تسعيير السيارات المستعملة هدية لاعضاء نايل موتورز (الجزء الثالث)

**modyhamada92** · 21-05-2011 03:01 AM

اريد معرفة سعر هوندا سيفيك si 93 فتحة سقف رشه برة ,, وايه مزايا وعيوب العربيه ديه,, وهل هيا عربيه عمليه ولا مصروفها كبير... معلش انا اسف للاسئله بس انا لسه جديد وعايز اعرف رايك فيها بحكم خبرتك ... لانى سمعت ناس بتشكر فيها اوى وناس بتقول العكس... ومعروض عليا واحدة ومحتار .... وشكرا

**mohmedaboud** · 21-05-2011 10:52 AM

ممكن اعرف من حضرتك سعر سيتروين سى 4 موديل 2006 موتور 1600 سى سى فابريكه دواخل وخوارج كامله العداد فى حدود 80 الف كيلو

وفى حاله انها محتاجه كنترول يونت تعمل كام وتقريبا يعمل كام

**zamalek26** · 21-05-2011 01:43 PM

لو سمحت يا استاذى الفاضل : عربيه نيسان تيدا موديل 2011 تقفيل مكسيكى لون سماوى كسر زيرو ماشيه 200 كيلو اتوماتيك لم ترخص (بدون لوحات) سعرها كم فى السوق(انا عارف ان النيسان سعرها بينزل فى اعادة البيع) فمحتاج اعرف اخدها على كم ؟

واخلى بالى من ايه وهل العربيه دة فيها عيوب تصنيع؟
تنصح بيها على العلم انها يابانى تقفيل مكسيكى؟

العربيه فل ابوشانز بس اللى هى مش بلش . العاديه اللى بتيجى طاسات مش رينجات.

منتظر ردك واشكرم مقدما.

**zambarota** · 21-05-2011 03:19 PM

السلام عليكم ورحمه الله
ارجو تسعير سياره دايو جوليت مو 99
فابريكه دواخل وسقف ورشه خارجى نظافه
عداد 120 الف السياره فول اوبشن
حاله جيده

**pohaa** · 21-05-2011 04:43 PM

انا عايز اعرف سعر دايو لانوس 2008
1500سىسى
كاملة مانيول
رشه حزام

**dagadeeg** · 21-05-2011 05:10 PM

انا بعت عربيتى القديمة فى نفس الرينج اللى حضرتك قولتلى عليه
انا بس عايزة اشكر حضرتك لأنك ساعدتنى فى تسعير العربية

**mostafaelhamzawy** · 21-05-2011 07:58 PM

السلام عليكم استاذي الفاضل بعد اذنك اريد تسعيير سيارة شاهين موديل 2000 حالتها العامة ممتازة فابريكة بره وجوه وعاملة 150000 كم مع العلم انها مغيرة كورونه ومركبة كرونا تويوتا كرسيدا وكاوتش جديد وبطارية جديدة وشكرا واسف للاطالة

**easy2002** · 21-05-2011 09:50 PM

السلام عليكم ورحمة الله وبركاته

لو سمحت يافندم كنت عاوز أعرف سعر عربية تيوتا كورولا 2005 1600 سي سي ماشية 45 ألف كيلو فيها رش بعض أجزاء خارجية جنوط وفتحة سقف واتوماتيك وكهربا ولون سماوي

محتاج ردك سريعا يافندم لإنها معروضة عليا وشكرا جزيلا لحضرتك

**pohaa** · 22-05-2011 12:44 AM

انا عايز اعرف سعر دايو لانوس 2008
1500سىسى
كاملة مانيول
رشه حزام
دواخل فابريكة

**sherifowahba** · 22-05-2011 04:18 AM

المشاركة الأصلية كتبت بواسطة egy77

عندي استفسار يا استاذ شريف ... انا روحت شوفت العربية الانسر 2009 اوتو 1600 لقيتها فعلاً رشة اكصدام ورفرف بس موجود بها فوج وعتب واوكر نيكل واسبويلر فرامل يد وفتيس جلد طبيعي ... ما فيش جنوط فيها طاسات عادية ... القايم مش موجود عليه استيكر المواصفات ... هل دي هي اللانسر المصري؟ وهل سعرها يتغير بعد الإضافات دي؟ كنت حضرتك سعرتهالي على 82500 لو كلاسيك.

دي مواصفات توكيل مصرية والسعر هو هو