الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة avatar

استاذ شريف
بعد التحية
ارجو تسعير لانسر 2007 خليجي كويتي 1300 مانيوال حوالي 30 الف كم السيارة دركسيون صغير اس ار اس ايرباجsrs اعتقد ان بها ايه بي اس فرامل abs+ebd
كل مافيها طوبة سقطت طبقت جزء من الباب اليمين تحت المراية 5 سم بس وكان بها حكة خفيفة بالرفرف اتعالجت بدون رش ,وخربشة خفيفة فوق الباكتات وفرش جلد فوق فرش الفابريقة وام بي ثري اصلي اول يد استخدام خفيف راقي بطرق نظيفةوتوضع بجراج وصيانة بالتوكيل دورية رخصة 3 سنوات في نهايتها تقريبا.

تعمل 72 الف

المشاركة الأصلية كتبت بواسطة avatar

ماشاء الله ع السرعة في الرد الف شكر
اريد ان اتاكد من حضرتك ان بها ايه بي اس فرامل قي موديل 2007 ال 1300 مانيوال الخليجي اللانسر

لا شكر علي واجب وكله هذا بفضل الله
ال 1300 مفيهاش اي بي اس لكن الخليجي بينزل بايرباج في الطارة الصغيرة مش زي الوكيل طارة كبيرة القديمة في ال 2007 ال 1300 وبدون ايرباج

المشاركة الأصلية كتبت بواسطة vissionplus3

بسم الله الرحمن الرحيم
السلام عليكم ورحمة الله وبركاته
حضرتك انا كنت عايز اشتري عربية مستعملة في رانج 65 -70 ()
بصراحة انا كنت ناوي اجيب اوبترا
بس في نااااس كتيير خوفتني منها وقالت انها عربية وحشة
وقالولي بالسعر دة تركب ياباني احسن
قالولي هات لانسر او يارس او الانترا او صني (بس انا مش بحب الصني بح انها قديمة وضيقة)
ةبعدين خايف اجيب لانسر 1300 اوتوماتيك (اسمع ان سحبها مش كويس دة حقيقي فعلا؟؟؟)
انا حيران بامانة وعايز حضرتك تساعدني
مع العلم
انا عايز عربية موديل 2005 وانت طالع
وتكون عائلية وبردو يا ريت لو موفرة يبقي كويس
يفضل تكون فبريكة (لو رشة اكصدامات نضافة مش مشكلة)
يا ترا اية افضل الموجود
لانسر ولا يارس ولا الانترا ولا اوبترا
ويكون ايه مواصفاتهم وفي حدود كام
معلش تقلت علي حضرتك
وكل سنة وحضرتك طيب

كل سنة وحضرتك طيب
الاختيارات الي حضرتك ذكرتها
بالنسبة للصني هي فعلا شكلها تقليدي
بالنسبة للانسر ال 1300 الاوتوماتيك مش حلو وسحبها سيء
الافضل لحضرتك :
لانسر اوتوماتيك 1600 2005 العادية برة وجوة
ياريس اوتوماتيك 1300 2006 الكاملة برة وجوة
النترا اوتوماتيك وكيل 2006 برة وجوة