فلوانس /مازدا 3/ ميتسوبيشى لانسر

**POP2000** · 10-07-2010 11:54 AM

يا شباب انا بشتغل في الرياض و معايا ريتنو كليو 1400 اتوماتيك 2005 و الحمد لله مرياحاني بس لاني طويل شويه عندي ازمه في الكنبه الخلفيه لذلك قررت اجيب حاجة جديدة اوسع بس محتار فياريت تشوروا عليا
الفلوانس الوكيل هاينزلها كمان عشرة ايام
ولا المازدا 3 و الميتسو بيشي لانسر ex
ويا ليت لو فيه اقتراحات في نفس الفئة و نفس اتساع الصالون
وهل من الافضل اجيب عربيه استمتع بيها هنا و لما انزل مصر اشتري من مصر و لا اشتري من هنا و اعمل حسابي اخذها معايا

**POP2000** · 10-07-2010 04:27 PM

يا شباب فينكو معقول ما فيش حد يشور عليا

**tareksedra** · 10-07-2010 05:41 PM

الفلوينس فى المساحه الداخليه اكثر من رائعه و عن تجربه انا معايا العربيه و المساحه الداخليه واسعه جدا وده راجع لان قاعده العجلات للعربيه مسافتها 2.702 متر و ده بيدى مساحه داخليه كبيره و خصوصا للراكبين على المقعد الخلفى وده مش هتلاقيه فى اللانسر او المازدا اما عن العربيه فحضرتك مجرب رينو و اعتماديتها سياره ادائها اكثر من رائع وهى افضل اختيار فى العربيات اللى حضرتك ذكرتها سواء اداء و امان او توكيل و خدمه مابعد البيع

**ksa_2010** · 10-07-2010 08:10 PM

ازي حضرتك اخوك محمود من جدة نصيحة بلاش جديد شوفللك حاجة مستعملة نظيفة ومش غالية لان انت اكيد عارف ممكن ننزل في اي لحظة او هات زيرو ونزلها مصر بس لو نازل قريب لان العربيات بتتبهدل فلو هتقعد في السعودية كتير هاتللك عربية تويوتا ولا نيسان او اي عربية بسعر حنين وبلاش الزيرو ووفر فلوسك واشكرك محمود من جدة

**ramykimo** · 11-07-2010 10:55 AM

المتسوبيشى لانسر اسمع ان فيها عيوب .. الفلوانس افضل او الميجان 3

**محمد عز** · 12-07-2010 12:47 PM

المتسوبيشى لانسر اسمع ان فيها عيوب

ايه الدليل على الكلام ده!!!!!!!!!!!!!!!

**amrden** · 17-07-2010 03:41 AM

فلوانس طبعا

**ashrafsadany** · 17-07-2010 04:01 AM

فلونس اكيد حضرتك اتفرج على السياره كويس وياريت تقولنا عامله كام وانهى فئه والجميله برده فى نفس الفئه النيو فوكس وتكيفها مناسب جدآ فى السعوديه عامله 55 الف ريال وضمان 200 الف كم او 5 سنيين وتوكيل قوى

**POP2000** · 24-07-2010 03:38 PM

عذرا عالتاخير انا و الله عجباني الاتوماتيك اللي من غير فتحة سقف عاملة 53000 هنا عند الوكيل الجديد و انا بقارن لاني زهقت من المستعمل و مش عارف هانزل نهائي امته فدي ان شاء الله هاتكون عربية العمر مش ناوي اغير الا لظروف قصوى و انا فعلا ميال اكتر للفلوانس بس عايز رايكوا مدعم بالاسباب

**Alios** · 24-07-2010 08:59 PM

و الله يا باشا ...... يعني اسأل عن الفلوانس هناك اكتر ...

لأنه نزل في الجرايد عندنا ان رينو سحبت اكتر من 35 الف عربية من دول الخليج العربي علشان مشكلة في صمامات الغاز في تنك البنزين و اللي بيأثر على دورة المحركات .....

الفلوانس اللي نازلة الخليج صناعة كورية ...

اما وكيل رينو في مصر بيقول انه ملوش اي علاقة بالرينو الخليجي , و انه بيجيب عربيات رينو من مصانع رينو في تركيا .... و ان العربيات دي نازلة بمحركات غير العربيات بتاعت الخليج تماماً ....

اسأل اكتر .... يمكن دا يطلع كلام جرايد في الآخر :)