تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 09-04-2011 04:42 PM

المشاركة الأصلية كتبت بواسطة magd_helm

السلام عليكم ورحمة الله وبركاته
أرجو تسعير السيارة التالية لأني رايح أخلص فيها بكرة ان شاء الله وجزاكم الله خيرا
1 الماركة والموديل كيا سيراتو 2008 الشكل القديم
2 السي سي للسيارة 1600 سي سي
3 كماليات السبارة كاملة أوتوماتيك l x
(اللي هي من غير من غير مريات كهرباء ولا جراب نظارة ولا حلية كروم ولا تبطين للشنطة )
4حالة الدهان فابريكة بالكامل بره وجوه مع وجود بعض الخرابيش البسيطة والتجريحات على الجانبين
5 حالة السيارة عامة كميكانيكا وعفشة و صالون و كهرباء ممتازة
6 هل فيها مصاريف فيه صوت بسيط مع دوسة الفرامل مش عارف لسه هو ايه
7- العداد 26500 كم ستة وعشرون ألف وخمسمائة

[/quote]

تعمل 75 الف

**sherifowahba** · 09-04-2011 04:59 PM

المشاركة الأصلية كتبت بواسطة kendafawzy

شكراً يا باشا على التوبيك المهم
وياريت اعرف سعر سيارتى فى السوق

1-ماركة السيارة: هيونداى النترا الشكل الجديد
2-الموديل/السنة:2007
3-عدد الكيلومترات: 32000
4- نوع ناقل الحركة ( اوتوماتيك )
5-لون السيارة: اسود
6-الكماليات (كاسيت وسماعات الفابريكة - باور - انذار وسنتر - مكن رفع - تكييف - مرايات كهرباء ( كل دول فابريكا ))
7-حالة الصاج او الخوارج : فابريكة بأستثناء بعض الخدوش ورشة حزء بسيط فى الرفرف الخلفى
8-حالة الدواخل ( فابريكة بالكامل)
9-حالة الصالون ( فوق الممتاز -- فرش جلد )
10-الحالة العامة او التقييم العام للسيارة ( ممتازةاً) والحمد لله
11-حالة البطارية: جديدة
12-حالة الكاوتش ( جديد )
13-تاريخ انتهاء الرخصة؟2014
14-اول يد
15-حالة الموتور: فابريكة فعلاً لا تحتاج لاى مصاريف
16- سعة المحرك اللترية و عدد السلندرات:1600 سى سى 4 سلندر بنزين

العربية لا تحتاج لاى مصاريف وكمان اترفعت سنتين

تعمل 76 الف

**Piowood** · 09-04-2011 05:21 PM

أستاذنا الفاضل شريف .. برجاء تسعير هذه السياره ..

شيفروليه أفيو 2008 مانيوال 1500 سي سي _ عداد 100 ألف كيلو متر
هاف اوبشن ( تكييف و باور ) فقط
فابريكه بره وجوه ماعدا بابين فقط
حالة العربيه ممتازه من بره ومن جوه فرش ممتاز وحالة الموتور ممتاز أيضا

وشكرا لحضرتك

**sherifowahba** · 09-04-2011 05:23 PM

المشاركة الأصلية كتبت بواسطة keko

استاذ شريف فيه كام عربية كنت عايز اعرف متوسطهم فى السوق من كام لكام علشان اختار منهم لان المكاتب بتبالغ فى الاسعار ومش عارف احدد السعر الحقيقى لاختيار السيارة المناسبة
فيات 124 1974 رينج ال 11 الف
فيات 125 1980 رينج ال 12 الف
لادا 1200 1982 رينج ال 13 الف
لادا 1500 1984 رينج ال 15 الف
لادا 2105 1987 رينج ال 16500
لادا 2107 1991 رينج ال 20
بولونيز 1988 رينج ال رينج ال 15 الف
فيات 131 1600 1976 رينج ال 15 الف
فيات 132 موتور 1600 1975 رينج ال 13 الف
مازدا 323 1982 سيدان رينج ال رينج ال 19 الف بدون تكييف
هوندا سيفيك 1981 سيدان رينج ال 15 الف
هوندا اكورد 1979 رينج ال 17 الف
مرسيدس شمامة 115 1974 رينج ال 17 الف
فيات 124 كوبيه 1972 موتور 1600 2 كامة رينج ال 15 الف

كل دول على اعتبار ان موديلات قبل 1980 راشة دواخل نضافة وموديلات بعد 1980 دواخل فابريقة وكله اساسيات سليمة وحالة متوسطة معلش هاتعبك معايا

انا حطيت رينج السيارات امام كل سيارة بس تعبتني والله يا اخي

**sherifowahba** · 09-04-2011 05:31 PM

المشاركة الأصلية كتبت بواسطة abkarabkar78

الموديل / سيات قرطبة 2002
اللون /رمادى
بها موتور جولف 4 1400 سى سى مثبت بالرخصة
4 جنوط اسبور مقاس 16
كامل مانيوال
رشة بره نضافة
بها رخصة قوات مسلحة الهرم حتى 5/2012
فرش جلد
فوانيس شبورة
العداد 153000 كم
السيارة موجوده فى اسيوط حاليا ويمكن الذهاب للقاهرة فى الجدية عند الشراء وبعد الاتفاق
تليفون 0105655833 او التواصل على الخاص
العربية لسه عمالها صيانه مغيره طقم سيور بالكامل ومش محتاج اى مصاريف نهائيا

بالنسبة للسعر تعمل 40 الف

**sherifowahba** · 09-04-2011 05:35 PM

المشاركة الأصلية كتبت بواسطة marwankh

فيات 110 ارجينتا اوتوماتيك 2000 سى سى موديل 87
راشه نظافه
متوسط سعرها كام وشكرا ؟

هي رشة نظافة خوارج ولا دواخل وهل بها كماليات مثل التكييف ارحو التوضيح

**sherifowahba** · 09-04-2011 05:40 PM

المشاركة الأصلية كتبت بواسطة mustafavet

دايو لانوس1 2000
2 السي سي 1500
3 هاف اوبشن و مانيوال
4حالة الدهان برة وجوة فابريكا ماعدا الرفرف اليمين والباب اليمين والكبوت واجزاء من الحوض لاني عملت حادثه قريب بيها
5 حالة السيارة عامة كميكانيكا وعفشة و صالون و كهرباء اكثر من ممتازه
6 محتاجة بس زوج كاوتش
7 العربيه عامله 122 الف كيلو
اشتريتها من 6 شهور ب 43 الف ونص ( دلوقتي تعمل كام)

يا ريت توضيح الاجزاء الي رشة في الحوض بالضبط لامكانية التسعيير المناسب

**sherifowahba** · 09-04-2011 05:44 PM

المشاركة الأصلية كتبت بواسطة saka

بالله عليك يا أستاذ شريف وهبة قولي بس تسعيرة العربية ده علشان انا إن شاء الله مقبل علي شراءها و أشكرك مقدما

يا جماعة معروض عليا عربية جين 2 مانيوال موديل 2006 عاملة 130 ألف كيلوا و متغيرها إسطوانة و ديسك و كاوتش جديد و رشة نضافة بس كهربة المرايات و الزجاج مش شغال تمام و عاوز يتصلح و فيها نقرة في الكابوت و شرخ في الزجاج البريبيز لكن باقي العربية تمام و حالة الموتور تقريبا 90 % و الصالون ممتاز و سقف العربية من غير رش و من جوة العربية ممتازة و سحبها ممتاز و التكيف تمام و العدادات ممتازة و التابوة رائع و نظام الصوت تمام و نقل الغيارات تمام و الفرش حالتة 85 % و مفيهاش خبطات بس متغيرها إكسدامات أمامي و خلفي و البطارية تمام و دواخل فبريكة و صاحب العربية صاحبي من 23 سنة يعني مش حيغشني و رخصة العربية منتهية يعني يوم ما أشتريها هو حيدفعلي مصاريف نقل الملكية كلها و الرخصة الجديدة حتكون بإسمي و هو طالب فيها نهائي 45000 جنيه حاولت أنزل معاه ما وافقش يا جماعة أنا بثق في كل أعضاء المنتدي فياريت بالله عليكم لا تبخلوا بالرد أتوكل علي الله و أشتريها ولا لأ العربية لونها إسود

توكل علي الله السعر مناسب للحالة بالنسبة لحضرتك

**sherifowahba** · 09-04-2011 05:52 PM

المشاركة الأصلية كتبت بواسطة piowood

أستاذنا الفاضل شريف .. برجاء تسعير هذه السياره ..

شيفروليه أفيو 2008 مانيوال 1500 سي سي _ عداد 100 ألف كيلو متر
هاف اوبشن ( تكييف و باور ) فقط
فابريكه بره وجوه ماعدا بابين فقط
حالة العربيه ممتازه من بره ومن جوه فرش ممتاز وحالة الموتور ممتاز أيضا

وشكرا لحضرتك

تعمل 57 الف

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة