الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة azbood

السلام عليكم
الأخ المحترم شريف باشا
أناعايزاشتري عربية مستعملة في حدود 40 ألف الى 45 ألف جنيه وبفكر في البيجو 405 تسعينات أو الأوبل فيكترا تسعينات أو التيريوس 2000 أو التمبرا 1998 اللي هي 1600 سي سي
وكل ما اسأل على عربية منهم ألاقي كتير بيطلع فيها عيوب
وأنا عايز عربية تتحمل السفر وتكون اعتمادية وتتحمل المطبات وتكون قوية مش مهم قطع الغيار تكون غالية بس تكون متوفرة وتكون الأعطال قليلة يعني أمشي بيها وانا مطمن انها مش هاتعملها معايا في الطريق
وبالطبع معمرة وعالية والأهم انها ما تكونش لا دايو و لا فيرنا ولا كيا يعني بلاش الكوري و بالتأكيد الصيني لأن مستحيل هافكر فيهم
ايه رأي حضرتك؟
ولو عند حضرتك اقتراح بعربيات أحسن في الأداء وأقل في الأعطال من اللي بفكر فيهم ممكن حضرتك تقولي عليهم أنا طبيب وما ليش في بهدلة العربيات وعندي اسرة وطفلين و يا ريت لو سيادتك ممكن تدكر لي عيوب كل واحدة و مميزاتها يعني أشتريها ليه وابعد عنها ليه والكلام ده بالنسبة للي السيارات اللي بفكر فيها أو بالنسبة للي حضرتك ممكن تقترحها لي وممكن سيادتك ترتبهم لي بالأفضل فالأقل
وأنا آسف على الاطالة واني هاتعبك معايا لكني محتار وعايز واحد فاهم ومجرب لأن كل ما اشوف مقارنات بين السيارات تزيد حيرتي وبصراحة أنا بحب الأوروبي وانا لمست في حضرتك خبرة ودراية ونصيحة خالصة لوجه الله:b4_388:

وجزاك الله كل خير


أخوك عبد الرحمن زايد

على فكرة أنا أرسلت الرسالة دي لحضرتك ع الخاص وقلت أرسلها ع العام علشان ممكن غيري يستفيد ويزيد أجرك عند الله

دكتور عبدالرحمن انا رايي لك الاختيار الياباني والخصهم في تويوتا كورولا 94 ثم الانسر موديلات 98 بس هذا لو عندك قابلية للياباني وانا احبزه بصراحة لقلة الاعطال وقطع الغيار المتوفرة واعادة البيع والاعتمادية