تسعيير السيارات المستعملة هدية لاعضاء نايل موتورز (الجزء الثالث)

**MarEgypt** · 09-09-2010 09:56 PM

شريف باشا
كل سنه وحضرتك طيب

سياره اتوماتيك فولكس باسات Mk5 موديل 1996 و 1997 و 1998 موتور 1600 وحاله كويسه كل موديل يعمل حوالى كام؟

سياره اتوماتيك سكودا اوكتافيا موديل 1998 و 1999 و 2000 موتور 1600 وحاله كويسه كل موديل يعمل حوالى كام؟

لو فى اخطاء فى الموديلات - ذى مثلاً مفيش اتوماتيك 1600 او حاجه ذى كدا فأرجوا المعذره ! وارجوا التصحيح - انا ما يهمنى ان تكون السياره اتوماتيك مع سعه لتريه صغيره

**dramir1** · 09-09-2010 11:27 PM

شريف باشا كل سنه وانت طيب
.....تويوتا كرولا 2005 1600 بدون جنوط اسبور
عداد 107 الف فيها رد على البارد بالكبوت ولرفرف اليمين
تساوي كام؟؟؟؟

**phantom0xx0** · 09-09-2010 11:45 PM

اوبل فيكترا 2003 16v أوتوماتيك عملة حوالي 59 ألف كم دهان فبريكة برة و جوة ،صيانة في التوكيل، حالة ممتازة ، مفيش أي مصاريف

**party_0000** · 10-09-2010 01:46 AM

المشاركة الأصلية كتبت بواسطة party_0000

2002 خليجي كامله مانيوال رش نظافه بدون رش دواخل وحده رفع فرش جلد بطاريه وكاوتش جديد جنوط 15 ايطالي صيانه مستمره لاتحتاج اي مصاريف اول مالك لون كحلي فرش بيج
تعمل كام ياراجل ياطيب؟

معلش نسيت اقول انها كورولا

**tahayt** · 10-09-2010 02:22 AM

استاذنا الغالى كل سنة و حضرتك طيب
لو سمحت انا عاوز اعرف سعر عربية ابيزا 94 1300 كربراتير عاملة 300 الف كيلو بتاعة اخويا و هو تانى مالك ليها و مهتم بيها
العربية فبريكة دواخل و رشة برة و فى حتة من الكبوت مقشرة و باين تحتها لون ابيض مش عارف دة طبيعى و لا اية
انا ة الله عايز اعرف تسوى كام عشان مش عاوز اظلمة لانى عارف انة هيكرمنى فيها و فى نفس الوقت مش عاوز اسئلة عن موضوع التقشير اللى فى الكبوت دة لانة اخويا الكبير و مش عاوزة يحس انى بفاصل معاة
تانى حاجة عاوز اعرف مثلا لو مشيت انا بيها كمان 50 الف مثلا يعنى هتبقى عاملة 350 الف هاعرف ابيعها تانى بسهولة ولا لا
و كمان لو حبيت اغير الموتور بواحد استيراد لو تطلب الامر دة بيرخص العربية لما بتتباع (على فكرة العربية فاضية)

**wael6** · 10-09-2010 04:46 AM

كل سنه وانتم طيبين وعيد فطر سعيد عليكم وعلينا كلنا يارب

**soulamrm1** · 10-09-2010 05:29 PM

بعد اذنك يا شريف أدامى عربيه ألانترا 2007خليجي كويتي أوتوماتىك gls تكييف تاتش - جنوط -كاسيت dvd + شاشات فى مساند الرأس فابريكه بالكامل بها بعض الخرابيش عامله 90 ألف كيلو.
ياتري سعرها العادل ايه؟؟؟؟

**khaled5815182** · 11-09-2010 02:04 PM

استاذ شريف بعد اذنك تسعير سيارة مازدا 6 موديل 2006 ( 2000 سى سى )عاملة 39000 كم وهى الآن فى الجمرك وسألت على جمركها لقيته 170000 جنيه وحالتها بصراحة انا شفتها زيرو .. تعمل كام لو اخدتها بعد ما صاحبها يسدد الرسوم الجمركية ويسلمهالى بلوحات مصرية ولك منى مليون شكر وكل سنة وانت طيب