الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة firstabdo

السلام عليكم

استاذى الفاضل , انا اسف هاتعبك معايا شوية لانى عايز اسعر 3 عربيات ارجو الرد عليا لانى جاد فى الشراء

انا ادامى عربيتين بقارن بينهم وانى الاحسن من حيث الكفاءة وسعر اعادة البيع .

الاولى اوبترا موديل 2008 -- 1600 - كاملة مانيوال - وتكييفهايحتاج الى شحن - وزراير المرايات بتعلق ساعات - زيرو دواخل بمعنى الكلمة لأنها ادامى من ساعة مجت زيرو مع واح جارى - لسة متجددة اليوم فى التأمين أدام عينى بس رشها كلها برا بالكامل - هلى لونها اسود - وبعد التجديد تكاد تكون زيرو - ولا يوجد بها اى مصروف غير الى انا قولتوا وعندوا استعداد يعملهولى- عاملة 55000 كم - رخصتها سارية ايضاً .

التانية بقى هيونداى نيو اكسنت - 1600 - كاملة مانيوال - كل الكماليات تعمل بكفاءة - فابريكة برا وجوا - بس الاكصدام الأمامى فى كذا شرخ من الركنات وبسبب مكان الركن انه بيسيب العربية ممورة للسايس ( طبعاً كلنا عارفين ليه ) - يوجد بها خرابيش لا تذكر ولا تحتاج الى رش - لونها فيرانى - وعاملة 80000 كم - رخصتها سارية

ارجو التوضيح وتنصحنى بأيه وليه ؟

الثالثة بقى عربيتى وعايز ابيعها
هيونداى اتوس - موديل 1998 - 1000 سى سى - تكييف وسنتر - التكييف يعمل ولكن انا شايل السير عشان ميحملش على الماتور فى الشتا - فابريكة دواخل بالكامل - لسة مجددها من برا كلها - بس الرفررف اليمين اتجرح وهى واقفة - عاملة 93000 كم- كاسيت هيونداى الاصلى - فرش الفابريكة - رخصتها سارية - اطلب كام ومنزلش عن كام

وشكراً جداً واسف ان كنت طولت عليك وفى انتظار ردك ........................

المشاركة الأصلية كتبت بواسطة firstabdo

شكرا ليك جداً وجزاك الله كل خير الهيونداى موديل 2007 وياريت تقولى انى احسن وليه ....

النيو اكسنت تعمل 60 الف
الافضل من حيث الاداء والاعتمادية الاكسنت
الافضل من حيث سعر اعادة البيع و سرعته الاوبترا