كمية زيت الموتور ل frv 1500 مو 2010

**sonson56** · 10-07-2010 06:45 PM

الأخوة اللى عندهم FRV 1500 CC ممكن حد يفيدنى فى كمية زيت الموتور اللى المفروض توضع فى الموتور لأنى لما غيرت زيت و فلتر فى التوكيل لقيت فى الفاتورة 3 ك فقط و انا عارف ان لما بيتغير الفلتر المفروض الزيت يزيد نص كيلو هل يعنى هذا ان الموتور بياخد 2.5 ك زيت فقط !!؟
لما قيست الزيت لقيت الزيت مش واصل للماكسيميم لكن قبله بشوية لكن على اي حال بعد النص بشوية ممكن حد يفيدنى اذا كان ده طبيعى و لا العربية محتاجة تتزود زيت ؟

**Romeo26222** · 11-07-2010 12:47 AM

3.2 لتر بالفلتر
ودا شيء اخر بيأكد كلامي عن تكلفة الصيانة الاقل في العربيات دي

**sonson56** · 15-07-2010 12:25 AM

المشاركة الأصلية كتبت بواسطة Romeo26222

3.2 لتر بالفلتر
ودا شيء اخر بيأكد كلامي عن تكلفة الصيانة الاقل في العربيات دي

بس انا شفت فى الكتالوج ان كمية الزيت المفروض تكون 4 لتر
انا قلقان ممكن حضرتك تقوللى الكلام ده مكتوب فين ؟ علشان أطمئن و هل أزود زيت الموتور ولا لأ ؟ انا شايف ان الزيت مش واصل لل Max فى مقياس الزيت و فى الفاتورة مكتوب انهم حطوا 3 ك زيت فقط !! مع العلم انهم غيروا الفلتر

**ahmad_samy** · 15-07-2010 12:45 AM

في الصيانة معكش رقم تليفون حد منهم تسألوا ؟؟؟؟؟؟؟

**SHERIF2009BHIT** · 15-07-2010 02:38 PM

حضرتك لو الزيت بين MAX and min value يبقى مفيش مشكلة لكن لو اقل من هى هلى دية المشكلة هما تقريبا فى التوكيل بيحطوا 3 ك بس علشان انا فاكر مرة فى صيانة 20000 كم كان الفاتورة ب 3 ك بس هشوف الفاتورة واتاكد
بس علشان متقلقش شوف علامة الزيت فين

**sonson56** · 15-07-2010 08:41 PM

المشاركة الأصلية كتبت بواسطة SHERIF2009BHIT

حضرتك لو الزيت بين MAX and min value يبقى مفيش مشكلة لكن لو اقل من هى هلى دية المشكلة هما تقريبا فى التوكيل بيحطوا 3 ك بس علشان انا فاكر مرة فى صيانة 20000 كم كان الفاتورة ب 3 ك بس هشوف الفاتورة واتاكد
بس علشان متقلقش شوف علامة الزيت فين

ايوة الزيت فى النص بين شرطة ال Max & Min بس السؤال هل ده كافى و لا المفروض الزيت يكون عند علامة Max للأطمئنان ؟

**akramesg** · 16-07-2010 12:13 PM

لا يا باشا فى اى مكان بين الشرطتين امان

**amigo_magdos** · 16-07-2010 03:56 PM

لا يا رجالة. المفروض يكون عند المكس بالضبط. بين الاثنين امان, بس لما تغير زيت لازم يكون على الماكس. انت لسه قدامك 10000 كيلو ممكن الزيت يقل فيهم من غير ماتحس. في الحر الجامد بيفرق برده, يعني حرارة الموتور متوزعة على 4 لتر افضل من 3.5 . و مهم جدا متعديش الماكس.

**sonson56** · 16-07-2010 05:50 PM

المشاركة الأصلية كتبت بواسطة amigo_magdos

لا يا رجالة. المفروض يكون عند المكس بالضبط. بين الاثنين امان, بس لما تغير زيت لازم يكون على الماكس. انت لسه قدامك 10000 كيلو ممكن الزيت يقل فيهم من غير ماتحس. في الحر الجامد بيفرق برده, يعني حرارة الموتور متوزعة على 4 لتر افضل من 3.5 . و مهم جدا متعديش الماكس.

شكرا عزيزى - فى الحقيقة انا مقتنع بالكلام ده لأن مع الحرار الشديدة و تشغيل التكييف حرارة الزيت لما يكون 3 لتر فقط ممكن حتى لو ما ضرش الموتور بس هيضر الزيت انه هيتحرق بسرعة غير لما يكون 3.5 لتر او 4 لتر زى ما هو مكتوب فى الكتالوج و خاصة زى ماقلت انه هيفضل 10000 كم فى السيارة ممكن يتحرق و لزوجته تقل - انا هشترى 0.5 لتر و اضع شوية منهم و اقيس و لو حسيت انهم لسة قليلين هزود حبة بحبة لغاية ما أوصل قبل علامة ال الماكس بقليل او عليها . للأطمئنان و خصوصا إن فى ظل أزمة الضمير و عدم الثقة اللى بنعيشها الآن ماحدش هيعترف بخطأه حتى لو الموتور ولّع و ربنا يسترها معانا جميعاً .

**Romeo26222** · 16-07-2010 06:18 PM

انا ما قريتش الكتالوج لغاية دلوقتي الصراحة بس اللي انا اعرفة ان الموتور دة بياخد 3.2 لتر يعني انت محتاج ربع كيلو بس تزودهم مش اكتر..
بالمناسبة انت دفعت كام في صيانة ال 2000؟؟