تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 29-07-2011 03:08 AM

المشاركة الأصلية كتبت بواسطة abodza

ربنا يعينك علينا ويقويك مصدعينك معانا فعلا

ربنا يكرمك على مجهودك فعلا

بص يا باشا انا معايا 308 خليجي موديل 2008
1600cc -118hp
عاملة 17000km (كانت مرفوعة سنتين)
العربية ماشاء الله مفيهاش اي عيوب ميكنيكية ولا كهربائية ولا اي رشة بس فيها شوية تكحيتات بسيطة
العربية اوتامتيك و فيها جنوط و فوجات

تعمل 120 الف

**sherifowahba** · 29-07-2011 03:10 AM

المشاركة الأصلية كتبت بواسطة احمد المصرى

استاذ شريف

كل عام وانت بخير يا باشا ورمضان كريم

كل عام وحضرتك بخير والامة الاسلامية كلها اعاده الله علينا جميعا بالخبر واليمن والبركات

**sherifowahba** · 29-07-2011 04:00 AM

المشاركة الأصلية كتبت بواسطة amira51

الف شكر لحضرتك

لا شكر علي واجب وانا تحت امرك في اي وقت

**essamesh** · 29-07-2011 05:18 AM

استاذ شريف
امامى لانسر بطة موديل 94 فابريكة دواخل وبها تكييف يحتاج شحن كما افاد صاحبها وطبعا سيتم الكشف عليه وباور وسنتر فقط وبها بعض الخبطات البسيطة جدا فى الصاج وبعض الخرابيش مع العلم انها رشة خوارج من ستة اشهر مطلوب فيها 35 الف وهى تخص زميلى فى العمل ولا توجد سوابق حوادث والحمد لله فهل السعر مناسب على الحالة
والعربية عجبانى لكن مشكلتها فى انها دائما تحك فى المطبات عندما ركبتها طبعا لانى مش متعود على سواقة السيارات القريبة من الارض وهو ده السبب الوحيد اللى مرددنى على اللانسر فى ظل شوارعنا ومطباتها فهل يمكن تعليتها مع العلم اننى لا افضل السرعات العالية فاخرى 100 ك وقليل جدا لو جبت 120 ك فما رايك واسف جدا على الاطالة
وكل عام وانتم بخير

**aam78** · 29-07-2011 05:30 AM

(( عربية سيفيك موديل 93 بسعر 44500 جنية اوتوماتيك موتور 1500 vlave ـ باور ـ تكييف ـ زجاج كهرباء ـ وحدات رفع ـ كاوشات سرعات ـ جنوط ـ فوج لايت ـ شكمان ديفيل - كاسيت DVD
الكل ( رفع بنزينه ـ وسمكرى وميكنيكى فى مكان اخر ) اجمع ان حالتها جيدة جدا مع وجود خبطة غى الرفرف الخلفى يمين معمول بس برضه اجمعوا انه ـ لايعيب العربيه ـ كذلك خبطة فى الشنب ايضا غير مؤثر ولايعيب
مع العلم انه محول البطاريه مخليها فى شنطة العربية واحد اصدقائى اللى بيفهموا فى العربيات خوفنى جدا من الحركه ديه
والكل اجمع ان العربيه حلوه بس السعر غالى وقالولى خليك فى اللانوس او الاكسنت وخاصة ان دى
اول مره اشترى سياره ومش عارف اعمل ايه ))

انا اسف يا استاذ شريف نسيت اقول لحضرتك انا ماعرفش العداد عامل كام وهل فعلا العداد ممكن يتغير ياعنى الموديلات القديمة مش مهم العداد وانا ايضا ماعرفش الرخصة مدتها اد ايه وكمان انا مشوار السغل طويل حوالى 120 كم رايح جاى ايه العربيه اللى تستحمل كام سنه

**Mohammad_z** · 29-07-2011 03:14 PM

أستاذ شريف السلام عليكم و في البداية أحب أشكرك علي توفير وقتك لينا و ربنا يجزيك عنا خيرا إن شاء الله
أستأذنك فيسؤال
أنا قدامي فليشيا وش أوكتافيا أبيض موديل 2000 بدون تكييف فابريكة برا و جوه و فيها رخصة سنتين بتوكيل علي 37.5

إيه رأي حضرتك في السعر ده