تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 26-09-2011 03:26 PM

المشاركة الأصلية كتبت بواسطة ahmedorban

السلام عليكم

عايز اعرف سعر rio 1 موديل اخر 2000 , عاملة 210,000 , حالة موتور ممتازة , رشة بره بس , كامله الكماليات

وكمان cerato موديل 2006 , جنوت فبريقة , كاوتش عريض فبريقة ,فرش جلد , حالة ممتازة , دهان فبريقا , شوية خدوش , 120 ألف كيلو , كامله الكماليات

الريو تعمل 35 الف
السيراتو هل مانيوال ام اوتوماتيك ارجو التوضيح

**sherifowahba** · 26-09-2011 03:28 PM

المشاركة الأصلية كتبت بواسطة drmsadek1979

الرجاء تسعير هذه السيارة
لانسر شارك موديل 2008 هاى لاين بصمة وفتحة سقف جنوت وسنسور مطر واضاءة بالاضافة الى كاسيت 6 اسطوانات وفرش جلد للكراسى والارضية والشنطة العربية بحالة الزيرو فابريكة بالكاملة عاملة 30600 كم بدون سبويلر

تعمل 90 الف

**sherifowahba** · 26-09-2011 03:34 PM

المشاركة الأصلية كتبت بواسطة theloveboss

شكرا جزيلا لحضرتك على الموضوع الاكثر من هايل !
و فعلا انا سجلت في المنتدى مخصوص علشان اشكر حضرتك و عندي استفسارين ,,

ممكن حضرتك تسعرلي i10 2010 ماشيه حوالي ٢٨٠٠٠ كم , مانيوال اول فئه بدون كماليات , تكييف و باور , فابريكا من برا و من جوا مفيهاش اي خبطات ,, غير خدوش بسيطه و معاها رخصه لسنه و نص ؟

الاستفسار التاني , كنت عايز اعرف ايه انسب عربيه اقدر اشتريها في حدود الـ ٥٥ الف تقريبا , و تكون اوتوماتيك و بكماليات ؟ من الناحيه العمليه اولا و الجماليه ؟

انا شفت موديلات كتير زي الـكليو و الكورسا و البريليانس و اللوجان و الاكسنت و الافيو و الجين ٢ " موديلات ٢٠٠٨-٢٠١٠ "

او لانسر و اوبترا و بوينتر و ياريس و سيتروين " موديلات ٢٠٠٦ "

ياريت حضرتك و الساده الافاضل ينصحوني , و شاكر جدا لحضراتكم

تحياتي ,,

ال اي 10 تعمل 50 الف
ممكن رينج ال 55 الف يجيب بيكانتو 2006 او فيرنا 2007 كزيادة عن ما حضرتك ذكرته لان فيها موديلات مفيهاش اوتوماتيك

**sherifowahba** · 26-09-2011 03:36 PM

المشاركة الأصلية كتبت بواسطة waleedhella

ميتسوبيشى لانسر موديل 1997 وترخيص 1998 كحلى مانوال 202 الف كيلو مرور مدينة نصر تكييف وباور و سنتر و جهاز انذار رشة كلها بره وعايزة ترش الان موش عايزة مصاريف تانى لا عفشة و لا ميكانيكا و لا شئ تانى غير البوية
يا ترى السعر كام ؟

تعمل 43 الف

**sherifowahba** · 26-09-2011 03:37 PM

المشاركة الأصلية كتبت بواسطة ahmed_hanafi

جزاك الله خيرا

لا شكر علي واجب وشكرا لدعوة حضرتك الرائعة

**sherifowahba** · 26-09-2011 03:40 PM

المشاركة الأصلية كتبت بواسطة dfdfdf

السلام عليكم و رحمة الله و بركاته

بعد اذن حضرتك يا أستاذ شريف ، كنت محتاج تسعير عربية رينو ميجان 2 موديل 2006 اعلى فئة بانورما ، أتوماتيك ، 12 ايرباج ، مرايات ضم فابريقة دواخل و خوارج إستعمال شركة بترول من الزيرو ماشية 120 ألف كيلو و الصيانة فى التوكيل لأعلى سعر فى أظرف مغلقة ،فما هو السعر المناسب لها
و شكراً جزيلاً على وقت حضرتك

تعمل 68 الف

**sherifowahba** · 26-09-2011 03:42 PM

المشاركة الأصلية كتبت بواسطة newboy2005

السلام عليكم استاذ شريف
لو ممكن تسعير هيونداى اتوس بحالة الفابريقة من الداخل و الخارج بالكامل - صيانة التوكيل - تأمين شامل - إنذار - تكييف ماشية 14500 كم
وما راى حضرتك فى الاتوس وماهى مشاكلها

هي موديل كام يا فندم وعداد الكيلومتر 14500 ولا 145000 وهل بها اي مصاريف

**sherifowahba** · 26-09-2011 03:47 PM

المشاركة الأصلية كتبت بواسطة uirap

مساء الخير استاذنا الجميل
أرجو تسعير سيارتين لأننا عندنا في الاسكندرية السوق بقى غريب جدا
العربية الأولى: أوبل استرا موديل 2000 موتور 1200 زيتي غامق ميتاليك ألماني ماشية 154000 كم ورشة اكصدامين وجزء من رفرف وأجزاء من باب. العربية مانيوال مغيرلها راداتير وايرماس من 6 شهور. العربية من جوة فبريكة وحالة الدهان ممتازة وكل حاجة شغالة بكفاءة خاصة التكييف والعربية صاحية ومفوقة لاني ايدي فيها على طول وطابلوه ابانوس وزجاج كهرباء امامي ورافع زجاج وسنتر فبريكة رخصة سنتين باسم صاحبها
العربية الثانية: سيات ابيزا موديل 94 ماشية حوالي 140 الف رشة كلها بالكامل الخارج بس نظافه لون احمر دم الغزال متركبلها اسكترا باور موتور 1300 زجاج كهرباء بالكامل ورافع زجاج العربية برضه ماسكة نفسها
شكرا يا باشا وربنا يخليك لينا

بالنسبة للاسترا كاملة مانيوال وهل بها فتحة سقف ام لا
بالنسبة للابيزا كاملة مانيوال ومكيفة ولا بدون تكييف
ارجو التوضيح

**sherifowahba** · 26-09-2011 03:49 PM

المشاركة الأصلية كتبت بواسطة gigo

السلام عليكم / استاذ شريف

ارجو تسعير دايو لانوس 2 موديل 2007 فبريقه بره و جوه ما عدا اكصدام امامى

الكيلو متر 50000
4 زجاج كهرباء و انذار بحاله جيده جدا

جزاكم الله خيرا

تعمل 53 الف

**sherifowahba** · 26-09-2011 03:51 PM

المشاركة الأصلية كتبت بواسطة a20101d

الرجاء تسعير نيسان تيدا سيدان كامله اتوماتيك لون اسود airbag abs ebd رخصه سنتين فبريكه بالكامل بحاله ممتازه الصيانه بالتوكيل بالضمان والفواتير مفتاح ريموت و 2 مفتاح عادي الفئه الاولي بها حكه في الباب الخلفي وبعض الخربيش في الاكصطدامين موديل 2010

تعمل 90 الف باعتبار عداد الكيلومتر مناسب

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة