تسعيير السيارات المستعملة هدية لاعضاء نايل موتورز (الجزء الثالث)

**M0dY** · 03-09-2010 09:32 AM

السلام عليكم

برجاء تسعير اوكتافيا a4 2006 اوتوماتيك فابريقه بالكامل ماشيه 75 الف كم

و الف شكر و رمضان كريم

**mmffor** · 03-09-2010 11:50 AM

المشاركة الأصلية كتبت بواسطة sherifowahba

اخواني اعضاء نايل موتورز الكرام
السلام عليكم ورحمة الله وبركاته
نظرا لتعدي موضوعي المثبت ( تحديد سعر اي سيارة مستعملة هدية لاحلي منتدي الجزء الثاني ) حاجز ال 3500 مشاركة وال 80000 مشاهدة مما ادي الي ضرر بالداتا بيز بناء علي توضيح الاستاذ كريم منير المنسق العام للمنتدي فتم فتح هذا ألجزء الثالث كأمتداد للموضوع ولاستقبال كل استفساراتكم عن تسعيير اي سيارة بامان علي السيستم كله مع رجاء توضيح التالي عند طلب التسعيير :
1 الماركة والموديل
2 السي سي للسيارة
3 كماليات السبارة وهي مانيوال او اوتوماتيك وهل في كماليات معطلة او لا تعمل
4حالة الدهان هل هي برة وجوة شركة او رشة برة الجنبين او رشة برة بالكامل او رشة اجزاء في الدواخل وتوضيحها او رشة جوة كلها
5 حالة السيارة عامة كميكانيكا وعفشة و صالون و كهرباء
6 هل فيها مصاريف مع ذكرها ام لا
وربنا يوفقنا دائما للصواب والخير و جزائي و طلبي منكم هو دعواتكم الخالصة لي
مع كامل تحياتي وتمنياتي بالتوفيق للسيارة المناسبة او بيع السيارة الحالية بالسعر العادل للجميع

السلام عليكم: اول مره احاول استعين بتسعير حضرتك و ان شاء الله تبقى مفيده ليا لاني بسأل عن عربيه مش منتشره قوي بس حلوه قوي و شكرا مقدما

السياره الاولى أودي a4 موديل 98
1 فابريقه دواخل بالكامل و رشه بره
2- عداد كيلومتر عامل 175 الف
3 - فل اوبشن + جنوط سبور + فتحة سقف كهرباء اوتوماتيك( كله يعمل جيدا )
4- الميكانيكا تعمل بكفاءه و حاله ممتازه و تم عمل سيرفيس مؤخرا و لكن لمبة ال abs مضيئه في التابلوه ( غير معروف السبب في الكمبيوتر ام وحدة ال abs فيها عطل )
دي الحاجه الوحيدة المقلقاني في العربيه لانه معروف مفيش حد بيشتغل فيها و قطع غيارها موجوده بس غاليه
5- السعر المعروض 60 الف بس اظن ممكن تخلص 56 او 55 الف

السياره الثانيه أودي a4 موديل 96
1- فابريقه دواخل و خوارج بالكامل مش رشه حتى اكصدامات
2- عداد 40 الف بس
3- حاله عامة ممتازه ( ممكن محتاجه سيرفيس زيت و سيور )
4- فل اوبشن بس بدون فتحة سقف و اظن مانيوال
5- السعر المعروض 65 ممكن تخلص اخرها خالص 63 الف

ارجو رأي حضرتك في السيارات دي و السعر هل هو ملائم واللا غالي و اللا لقطه؟

**Eng. Ekramy Hamdin** · 03-09-2010 07:07 PM

السلام عليكم
لانسر 2008 اوتو 1600 فبريكه بالكامل 34000 كم جنوط - عتب - فوجات - اير باج - وحدات رفع - 2 ريموت اصلى
يا ترى هى دي الهاف سبورت وتعمل كام
جزاكم الله خيرا

**sherifowahba** · 03-09-2010 08:06 PM

المشاركة الأصلية كتبت بواسطة m_adeleid

السلام عليكم يا أستاذ شريف كل سنه و حضرتك طيب,رجاء تسعير بروتون ويرا 2004 عامله 81000 كم و فابريكه جوا لكن كان في خبطه في أسفل الشنطه و إترضت علي البارد و مرشوشه من الخارج و السياره كامله مانيوال 1300 والتكييف شغال,يوجد بعض التظبيطات بصالون العربيه(كاوتشات-جسم لمبه الصالون-المراية-الخ من التظبيطات البسيطه)
ملحوظه: السياره بها 3 توكيلات و هي مرور العجمي و بها رخصه سنه . ما هو الإجراء السليم مني في حاله الشراء.شكرا

كل سنة وحضرتك طيب وقدوم عيد مبارك عليك ان شاء الله
العربية دي تعمل 35 الف باعتبارها دواخل شركة باستثناء ارضية الشنطة والتظبيطات المذكورة
الاجراء اللازم للشراء ان حضرتك يتعمل باسمك عقد بيع مسجل و شهادة مخالفات و حضرتك تذهب الي المرور التابع ليك وتسلم الثلاث توكيلات وعقد البيع المسجل وشهادة المخالفات وبطاقة حضرتك ورخصة العربية وتقوم بفحص العربية ودفع نموذج الرخصة ولو حضرتك عايز الرخصة الجديدة بسنة زي ما هي يبقة ما تدفعش ضريبة او تأمين اجباري ولو عايز تزود مدتها يبقة تدفع ضريبة وتأمين بالمدة الي انت عايزها بحد اقصي سنتين علشان بالاضافة الي السنة الي في الرخصة يبقة كدة الحد الاقصي للرخصة ثلاث سنين وتستلم رخصة باسمك وبالمدة المدفوع عنها

**sherifowahba** · 03-09-2010 08:12 PM

المشاركة الأصلية كتبت بواسطة د.احمدالشافعى

السلام عليكم
كل سنة وانت طيب ياستاذ شريف
رمضان كريم عليك وعلى جميع الاسره
كان لى استفسار على عربيه كورولا الملكةموديل 1992 ليفت باك مع صاحبها من الزيرو (صاحبها مقدم فى الجيش)
العربيه ماشيه 188 الف كم مانيوال
وكماليتها( باور +تكييف+كاسبت اصلى) بدون زجاج كهربا ولا سنتر
العربيه تعمل كام بسعر السوق
وايه راى سعادتك فيها وفى اعادة بيعها
وكل سنه وانت طيب مره تانيه

دكتور احمد كل عام وحضرتك بخير و كل من عندك بصحة وسعادة
رجاء ذكر حالة الدهان داخلي وخارجي شركة ولا تم فيها دهان من الخارج او الداخل

**sherifowahba** · 03-09-2010 08:16 PM

المشاركة الأصلية كتبت بواسطة semsemoils

سيارة هوندا 83 هاتشباك اوتوماتيك تكييف هاف باور مارشتش بس محتاجة ترش برة

تعمل 20 الف باعتبار انها برة وجوة وتكييفها شغال ومش محتاجة مصاريف الا الرش برة

**sherifowahba** · 03-09-2010 08:20 PM

المشاركة الأصلية كتبت بواسطة sherif_113

استاذ شريف كل عام انت بخير انا معايا 20000الف جنية ما هى السيارة المناسبة لهذا المبلغ مستعملة طبعا ولكم جزيل الشكر اخوك شريف من السويس

ممكن تعطيني احتياجاتك ايه من السيارة علشان اقدر ارد عليك وما هي متطلباتك من السي سي و الموديل و واعادة البيع وقطع الغيار
وانا تحت امرك يا استاذ شريف في اي وقت

**sherifowahba** · 03-09-2010 08:23 PM

المشاركة الأصلية كتبت بواسطة sherif_113

استاذ شريف الماذدا 323 موديل 85 رشا برة عفشة جديدة بتكيف جنوط اسبور تعمل كام الرجاء الرد سريعا ولكم جزيل الشكر

تعمل 22500 بدون مصاريف وتكييف شغال

**dramir1** · 03-09-2010 08:55 PM

المشاركة الأصلية كتبت بواسطة dramir1

شريف باشا ايهما افضل مرسيدس c180 موديل 95 ام مرسيدس e200 موديل 89 ؟؟؟؟
وايهما اوفر في قطع الغيار والصيانات؟؟؟؟؟؟؟؟؟؟؟؟؟؟؟ وياريت حدود السعر بالنسبه للحالات الممتازه للمودلين

السؤال عن العربيتين اتوماتيك عداد تحت ال150 الف كم دواخل فابريقه
وافضل مكان اكشف عليها فيه وياريت اسم تاجر قطع غيار جديد واستيراد.....سامحني تقلت عليك ودا بس من عشمي في اخلاقك الطيبه

**No Comment** · 03-09-2010 09:01 PM

[justify]
السلام عليكم جميعاً
وسلام خاص لمستر شريف صاحب الجزء الثالث من تسعير السيارات وانشاء الله مش الاخير (لحد ما الاقى عربية )
المهم : النهاردة كنت فى السوق (كالعادة) ومطلعتش بحاجة تستاهل من السيارات الكويسة
الا عربية من الموديل اللى نفسى فيه اللى هوة الهوندا السيفك الكاملة 1990 بس للاسف مالحقتهاش (كالعادة برضوا ) الظاهر انى ....(ماهنالك) ، بس لقيت عربيتين حلوين كحالة وحبيت اعرف سعرهم من سيادتك
الاولى : تمبرا 1993 ايطالى 1600 كاملة عدادات ديجيتال بحالة جيدة جدا ظاهرياً (التجار بيقفوا عليها كتير) رشة بره اكيد لان حالتها استحالة تكون كدة من 93 تعمل كام لان صاحبها كان عارضها ب36الف وجاله فيها 34.5 ومرضيش يبيع .
الثانية : جولف 1300 مو 1988 فبريكة دواخل بحالة جيدة متركبلها تكييف يابانى وازاز كهرباء وجربتهم وشغالين كويس وحالتها العامة شدتنى بس ده طالب 33 ونزل معايا خصوصا لـ 31 يا ترا العربيتين يستاهلو ولا انا كدا بقرب من الاكسيل الحالات الممتازة كسعر (بما انى مش لاقى الهوندا الكاملة) . انا مش عاوز العربية لظروف ما يزيد سعرها عن 35000 بأى حال . واسف للاطالة عليكم ...
[/justify]

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

تسعير أودي a4 98 و 96 -

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة