الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة احمد المصرى

استاذ شريف اخبار حضرتك ايه


الموضوع مش خناقه ولا حاجه بس انا من ساعات لقيت رساله على الموبيل ان واحد عايز يشترى العربيه وانه من نايل موتورز وانه اخد رايك فى العربيه وحضرتك قلتله 61 الف انا قلت احتراما ليك واحتراما للمنتدى مش هتفرق الفلوس فى داهيه الفلوس مقابل الناس المحترمه فبعتله رساله بقوله تشرفت بيك بس قبل ما نتكلم فى فلوس لازم تشوف العربيه بهدف انى هتفق معاه اذاى فى رساله موبيل وهو مشفش العربيه



وانا بتصفح موضوعك لقيته كاتب بيانات عربيتى بس بطريقه غير صحيحه اطلاقا واسلوب مش تمام مثلا انها فيها توكيلات كتير اوى مش فاهم يقصد ايه بالجمله دى اطلاقا فقلت لازم اوضحله الصوره وانى احترمته علشان من نايل موتورز وانه قال انه حكمك فى ثمن العربيه لو مكنش قال كدا استحاله كنت هرد عليه برساله لان ال مش قادر يدفع 20 قرش ثمن دقيقه تليفون يبق استحاله يقدر يدفع ثمن عربيه

علشان كدا حبيت اوضحله الصوره وانه لازم ينقل الصوره صح وباسلوب كويس مش اكتر


وانا بعتزرك بس اسلوبه نرفزنى

المشاركة الأصلية كتبت بواسطة cvt2008

أولا وقبل كل شىء
أنا أسف ليك أستاذ أحمد المصرى
وأسف ليك أستاذ شريف وهبة لأنى حطيتك من غير قصد فى موقف بايخ جدا
أستاذ احمد انا مقصدش انى اقلل من مواصفات عربيتك
وانا مزكرتش مواصفاتها بالضبط تحاشيا لأنى اسببلك اى لخبطة فى عرضك للعربية
ومقولتش على باقى المواصفات لأن اللى بيوصف عربية عشان يعرف سعرها بيكون شافها
وأنا زى ما قولت لحضرتك من سوهاج ومسافتى بعيدة وسفر
وبثق جدا فى رأى الاستاذ شريف
وان ساعة ما بعتلك الرسالة مقصدش اوفر 20 قرش تمن مكالمة
أنا بس كنت راجع من الشغل تعبان ومنمتش ليلة أمبارح عشان ضروسى وجعانى جدا
وأنا لسة صاحى من شوية وذهلت أما لقيت الكلام بتاعك أدامى
وانا بعتذرلك أدام كل اعضاء المنتدى المحترمين وفى صفحة الاستاذ شريف اللى أتمنى من ربنا أنة يسامحنى على الخطأ الغير مقصود
,انا هتصل بيك أستاذ احمد عشان اعتذرلك فالتليفون
والله والله والله بجهز ففلوسى عشان أكون عندك بأذن الله يوم الجمعة
وربنا الموفق
والله على ما أقول عليم شهيد
وهتعرف أنك ظلمتنى

المشاركة الأصلية كتبت بواسطة cvt2008

أحب أوضح
انى اتصلت بالاستاذ احمد المصرى كذا مرة وبعتلة كذا رسالة ومرضيش يرد عليا
انا بكرر اعتذارى له
ومسامحة لو كان غلط فى حقى وبطلب منة يسامحنى لو كنت أذيتة فى أى حاجة
وأتمنى من الاستاذ شريف ما يزعلش منى
وأنا أسف
والله الموفق

المشاركة الأصلية كتبت بواسطة احمد المصرى

لا يوجد اسف بين الاخوات يا باشا وانا بعتزور لو كان اسلوبى رخم بس يعلم ربنا ان العربيه دى عزيزه عليا جداااااااااا ويمكن انا فهمت كلامك غلط على العموم انا بعتزر ليك وكل سنه وانت طيب وربنا يبلغنا رمضان

المشاركة الأصلية كتبت بواسطة احمد المصرى

فعلا حضرتك كلمتى بس كنت نايم من ارهاق الشغل طول اليوم على العموم حصل خير يا باشا وفى المنتدى هنا كل الناس اخوات ومفيش اى مشاكل ان شاء الله

المشاركة الأصلية كتبت بواسطة cvt2008

شكرا ليك أستاذ أحمد
ودة برضة كان عشمى
وكل سنة وحضرتك والمنتدى ومصر والأمة الاسلامية بخير
صدقنى لو مكنتش قبلت اعتذارى
أنا كنت هبقى فى قمة الخجل انى أدخل المنتدى دة تانى

هو ده المتوقع في النهاية من ناس علي مستوي عالي من الاخلاق مثلكم استاذ احمد واستاذ وائل وهي دي روح نايل موتورز وانا من خلال اني اكثر منكم خبرة في مجال البيع والشراء والاسعار انصحكم نصيحة اخوية اوعي تزعلو من بعض علشان عربية او سعر عربية ياما الواحد بيكون معاه سيارات وتلاقي المشتري يقولك سعر اقل من سعرها لدرجة توصل الي 10 الاف وممكن ما يكونش بيفطس ولا حاجة هو ممكن يكون مش فاهم بس ومع ذلك بقابل كل ده بصدر رحب وبضحك لاني بكون عارف ومتاكد اني مش ظالم
ادام الله عليكم المحبة والاخوة
وكل عام وحضراتكم والاخوة الاعضاء جميعا بخير وسعادة واللهم اخرجنا من رمضان وانت راضي عنا ومغفور لنا ببركة حبيبك سيدنا محمد صلي الله عليه وسلم