الموضوع: مدارس النيل المصرية

المشاركة الأصلية كتبت بواسطة أبو حمزة

لغاية من كام يوم التقديم كان للصف السادس الابتدائي فقط

هو حضرتك كنت عاوز تقدم لأي صف ؟
عشان التحويل هايكون مفتوح للصف الثاني العام القادم إنشاء الله .... وأهو ... تكون المدارس إشتغلت سنة كاملة وتقدر تحدد إنطباع عنها ... بخلاف إللى قدموا فيها (سمك فى مية)

المشاركة الأصلية كتبت بواسطة fouad ezz

هو حضرتك كنت عاوز تقدم لأي صف ؟
عشان التحويل هايكون مفتوح للصف الثاني العام القادم إنشاء الله .... وأهو ... تكون المدارس إشتغلت سنة كاملة وتقدر تحدد إنطباع عنها ... بخلاف إللى قدموا فيها (سمك فى مية)

انا حاولت فعلاً أقدم لبنتي في تانية حضانة بس لقيت إننا رحنا متأخرين
على راي حضرتك، ننتظر للسنة الجاية وربنا يقدم اللي فيه الخير

انا متفائل بيها خير والله

طيب هو الkg1 من سن كام
انا بنتي عندها 3 سنين تقريبا

وفرع أكتوبر فين بالظبط

بعد إذان صحاب الموضوع
أنا بس عاوز أعلق على نقطة أو مفهوم معين يتعلق بكلمة الدعم
ليس المقصود بالشئ المدعوم أن يكون في متناول الجميع او الأغلبية
ولكن المقصود بالدعم هو أن يكون أقل من التكلفة حتى لو كان بجنيه واحد
بالتالي: أيوه ممكن تكون هناك مدرسة تكلفة السنة الواحدة تصل الى أكثر من 10000 ومع ذلك تكون مدعومة، فالأمر لم يعد كما كان سابقا أن المدعوم هو أبو قرش صاغ ..... والله أعلم

أنا مش بقول 10 الاف كتير ... أنا أقصد إن كل الموضوع مازال حبر على ورق ومعلومات فى موقع إليكتروني من عينة سوف يكون هناك كذا وكذا ...
لكن المدرسة لم تبدأ بعد ...
يعنى مثلا:
لو المبنى فعلا جاهز وكان أولياء الأمور يستطيعون إستطلاع الأمر بأنفسهم ويرون تجهيزات الفصول والإمكانيات .. يمكن الواحد كان قلبة يطمئن ...
فى مدارس زي راجاك ومنيس مصاريف الإنترناشونال فيها تصل ل 25 ألف و 30 الف ... لكن الأمور تقدر تشوفها على أرض الواقع

انا يا جماعة مش فاهم حاجة
يعنى المدرسة دى فتحت و لا لسة و التقديم اللى بتقولوا علية دة اللى تم قفلة للسنة اللى جاية بس و لا خلاص
يعنى انا ابنى ان شاء اللة هيدخل المدرسة السنة اللى جاية ينفع اقدملة السنة اللى جاية ولا كنت المفروض اقدم السنة دى
ارجو الافادة جزاكم اللة خيرا

التقديم وقف للعام الدراسي 2010 - 2011
ومفتوح لـ kg1 العام القادم وكل عام إنشاء الله
زائد التحويل لـ kg 2 , grade 2
وهكذا تباعا حتى تكتمل المراحل كلها خلال 5 أعوام
((من واقع المعلومات إللى كانت موجودة على الموقع بتاع المدارس ... الواقع حاليا)