تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 01-08-2010 01:04 AM

المشاركة الأصلية كتبت بواسطة vantroy

فى الاول انا باشكرك أ/شريف على سرعة الاجابة ... ربنا يكرمك ويسعدك

انا عندى سؤال محيرنى

انا شوفت ابيزا 94 حالتها تمام وسعرها الى حد ما تمام .. وبصراحة عجبتنى العربية

ولكن الناس قاللولى بلاش ابيزا علشان اسعار قطع غيارها العالية - مقارنة بالسويفت - وكمان مش مطلوبة - انا من المنصورة -

فهل الكلام دا سليم

يعنى هل فى فرق كبير بين اسعار قطع غيار السويفت والابيزا اكبر من الفرق بين العربيين ( لو عملنا مقارنة بين الاتنين فى الاداء )

وباعتذر على الاطالة ... لكن بجد انا محتار جدا وبجد عايز حد يساعدنى فى الاختيار

هو فعلا اسعار قطع غيار الابيزا اغلي ومش موضوع كده بس لكن موضوع انها فيها كونترول وبعض الحساسات ودي غالية
لكن في الاداء الابيزا ممتازة لما بتكون سليمة وتهون امامها المصاريف
ومن رايي العربية السليمة بتريحك ومبتطلبش قطع غيار بطريقة كبيرة ايا كان نوع العربية
فاهم حاجة بالنسبالك الحالة وركز عليها جيدا افضل من السعر

**sherifowahba** · 01-08-2010 01:09 AM

المشاركة الأصلية كتبت بواسطة massoud2

استاذنا العزيز جزاك الله عنا خيرا وارجوا من سيادتكم تسعير هذة السيارة
دايو - نوبيرا 2007 كاملة -اوتوماتيك -75000 كم - جنوط - فابريقة برة وجوة - 1600سى سى -وما هى عيوبها
ولك منا جزيل الشكر والعرفان

تعمل 57 الف
العربية دي عيبها انها اوتوماتيك والاوتوماتيك مش مضمون في النوبيرا لانه في اي وقت ممكن يعطل ويقف عن العمل اما لو مانيوال بتبقة اكتر شوية في سعرها واعادة بيعها

**sherifowahba** · 01-08-2010 01:20 AM

المشاركة الأصلية كتبت بواسطة alaa78

السلام عليكم لو واحد معاه 25000 يدفعهم مقدم لعربيه سبارك و لا يشترى بيهم ايه مستعمل مع العلم ان شغله يبعد عن سكنه حوالى 35 كم كل يوم عدا الجمعه ايهما يكون أفضل وجزاك الله خيرا

والله ما دام امكنيات القسط موجودة واستخدام حضرتك راقي غير مهين يبقة الزيرو افضل و الزيرو زيرو ايا كان لان الاسبارك عايزة استخدام هاديء

**sherifowahba** · 01-08-2010 01:21 AM

المشاركة الأصلية كتبت بواسطة mahdyez

معروض على سيارة لانوس 99 فضى فابريقه بالكامل لكن بها اجزاء مردوده فى الرفرف والكابوت على البارد 117 الف كم

هي تكييف وباور ولا كاملة مانيوال ولا كاملة اوتوماتيك وهل فيها مصاريف ارجو التوضيح

**sherifowahba** · 01-08-2010 01:25 AM

المشاركة الأصلية كتبت بواسطة rabso

استاذ شريف ، بعد التحية

انا ببيع عربيتى الاوكتافيا الa4 موديل 99 1600 سى سى كاملة اتوماتيك وكل الكماليات شغالة تمام ورشة برة جنب وحالتة الصالون والموتور ممتازة ومش محتاجة مصاريف ، انا مش عارف اتكلم فى سعر كام ..
والف شكر على مساعدتك

حضرتك اتكلم في 62 الف ونفذ لحد 58 الف

**sherifowahba** · 01-08-2010 01:30 AM

المشاركة الأصلية كتبت بواسطة hgaber

طيب الخصم المناسب كام؟

الخصم المناسب لل 2009 يكون في رينج ال 12 علي الاقل من رايي الشخصي

**sherifowahba** · 01-08-2010 01:35 AM

المشاركة الأصلية كتبت بواسطة mohmooh

بعد اذن حضرتك عايز اعرف السياره البي واي دي f3 موديل 2008 عامله 30000 كامله مانيوال فابريكه بره وجوه تعمل كام

تعمل 45 الف بحالة الزيرو بدون مصاريف

**sherifowahba** · 01-08-2010 01:41 AM

المشاركة الأصلية كتبت بواسطة handsome_11975

استاذ شريف عربيه شاهين موديل 2004 و 1400 سى سى وفاضيه , العربيه فابريكه بره وجوه و حالتها العامه جيده جدا يا ريت تعرفني تعمل في حدود كام

تعمل 39 الف بدون مصاريف او خدوش تستدعي الرش

-

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة