الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة mmmm1977eg

الف شكر يا استاذنا على سرعة الرد
بس استفسار انا لو رحت بالرخصة المرور هيقول لى العربية عليها مخالفات اد اية بس و مش هيجيب سيرة التاكسى و كنت عايز اعرف يعنى اية شهادة بيانات من المرور ؟ و على فكرة جاويش و عيسى هو مركز خدمة معتمد فى شارع بورسعيد عند كوبرى غمرة و هو مركز بيعتمد عله كونتاكت كار فى الكشف على السيارات لتقسيط السيارات المستعملة

لا شكر علي واجب يا فندم
موضوع المخالفات ده في نيابة المرور وليس المرور نفسه
اما حضرتك علشان تعرف اساس السيارة هتدخل المرور نفسه وتقف علي شباك الترخيص وتطلب اساس السيارة كانت ملاكي من مرور تاني وتم النقل الي المرور الحالي ام كانت تاكسي ورخصت ملاكي
اما شهادة البليانات هي شهادة من المرور ببيانات العربية من رقم شاسيه ورقم موتور و رقم اللوحات وموقف سداد الضريبة والصناعة محلي ام مستور يعني كل بيانات السيارة ولما بتطلبه من المرور لازم يكون موجه الي جهة معينة يعني اما الي الشهر العقاري لعمل توكيل او عقد مسجل في حالة ان الرخصة منتهية او بتطلبه موجه الي مرور معين الي حضرتك هتنقل الملكية عليه وده برده لما بتكون الرخصة منتهية او بتطلبه موجه الي المحكمة معينة لما بتكون في قضية تخص العربية او ورث او ما شابه ذلك
اما مركز الخدمة كده يبقة تمام واكيد هما كفاءة ممكن تفحص عنده