عاوز رايكم ضرورى

**aymanshebl** · 10-07-2010 09:11 PM

السلام عليكم و رحمة الله و بركاته

انا محتار بين الالنترا الحالية و الالنترا الشكل القادم 2012 علما بان الالنترا الحالية ممتاز بشهادة كثير من ماليكيها اما الانترا القادمة لاحد يعرف عنها شى و ارى انها هابطة على الارض و ده مش مناسب فى مصر علشان المطبات و كمان الفوتنيس شكلها كبير و عرضة للكسر بسبب ظروف الناس و السواقة الممتازة فى مصر !!!!!!!!!!!! و لا رايكم ايه

و شكرا

**Hosam_Optrawy** · 10-07-2010 09:49 PM

المشاركة الأصلية كتبت بواسطة aymanshebl

السلام عليكم و رحمة الله و بركاته

انا محتار بين الالنترا الحالية و الالنترا الشكل القادم 2012 علما بان الالنترا الحالية ممتاز بشهادة كثير من ماليكيها اما الانترا القادمة لاحد يعرف عنها شى و ارى انها هابطة على الارض و ده مش مناسب فى مصر علشان المطبات و كمان الفوتنيس شكلها كبير و عرضة للكسر بسبب ظروف الناس و السواقة الممتازة فى مصر !!!!!!!!!!!! و لا رايكم ايه

و شكرا

تفكير حضرتك بيقول انك تشترى الشكل الحالى

مادام بتفكر فى الفانوس الاصغر والعربيه الاعلى يعنى بمعنى اصح العربيه المنتشره المعروفه واللى تكاليف تصليحها معقوله

وطبيعى ان لما الالنترا الجديده تنزل تبقى حاجتها غاليه وشويه شويه تبتدى حاجتها ترخص وتنتشر زيها زى غيرها

دا غير ان الشكل الجديد هاينزل اغلى من الشكل الحالى بفرق مش قليل

بس برضه مفيش ادنى شك ان الالنترا الجديده تمسح الشكل الحالى وتسمح عربيات كتير اوى فى السوق

**Hosam_Optrawy** · 11-07-2010 12:29 AM

المشاركة الأصلية كتبت بواسطة aymanshebl

و الله انا بادور على العربية العملية فقط لا غير و فعلا العربية الجديدة سقفها منخفض عن الحالية يعنى الراكب الخلفى هيكون له مساحة اقل عن السقف من الموديل الحالى ده غير الملاحطات السابقة و انا مش مشغول اوى بالسعر بتاع العربية الجديدة و اللى هيكون اول فئة فى حدود100 الف يعنى من 98 الى 100 الف تقريبا و كلام حضرتك مظبوط طبعا العربية الجديدة و قطع غيارها اكيد فى الاول هتكون غالية و بعدين هترخص مع الوقت و مستنى راى حضراتكم

لا طبعا مش هاتبقى ب 98 الى 100

دا الالنترا الشكل الحالى اول فئه اوتوماتيك ب 99

لكن الالنترا الجديده

غير انها جيل جديد وشكل جديد

موتورها 140 حصان ودا ليه تمنه

وفتيسها الاوتوماتيك 6 سرعات ودا برضه ليه تمنه

لو نزلت اول فئه اوتوماتيك فاضيه ب 120 الف , نقول الحمد لله

**aymanshebl** · 11-07-2010 06:26 AM

ده غير انه لو نزلها بالسعر ده اللى حضرتك قولت عليه مش هتنافس و يبقى حكم عليها بالاعدام لان الناس هتشترى بدائل زى اليابانى و الاوروبى و منها الفلوانس مهما قولتى ان الجديدة فيها امكانيات احدث لان الكورى مش زى الاوروبى و ديه حقيقة

**Hosam_Optrawy** · 11-07-2010 12:43 PM

حضرتك ناسى ان الكروز اول فئه مانيوال فاضيه ب 111

اكيد الالنترا هاتبقى أغلى

وبعدين الالنترا لو نزلت فعلا بموتور 140 حصان وفتيس 6 سرعات ومواصفات كويسه من ناحية عوامل الامان ونظام التعليق وغيره

تبقى احسن من اى عربيه لحد 250 - 300 الف

وانسى اى يابانى , ولا فلوونس ولا غيره