الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة abdo_farrag

السلام عليكم أ/شريف
كالعادة تعبينك معانا كل مره
فى عربيه كيا 2002 اتومتك معروضه عليا للبيع هى فبريكة بره و جوه مفهاش غير رفرف وره بس هو الى راشش و الاكصدامين رشين - غير كده فيه خدوش من الجنبين و فيه خبطه فى الباب الورانى خفيفه و مممكن تترد على البارد و السقف مملح من الشمس
العربيه متور و عفشه و شسيه جيد و البتريه و الكوتش بقلهم فتره بس كويسين - تكيف و بور و زجاج كهرباء للبابين الى قدام رخصة منتهية و معاه شهادة بينات علشان الشهر الهقارى فى البيع و بيان بالمخلافات
العربية عملة 113 الف كم و لونها سماوى متلك و حلتها العامة كويسة

ايه رايك انا ان شاء الله ناوى اخلص فيها تنصحنى بايه و تساوى كام ؟؟؟؟
و بالنسبه لاجرائات نقل العربية من اول عمل التوكيل حتى الذهاب للمرور ايه؟ على اعتبار انها اول سيارة ليا

و جزاك الله خير على مجهودك معانا

المشاركة الأصلية كتبت بواسطة abdo_farrag

هى كيا برايد سيدان

تعمل 33500
الاجراءات كالتالي :
1 شهادة البيانات للشهر العقاري وشهادة مخالفات
2 روح الشهر العقاري بشهادة البيانات الموجهة للشهر واعمل عقد بيع مسجل لنفسك
3 روح المرور الي حضرتك تابع ليه وسلم بطاقتك وعقد البيع المسجل وشهادة المخالفات ولو حات السيارة ومن ثم تقوم بعمل الفحص ودفع الضريبة والتامين لعدد السنين الي انت عايز بيها الرخصة سنة او اتنين او ثلاثة وشراء نموذج الرخصة وورق التجديد وكده الاجراءات بشكل مبسط