تسعيير السيارات المستعملة هدية لاعضاء نايل موتورز (الجزء الثالث)

**shadyyassin** · 17-07-2010 12:37 AM

الاخ الكريم
فيات بونتو موديل 1994 اتنين باب فابريقه بالكامل بره و جوه العداد عامل 160 الف تالت يد من الزيرو 1300 سي سي بها فتحه سقف فقط الصالون بحاله اكتر من ممتازه و الموتور ايضا مغير لها مساعدين امامي مونرو ايطالي من عند غبور من 3 شهور و مركب لها كسوة علي الكراسي من يومين تلاته تعمل كام تقريبا

و في اونو موديل 1999 فابريقه بالكامل برضه فاضيه و صالونها و موتورها و عفشتها جيده مع العلم ان الاونو عامله 100000 كيلو تعمل كام و لو هادخلهم في بعض و ييبقي في فرق يبقي بالتقريب قد ايه و جزاك الله كل خير

**ahmedsameir** · 17-07-2010 12:52 AM

سيارة فيرنا موديل 2004 كورى - كامله اوتوماتيك - بيتى جدا
فابريقة دواخل و بره كمان ما عدا رفرف يمين مرشوش و شوية خدوش خفيفه
العداد عامل 78000 معايا من الزيرو
جنوط اسبور 15 بوصه - تايوانى
كاوتش جديد 195 - يابانى
فرش جلد تحفه
كاسيت سى دى - كينوود
الحاله العامه - جيدة جدا

**sherifowahba** · 17-07-2010 01:56 AM

المشاركة الأصلية كتبت بواسطة esp

شكرا شريف باشا على الرد على الخاص...

لا شكر علي واجب يا اخي

**sherifowahba** · 17-07-2010 02:03 AM

المشاركة الأصلية كتبت بواسطة youssefazmi

شريف باشا برجاء تسعير فيات 128 1300 سىسى موديل 91
كيلومتر : 74000
فيها مرمات خارجية بدون رش
وتحتاج استبن وكوريك فقط
وبها انذار
والف شكر يا باشا

يعني هي برة وجوة كلها ارجو التوضيح

**sherifowahba** · 17-07-2010 02:05 AM

المشاركة الأصلية كتبت بواسطة vantroy

الف شكر أ/شريف على سرعة الرد

ربنا يجازيك خير

لا شكر علي واجب يا اخي وجزاك الله خيرا

**sherifowahba** · 17-07-2010 02:09 AM

المشاركة الأصلية كتبت بواسطة mmans

ارجو تسعير كرولا 2006 1300 اوتوماتك فابريقة بالكامل لكن يوجد بعض الخدوش 44 الف كيلو محتاجة صيانة ال 40 الف (حوالى 2000 جنيه) مش عارف مصرى ولا خليجى (اكر الابواب نيكل و المرايات بلون العربية) الحالة العامة ممنازة

تعمل 90 الف باعتبار انها وكيل
ممكن تعرف الوكيل من الخليجي بالنظر عن طريق ان الخليجي فيها مؤشر حزام امان تاني للجنب السائق يومض بالاضافة الي بتاع السائق
بالاضافة ان فيها اير باج تاني للجنب السائق والكماليات دي مش موجودة في الوكيل

**sherifowahba** · 17-07-2010 02:14 AM

المشاركة الأصلية كتبت بواسطة mohamedshiko

تسعيرة بولو 2001 عاملة 100000 كم او اقل و فبريكة تعمل كام
والبولو بحتاج اعملها عمرة موتور امتي

تعمل 43 الف لو برة وجوة وبدون مصاريف
موضوع العمرة ده نسبي علي حسب الاستخدام في سيارات ممكن تعمر علي 500 الف كم وفي عربيات تحتاج عمرة علي ال 50 الف فكله حسب الاستخدام والاهتمام بنظافة الزيت والمياه وتغييره في مواعيده

**sherifowahba** · 17-07-2010 02:21 AM

المشاركة الأصلية كتبت بواسطة amir

للمره التالته بعد المليون
الف سلام و تحيه علي شريف الميه ميه
عندي طلب و سؤال
قريبتي كانت عايزه عربيه اوتوماتك
عندهم في البيت الشيري كيو كيو الاوتوماتك و عاجباها
دورت لقيت واحده شيري كيو كيو اوتوماتك 2006 فابريقه ماعدا الاكصدامين و فيها شويه حكات و عدادها 21000 كيلو
الراجل بيتكلم في 30 الف جنيه
هل كده كويس ولا ايه
و ايه الاختيارات التانيه بخصوص عربيه اوتوماتك بنفس السعر تقريبا
انا عارف ان المبلغ قليل بس هنعمل ايه بقي

دكتور امير وجودك معانا شرف كبير لينا وطلباتك اوامر يا حبيبي
العربية دي بدون مصاريف يبقة سعرها معقول ويبقة حلو ب 28 الف
الاختيارات المتاحة لك
سوزوكي سويفت هاتش باك ياباني موديل 93 وممكن هي هي بس اصدار الشيفورليه اسبرنت او هي هي بس اصدار البونتياك فاير
شاريد اوتوماتيك موديل 90
وافضلهم لو لاقيت حاجة سويفت هاتشباك نظيفة بس خلي بالك فيها موديلين واحد 3 سلندر 1000 سي سي وواحد كامل 4 سلندر 1300 سي سي وده افضل بالذات مع التكييف

**sherifowahba** · 17-07-2010 02:23 AM

المشاركة الأصلية كتبت بواسطة adhamelmasry

يا استاذ شريف يا باشا يا عمهم صدقنى انت ربنا هيكرمك والله عشان مبتسبش حد مزنوق فى طلب ربنا يوقف جمبك

يا رب يا رب ربنا يجازيك خير ويتقبل منك دعوتك الجميلة لينا

**sherifowahba** · 17-07-2010 02:48 AM

المشاركة الأصلية كتبت بواسطة yousifaly

السلام عليكم ورحمة الله وبركاته

بداية اتمنى التوفيق لأعضاء هذا المنتدى الجميل

الاستاذ شريف
هذه أول مشاركة لي في هذا المنتدى وأود منك أن تجيب على استفساري

هيونداي اكسل 97 1300 زجاج كهرباء أمامي لا يوجد تكييف

الموتور يحتاج طقم شنبر

حالة الصالون سيئة التابلوه مقشر + الأبواب أيضا فيها تقشير بسيط

الباب اللي جنب السائق فيه مشكله بي أنا مش عارف أحددها ما بيفتحش ويقفل بسلالسه

السمكري قال انها فبريكه دواخل

ممكن أعرف دي تساوي كام

وشكرا جزبلا لك

تعمل 23 الف

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة