تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 13-04-2011 03:01 PM

المشاركة الأصلية كتبت بواسطة jow

الف شكر يا استاذ شريف علي الرد
انا اللي سالت حضرتك انهارده علي ال التو هفكر حضرتك بيها هيه موديل 2008 ماشيه 22000كم فيها تكييف و كاسيت
كان صاحبها طالب فيها 38000 و حضرتك رديت عليا مشكورا و قلت لي تمنها 36500
انا لسه كاشف علي العربيه دلوقتي و حالتها العامه ممتازه بس فيها الباغه بتاعه الفانوسين اللي ورا مكسورين و علي حد علمي الفانوسين كده لازم يتغيروا و مش عارف تمنهم كام
و كنت عايز اعرف من حضرتك سعر التسجيل ليها
و كمان هيه الرخصه بتاعتها هتخلص شهر 6 اللي جاي و محتاجه تجديد و فحص
معلش انا كترت عليك بس انا يهمني راي حضرتك جدا
هل تمنها 36500 بعد اللي قلتهولك ده لسه مناسب ولا كتير و كمان سعر التسجيل ليها كام و الفحص و التجديد
و لك جزييييييييييييييييييييييي يييييييل الشكر

كده تعمل 36 الف
الفوانيس فعلا لازم تتغير
سعر العقد المسجل في الشهر العقاري رينج ال 1200 تقريبا لاني مش متأكد قوي
الفحص والتجديد تقريبا بتصرف في رينج ال 450 للسنة من ضريبة وتامين اجباري وورق تجديد ونموذج فحص ولو هي اللوحات القديمة هتزيد في رينج ال 125 جنيه تامين لوحات جديدة فلو حضرتك هتجدد سنة تصرف في حدود المبلغ المذكور وهكذا سنتين او ثلاثة اضربهم في 2 او 3

**thelegend_0001** · 13-04-2011 04:24 PM

طب رد حضرتك يا استاذ شريف بالنسبة للميجان هاتش باك ؟؟ معلش تاعب حضرتك بس دا من العشم و الله :)

**hamade20** · 13-04-2011 05:07 PM

عربيه باسات 99 كامله مانوال ماعدا السقف فيها اكصدامين بس مرشوشين ومفهاش الا خربوش في الرفرف الشمال اللون سماوي 2000 سي سي تعمل كام ؟

**sherifowahba** · 13-04-2011 05:12 PM

المشاركة الأصلية كتبت بواسطة sherif78

السلام عليكم و رحمه الله
كيف الحال يا أستاذ شريف

أنا معروض عليا سيارتين هيونادى أكسنت الأولى (موديل 98 - 1500سى سى - فابريكه بره و جوه - جميع الكماليات - مانيوال - عداد عامل 118000 كيلو) صاحبها طالب فيها 40000 ألف

السيارة الثانيه (موديل 2000 - 1500 سى سى - فابريكه جوه لكن رشه حزام - جميع الكماليات - مانيوال - عداد عامل 131000 كيلو) صاحبها طالب فيها برضه 40000 ألف

أنا للأسف معنديش خبره كافيه أنى أقدر أسعر التسعير الحقيقي لكن أنا حاسس ان فيه مبالغه في الأرقام دى فأرجو منكم المساعده

و سؤال تانى يا أستاذى الفاضل : أيهما أفضل أشترى من الأنترنت -كونتاكت مثلا- ولا أنزل سوق السيارات و أتفرج بنفسي ؟؟

الاسعار معقولة مش مبالغ فيها قوي
ال 98 سعرها طبيعي بدون خدوش او مصاريف ورخصة سنة علي الاقل
ال 2000 تعمل 39 الف بنفس الحالة الي بدون مصاريف وباعتبار السقف والكابوت والشنطة والدواخل فبريقة

**sherifowahba** · 13-04-2011 05:15 PM

المشاركة الأصلية كتبت بواسطة waeel_bdr

شكرا

لا شكر علي واجب يا اخي

**sherifowahba** · 13-04-2011 05:17 PM

المشاركة الأصلية كتبت بواسطة ana3fretelnt

بسم الله الرحمن الرحيم

مع الشكر أرجو تسعير

لوجان 2010 فابرياة برة و جوه
فول أوبشن

عاملة 5500 كم

بها تجاريح و خبطات مردودة على البارد

تعمل أد ايه؟؟؟
و خالص شكري

تعمل 56 الف باعتبارها كاملة مانيوال وبالحالة المذكورة

**sherifowahba** · 13-04-2011 05:30 PM

المشاركة الأصلية كتبت بواسطة thelegend_0001

السلام غليكم و رحمة الله
لو سمحت يا استاذ شريف انا غايز اجيب ميجان هاتش باك بانوراما حالتها نضيفة..فعايز اعرف السعر يكون فحدود كام لو موديل 2006 او 2007 و عداد اقل من 50 الف ..متوسط السعر يكو كام لو بالمواصفات دى...
و شكرا مقدما لرد حضرتك..

المشاركة الأصلية كتبت بواسطة thelegend_0001

طب رد حضرتك يا استاذ شريف بالنسبة للميجان هاتش باك ؟؟ معلش تاعب حضرتك بس دا من العشم و الله :)

تعمل رينج ال 70 الي 75 الف
ولا تعب ولا حاجة بس انا برد بالترتيب وانت عارف بس كل شوية اتشغل شوية في المكتب فمعذرة للتاخير

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة