الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة msalah191281

السلام عليكم
اسف على التدخل ومش عارف التدخل دةصح ولة غلط فلو غلط ارجو الادارة تنبهنى بس انابعمل كدة لمصلحة العضو المحترم
العربية الى حضرتك بتقول عليها دى انا شفت وحدة مماثلة ليها بالضبط من كام يوم و كانت موجوة فى السوق (كانت بتقف فى اول السوق على الشمال ) و انا رحت اتفرجت عليها من كام يوم عند الحديقة الدولية فى مدينة نصر وهو كان حاطط اعلان على كونتكت كار تحت اسم مهندس ايمن هى 2007 سبورت بردة وعدادا كان عامل حاجة و ستين مش فاكر كام بالضبط و لونها اسود م مغير الكاست والكاسيت الى كان فيها كان طالع لبرة شوية ومغير الجنوط و لازق ستيكر على العدادا و مركب اربع سماعات وحاطط اكياس بلاستيك على الكراسي و حاطط سبكةمشرشرة كدة عند الاريال بتاع السقف فى اخر العربية لوهى دى العربية الى حضرتك بتسال عليها الى عند الحديقة الدولية خد بالك علشان الراجل دة راشش السقف ولما سالتة قالى رشة حزام بردة ولما شفتها لقتهخا رشة سقف والبويةبتاعت السقف هتبان معاك من عندالباب الخلفة شمال وهو كان قاعد يئاوح معاية انها مش رشة غير حزام لحد ما وريتة السقف كويس فلاقيتة بيضحك و بيقولى اعتربها رشة سقف يا سيدى و مش هنختلف(لو العربية مش هى دة او مش نفس المواصفات ارجو تجاهل الكلام السابق) و لو طلعت هى خد بالك علشان سعر رش السقف بيفرق و الاستاذ شريف اكيد هيفيدك فى الموضوع بتاع السعر وربنا يوفقفى الاختيار ان شاء الله
اسف على الاطالة بس انا قصدى الفايدة للعضو المحترم و شكرا

اسمحلي ابلغك احترامي الكامل لك وجزاك الله خيرا