبرا 1600 ؟؟

مش فاهم حاجه وحده وحده ومن تاني
انا عارف الشداد الي فوق ايه الي تحت بقي الله اعلم

المشاركة الأصلية كتبت بواسطة fvks

مش فاهم حاجه وحده وحده ومن تاني
انا عارف الشداد الي فوق ايه الي تحت بقي الله اعلم

شداد برضة بس بيركب ماسك العفشة اليمين في العفشة الشمال (ماسك الركبتين في بعض علشان العربية ماتفتحش من تحت)
غالبا بيبقى بين مسمارين المقص الخلفيين يمين و شمال

شكرا
شكرا
شكرا

بس المشكلة انا عايز اروح لحد فاهم يعملى الكلام دة مش عايز حد يتفلسف و يعوك

انا معايا 128 وحاطط فيها 1.6 لانشيا ومعدل كمان على الموتور ومهبط العربية ومركب جنط وكوتش 195 ومركب شدادات من تحت ومن فوق وبعد كدة لاقيت العربية بتفتح وروحت لحمت و بقالى سنة ونص معنديش مشاكل وبالنسبة للحمات انا شايف من وجهت نظرى انها مهمة نتيجة تجربة عملية وانها مش هتعيب العربية ولو حتى هتبعها لان انت بتعدل على الخواجة الى عملها بس هى وجهات نظر رغم اختلافى مع بعض الاخوة

المشاركة الأصلية كتبت بواسطة tefo

انا معايا 128 وحاطط فيها 1.6 لانشيا ومعدل كمان على الموتور ومهبط العربية ومركب جنط وكوتش 195 ومركب شدادات من تحت ومن فوق وبعد كدة لاقيت العربية بتفتح وروحت لحمت و بقالى سنة ونص معنديش مشاكل وبالنسبة للحمات انا شايف من وجهت نظرى انها مهمة نتيجة تجربة عملية وانها مش هتعيب العربية ولو حتى هتبعها لان انت بتعدل على الخواجة الى عملها بس هى وجهات نظر رغم اختلافى مع بعض الاخوة

اللحامات اللى انت عملتها فين بالظبط

المشاركة الأصلية كتبت بواسطة tefo

وبالنسبة للحمات انا شايف من وجهت نظرى انها مهمة نتيجة تجربة عملية وانها مش هتعيب العربية ولو حتى هتبعها لان انت بتعدل على الخواجة الى عملها

اللحامات تعيب العربية لو بتبيعها, دة غير ان السخونة بتاعه اللحام بتضعف علبة الشاسية حوالين الحام و ترجع تتشرخ تاني و اسأل اي سمكي عالنقطتين دول (العيب و الشروخ)

و تعيب العربية لانك ملحم في اساسيات العربية و ما معناة انها اتفتح علب شاسيهها بسبب استعمال سيء (نتش و مطبات جامدة) او حوادث دة غير انك لازم ترش الدواخل نتيجه سخونة اللحامات حاتحرق البوية او عالاقل لازم تتعمل مرمات دهان و دة بالطبع يعيب

انت لو بتشتري عربية تشتريها لو شايف علب الشاسية معمول فيها لحامات و مترممة دوكو و للا تفضل تشتريها على اساسها و على اصلها أو دواخل فابريقة

انت مش بتعدل عال"خواجه" انت بتصلح ما اتلفة الهوى هههههههه