الموضوع: تسعيير السيارات المستعملة هدية لاعضاء نايل موتورز (الجزء الثالث)

الاستاذ شريف بك بارك الله فيك و جزاك الله كل خير
الف مبروك على الجزء الثالث بس و الله مكنتش اعرف انه موجود الا من خلال ردك على رسالتى حيث اننى كنت ارسلت لحضرتك ايميل و رساله على الخاص بخصوص سياره لانسر عيون صفيه 1991 و كنت قلت لحضرتك العيوب اللى فيها و حضرتك تفضلت مشكورا و نصحتنى ان استمر بالسياره لفتره ما و بعدين ابيع السياره لتاجر
طب لو انا حبيت ابيعها الان ممكن ابعها بكام؟
اقول لحضرتك تفاصيل السياره علشان اكيد حضرتك ممكن تكون نسيت العربية من كثرة المشاركات و الاستفسارات من السادة الاعضاء الكرام
- سياره لانسر 1991 عيون صفيه - ماتور 1300 سى سى - 4 زجاج كهربا و سنتر - عداد 175 الف كيلو متر
- بطارية جديده جافه بالضمان لسة اول شهر استخدم
- مغير ضفيرة الكهربا الداخليه اللى فى الصالون ، فرش ارضيه جديد ، كسوة جديده من شهر
- 2 مساعدين خلفى يابانى جداد من شهر ، جوز كبالن جداد من شهر
- سمكره و دوكو من شهر
السياره فيها لحام فى الكرتيره و تم عمله ، رش القائم الايمن ، الماتور خفيف علشان بيطلع دخان ابيض
و طبعا الشرخ اللى فى الشاسيه على فكره هو معمول بس معمول غلط علشان كده الراجل معرفش يظبط الزوايا وقالى متخليش حد يعمل ليك زارجينه علشان الشاسيه ميفكش من بعضه
و التكييف مش شغال و طبعا اكيد مش محتاج شحن
لو حبيت ابيع ممكن ابيع على كام؟
اسف على طول الرسالة و شكرا شريف بك