تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 26-12-2010 12:08 AM

المشاركة الأصلية كتبت بواسطة egypt0777

ممكن تسعير عربية الاتية بعد اذن حضرتك

1- نيسان تيدا مو 2010.
2- عامله 5000 ليلو.
3- لسه فى الضمان طبعا.
4- العربية فيها كل الكماليات و اعلى كتجرى.
5- اللون روز فاتح و الفرش اسود.
6-لاتوجد بها خبطات

واكون شاكر لحضرتك لو تقلى على مكان العربية ده فى سوق السيارات

ارجو توضيح التالي ؛
هي هاتشباك ولا سيدان
لو هاتشباك هي الكاملة بسقف ام 131 زيرو ولا الي من غير سقف
جملة حضرتك الاخيرة بصراحة مش فاهمها ؛
واكون شاكر لحضرتك لو تقلى على مكان العربية ده فى سوق السيارات[/quote]

**sherifowahba** · 26-12-2010 12:12 AM

المشاركة الأصلية كتبت بواسطة medo84eg

جزاكم الله مليون خير
و دي الاقيها ب25 الف
و تبقي موديلات من سنه كام لحد سنه كام في متوسط السعر بتاعي
و ربنا يباركلنا فيك يا باشا
سؤال كمان
هل قدامك حاجه تناسبني ؟

تبقة في موديلات من 85 الي 88
وحاليا مفيش امامي بس ممكن تدور في المواقع علي الانترنت او في السوق وهتلاقيها بس المهم اكشف عليها جيدا لتحصل علي حالة جيدة
ولا شكر علي واجب وانا تحت امرك في اي وقت

**sherifowahba** · 26-12-2010 12:15 AM

المشاركة الأصلية كتبت بواسطة karamela

برجاء تسعير السيارة التالية :-
نصر 128 موديل 1987 - 1100 سى سى 4 غيار - رخصة سنة و نصف - بطارية جافة جديدة - موتور حالتة 80 % - تحتاج تغيير الكاوتش - تحتاج بعض السمكرة الخفيفة و الدوكو

رجاء ذكر حالة الدواخل بالتفصيل

**sherifowahba** · 26-12-2010 12:19 AM

المشاركة الأصلية كتبت بواسطة neoneo

أنا محتار مابين fiat putno (2000-2003) 1300cc و peugeot 206 (2000-2001) 1100cc و الأتنين تقريبا في حدود 40,000 le
و ياريت تأكيد السعر منك.
و شكرا ليك مقدما.

الاثنين كويسين بس الطلب علي البونتو والرغبة فيها ممكن تكون اكثر شوية
بالنسبة للسعر هما الاثنين فعلا في رينج ال 40 الف للحالات الممتازة

**sherifowahba** · 26-12-2010 12:25 AM

المشاركة الأصلية كتبت بواسطة khaledmohsen

دايو لانوس 2007 مانيوال و تكييف و باور بس - فابريكة جوه - مغير اكصدام و رفرف و بها بعض الخدوش الخارجية - ماشية 40000 كيلو -حالة جيدة جدا - تعمل كام؟

المشاركة الأصلية كتبت بواسطة khaledmohsen

ايوه، بالظبط هي برة وجوة دهان المصنع باستثناء الاكصدام والرفرف - وعاملة 60000 مش 40000 كيلو

تعمل 47 الف بدون مصاريف

**sherifowahba** · 26-12-2010 12:28 AM

المشاركة الأصلية كتبت بواسطة semary

انا معايا 27 الف جنيه

وكنت عاوز اعرف رئيك يا باشا فى انى عاوز اشترى عربيه ومش عارف اجيب ايه

بس انا بقول ممكن اسكودا بالسعر ده وتكون نضيفه ؟

ولا انت ترشح ايه
مع العلم انا لسه بايع الاسبوع اللى فات فيات 128 موديل 90
ياريت تنصحنى علشان انا رايح ان شاء الله الجمعه الجايه السوق وربنا يوفق

