هل أجيب صني ولا سيراتو؟
محتار جدا-
مهم عندي استهلاك البنزين وأسعار قطع الغيار والعفشة الأحسن
ياريت لو حد جرب الاتنين يفيدنا- وياريت أحسن مكان للشراء عن تجربة شخصية
عرض للطباعة
هل أجيب صني ولا سيراتو؟
محتار جدا-
مهم عندي استهلاك البنزين وأسعار قطع الغيار والعفشة الأحسن
ياريت لو حد جرب الاتنين يفيدنا- وياريت أحسن مكان للشراء عن تجربة شخصية
الصنى عيوبها بلنسبه لى بعد قيادهتها مسافه حوالى 500 كم
الكنبه ديقه !
استهلاك بنزين عالى بلذات فى السرعات تحت 60 كم
تكييف تحففففففففه
فرامل جيده و بتسعفك
عفشتها معقوله و مش بتدب
السيراتو :
شكل احدث واجمل و اوسع و اوبشنز اكتر بكتيير!
استهلاك بنزين اقل
سحب وتجميع افضل قليلا
توكيل افضل
العفشه بتاعتها معرفش اخبارها ايه
انا بصراحه رأى السيراتو sx
أنا جربت ال 2 وأقدر أقولك أكيد السيراتو أحسن وأريّح بكتير و options أكتر بكتير
عربية ياباني قيمة (صني)
عربية شكل و منظر (سيراتو)
باشا ملحوظه بسيطه توكيل نيسان من احسن التوكيلات الى فى مصر و ممكن يكون احسن من توكيل كيا
اولا يا باشا الاتنين استهلاكهم عالى فى البنزين مش موفرين ياعنى
عفشه و نظام التعليق الصنى وبجداره
الوسع السيراتو واسعه وكويسه
الراحه انا ركبت الاتنين الصنى اريح فى المطبات السيراتو نشفه حبتين
التقفيل الاتنين شايفهم كويسين انا ركبت الاتنين وشايف ان الصنى كويس جدا مش وحش زى مالناس بتقول
الاتنين ثباتهم ممتاز جدا بل اكثر من ممتاز
الشكل ديه طبعا ازواق الصنى كلاسيك و السيراتو رياضى
التابلوه بصراحه وده زوقى معرفش الناس نظامها ايه التابلوه بتاع النيسان تحفه والسيراتو جميل بس انا بحب العربيات الى التابلوه فيها بيج والعربيه بيج من جوه بيبقى رائع
والى بيقول ان السيراتو فيها اوبشن اعلى اولا مثلا لو حضرتك هتجيب السوبر صالون ب100 الف قدامها السيراتو فيها اوبشن اقل
والسوبر صالون فول اوبشن abs و abd على ما اعتقد واير باج وشغل هيبقى فيها اوبشن اعلى من السيراتو
الامان الصنى
وبصراحه شايف ان الصنى مناسبه اكتر
بس ده ميقللش من شأن السيراتو
اقتباس:
الصنى عيوبها بلنسبه لى بعد قيادهتها مسافه حوالى 500 كم
الكنبه ديقه !
استهلاك بنزين عالى بلذات فى السرعات تحت 60 كم
تكييف تحففففففففه
فرامل جيده و بتسعفك
عفشتها معقوله و مش بتدب
السيراتو :
شكل احدث واجمل و اوسع و اوبشنز اكتر بكتيير!
استهلاك بنزين اقل
سحب وتجميع افضل قليلا
توكيل افضل
العفشه بتاعتها معرفش اخبارها ايه
انا بصراحه رأى السيراتو sx
بصراحه تحليل عظيم وهو ده راى بس كلمه حق السيراتو هى كمان مش موفره اوى يعنى موضوع البنزين مش حيفرق كتير بين الاتنين وبرضه بصراحه لو حضرتك بتفاضل بين الصنى السوبر و الاى اكس من السيراتو يبقى الصنى افضل انما لو اس اكس تبقى السيراتو افضل
الصني افضل من وجهة نظري
بصراحة كان نفسي اقول صني و ياباني و بتاع .. لأن مضمون السيراتو مش بنفس جمال المنظر
لكن الصني مش ياباني قوي و تعتبر ملغية من كذا سنة بره
طب ما تفكر في المطور منها و شكلها أجمل رينو ( نيسان ) سكالا ؟!!!
في فرق في السعر بين الصني سوبر صالون و السيراتو sx حوالي 15 الف جنيه
فرق كبييير لصالح السيراتو , انا مش بقول كدة علشان معايا سيراتو بس انا عايزك تفتح كبوت الصني و تتفرج علي شكل الموتور , تكنولوجيا قديمة دة غير انها تقفييل مصري و كمان شكلها اتلغي من زمان برة و غير كدة السيراتو لا تقارن بالنيسان لاختلاف الفئة السعرية .
مادام فى استطاعتك تجيب السيراتو هاتها بدون تردد
باشا هو حضرتك ركبت الصنى عشان تقول تقفيل وحش انا عن نفسى شايف ان مفيش فرق جوهرى ياعنى فى التقفيل
وياريت تدينى مثل على التكنولوجيا القديمه عشان نعرف ومنكم نتسفيد
ولو هنبص على شكل الماتور مش ادائه ده ويا باشا فى السيراتو كل حاجه متغطيه بلاستيك مش هتشوف الماتور اصلا غير بلاستيك فده مش مقياس ان العربيه حلوه او وحشه
واولا التقفيل ده ياعنى مثلا التابلوه مصرى كل حاجه يابانى وهما بيركبوها
بس يا باشا عايز شكل جديد حاجات جامده رينو سكالا
بتنزل فى الدول الاخرى بأسم نيسان صنى
وشوفت واحده منها فى مصر اسمها نيسان صنى هيا هيا الصنى اصلا بس تقفيل انضف شويه والاتنين موجدين الى عايز الشكل القديم موجود والجديد موجود
http://www.qatarliving.com/files/ima...sunny_2009.jpg
http://q8motor.com/images/listing_ph...1_dsc06995.jpg
هى ديه نيسان صنى الى بره مصر
مين الموتور بتاعه معمر أكثر ؟؟
مين له توكيل وصيانة واستلام فوري ومش معقد الكترونيا ؟؟
مين اللي بيتصنع هنا في مصر وبالتالي الصيانة وقطع الغيار أرخص ومتوفرة ؟؟
والأرخص ؟
الإجابات في صالح الصني وده من رأيي ,, ولا يمنع ان السيراتو صفقة رابحة ايضا
نفس الحيرة اللى انا كنت فيها
و بعد الفحص ة التنقيب و الف و الدوران
النيسان السوبر اكتسحت الكل ماتور و اداء و كماليات و عفشه و اتزان
اشتري النيسان الصيني سوبر صالون فيها كل الكماليات ويعيبها فقط ضيق الكنبة الخلفية للاجسام الضخمة
الكوري بصفة عامة ( منظر) وهذا معروف للجميع بعد 3-4 سنوات تحس بأنك محتاج تغيرها لكثرة المشاكل اما الياباني (اداء وكفائة) بصفة عامة فهي سيارة معمرة قليلة الاعطال
والامر في النهاية متروك لسيادتك
ومبروك مقدما
والله يا دكتور حتى اللى بيتصنع فى مصر قطع غياره غالية بردوا , ومفيش حاجة فى مصر نقول عليها رخيصة , كل السيارات بكل الفئات واللى معدية ال90 الف قطع غيارها غالية جدا واحنا بنروح فى الرجلين ,
وغير كدا حتى التوكيلات بيلعبوا بينا مع كل هامش الربح اللى بيخدوها مننا ده وفى الاخر مفيش معاملة كويسة , الا ها فى بعضهم , وان كان بعضهم بردوا قليل
السراتو تتركب هاي لاين فقط !
صديق ليَّ كان في نفس الحيرة دي، ولكنه كان ميَّال للسيراتو، أنا قلت له الاثنين حلوين لكن انت أولى بفرق الفلوس، الصني السوبر النهاردة عليها عرض وسعرها 100 ألف جنيه ويمكن أرخص وده تقريبا سعر أول فئة في السيراتو علشان إيه أسمح إنه ينضحك عليا وأدفع بتاع عشرين خمسه وعشرين ألف جنيه فرق لمجرد إن العربية شكلها لسه جديد في الشارع، بكره تقدم وتبقى زي اخواتها،
نصيحة إذا كنت إنسان عملي وتنظر إلى السيارة على أنها وسيلة مواصلات من الممكن أن تضم بعض الكماليات المريحة فاشتر الصني.
أما إذا كنت تنظر إلى السيارة على أنها برستيج ومظهر اجتماعي ولازم تبقى على الموضه، فاشتر السيراتو
ومبروك مقدما
طبعا صني سوبر صالون...... ولو امكانياتك تسمح ممكن.... نيسان تيدا .........تقفيل ياباني بالكامل واعتماديه اعلى بكتير من السيراتو
أشكرك يا باشا
أشكرك يا باشا
شكرا يا باشا وهي دي القضية إن التاجر والوكيل بياخد فلوس بالهبل علشان بس الكماليات وإنها مستوردة
وعلى فكرة النيسان سوبر صالون لو كانت مش تجميع محلي ما كانتش هتقل عن 140 ألف
مع احترامي الشديد للفيرنا اللي هي دلوقتي تعتبر سيارة الشعب بتاعة اليومين دول أنا كان قصدي المقارنة بين عربيتين فيهم نفس الكماليات
يعني الصني فيها 2 إير باج + عفشة رياضية+ Abs + LED والحاجات دي لو تتقارن ما تتقارنش بالفيرنا
أشكرك
يا عم الحج لو الفلوس مش فارقة معاك هات ايلي انت مرتحله و تحبه لكن لو الفلوس هتفرق معاك يبقي هات االمعقول في الحدود بتعتك و خالي بالك شراء العربية زى الجواز بالظبط
يعني لازم تكون مقتنع بيها 100/100 يا أما كل مرة هتركب فيها العربية هتتعكنن و تكرها و تتسلقلها علي أى غلطه
لكن بقي لو بتحبها دي تبقي حاجة تانية
( أنا بتكلم علي العربية لحسن حد يفهمني غلط )
فكر فى الاوكتافيا ممتازة
نيسان أيه اللى تتقارن بالسيراتو .. هناك اختلاف فى الاجيال ، النيسان عربية قديمة الغى انتاجها ف اليابان من 6 سنوات على الاقل ... وعايز نيسان هات حاجة حديثة زى التيدا
الراى الراجح
امانيسان تيدا اتوماتيك زيرو
او اوكتافيا كسر زيرو بس اهم حاجه اكشف عليها في التوكيل وكده تبقى حميت فلوسك
ان شاء الله ربنا يكرمك بالعربيه اللى تريحك اعمل استخاره اساسي