ممكن :
فيليشيا او سويفت او برايد او اكسيل فاضية
وربنا يوفقك بأذن الله

**احمد المصرى** · 26-12-2010 08:48 AM

المشاركة الأصلية كتبت بواسطة sherifowahba

لا يا فندم السعر ده بالحالة الحالية علي اعتبار ان الي فيها سمكرة الرفرف والباب اليسار ورشهم اما الاكصدام ممكن يستعدل بالمياه الساخنة فقط
ولو ما وفقتش فيها يبقة لو حصلت صني مانيوال بحالة جيدة ممكن اعطيك خبر علي الفور

الف شكر ليك يا باشا وربنا يجعله فى ميزان حسناتك يا رب

ولو حضرتك قدامك لانسر اتوماتيك يبق تمام اوى لانى احب انى اخد عربيه من حد موثوق فيه ذى حضرتك

انا مش حابب الصنى بس ال عاجبنى فيها انها قدام عينى مش اكتر وعامله 30 الف بس انا نفسى فى اتوماتيك افضل

**sherifowahba** · 26-12-2010 02:04 PM

المشاركة الأصلية كتبت بواسطة احمد المصرى

الف شكر ليك يا باشا وربنا يجعله فى ميزان حسناتك يا رب

ولو حضرتك قدامك لانسر اتوماتيك يبق تمام اوى لانى احب انى اخد عربيه من حد موثوق فيه ذى حضرتك

انا مش حابب الصنى بس ال عاجبنى فيها انها قدام عينى مش اكتر وعامله 30 الف بس انا نفسى فى اتوماتيك افضل

تمام يا استاذ احمد بس ممكن تقولي رينج السعر الي بتدور فيه كام علشان لو جت امامي او اي حد من الاعضاء كان عارض لانسر في اختياراتك ورينج سعرك اعطيك خبر علي الفور

**sherifowahba** · 26-12-2010 02:07 PM

المشاركة الأصلية كتبت بواسطة hamadafawzy

اولا انا متشكر لحضرتك علي جهدك في تسعير كل العربيات دي
ومعلش انا محرج منك بس محتاج اسعر عربيتي وهيه 128 فلارجو لو في الامكان حضترك تقولي تقريبا ممكن تعمل كام

هيه موديل 1986
لونها احمر ميتاليك
1100 سي سي

ميكانيكا وكهربا مفيهوش مشكله ومغير بطاريه ومركب فارتا جافه لسه مكملتش سنه
كاوتش تيوبلس والجنوط عاديه جديده
يوجد بالعربيه سنتر لوك وانذار
العربيه متغير فرشها بالكامل الفرش لونه بيج
وعمل عازل للحراره عند الموتور من داخل الصالون بحيث الحراره متأثرش عند اللي بيسوق او اللي بجانب السائق في الصيف
وتم فرش الارضيه بمشمع بيج بلون الكراسي فوق الفرش الفابريكه الخاص بالعربيه
فيه بارومه اسفل العربيه من تحت علبه الدريكسيون تري بالعين المجرده لما العربيه تترفع وسئلت عليها لقيت انها ممكن تتعمل ب 200 جنيه وفوق الكرتيره برضه بارومه بس بسيطه بتاعه شنطه العربيه
انا مغير كبوت امامي والرفرفين من باب النضافه مش عشان كان فيهم مشاكل ولكن عشان كنت بشد العربيه فغيرتهم
وهيه راشه بره برضه عشان نفس السبب اني كنت بشدها وراشش الحوض
فيه خبطه في الرفرف اليمين مش سايبه اثر في الدهان ولكنها مدخلاه لجوه شويه يعني تترد ع البارد
فيه خبطه في الرفرف الخلفي سلك شائك دخل جوه الصاج نفسه وسايب اثر بسيط
ومتشكر جدا لاهتمامك وتعبك معانا

الف شكر لتحية حضرتك وتسعيير كل هذه السيارات بفضل الله سبحانه وتعالي
حضرتك راشش الحوض بس ولا القوائم والشنطة برده راشين
ارجو التوضيح

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة