أذيكم ياشباب ... الصراحة الفيلم عاجبني موت على الرغم انه قصته معروفة واتعملت 200 مرة قبل كده إلا انه جامد جداً ....
سؤال على السريع هو الملاهي اللي ظهرت في الفيلم لما قابل ماجد الكدواني ... اسمها أيه بالظبط وفي أنهي مكان عشان أفسح الواد إبني ...
عرض للطباعة
أذيكم ياشباب ... الصراحة الفيلم عاجبني موت على الرغم انه قصته معروفة واتعملت 200 مرة قبل كده إلا انه جامد جداً ....
سؤال على السريع هو الملاهي اللي ظهرت في الفيلم لما قابل ماجد الكدواني ... اسمها أيه بالظبط وفي أنهي مكان عشان أفسح الواد إبني ...
انا نفسى اشوف الفيلم ده
فيلم فظييييييييييييييييييييييي يييييع
magic land
بمدينة الإنتاج الإعلامي - طريق الواحات - 6 أكتوبر
ده مدي قدرة التسويق ( as i am a pro. marketeer ) علي بيع فكرة محروقة و تم الاعلان عن انها محروقة و برضه الناس بتشتري الفكرة
بس ما يمنعش الواحد فسي دماغه في الفلم شوية
الفليم ضحك فقط من غير هدف نفس قصه فيلم كتكوت
الفيلم حلو جدا على فكره والواد احمد مكي ده فنان بجد
المهم يعني بيضحك ؟؟؟؟
ده فيلم مسخرة والله انا دخلتو 3 مرات
يا جدعان هو قاصد الفكره تبقي كده
هو بيتريق علي الفلام العربي الحمضانه كلها
اتريق علي كتكوت و فول الصين العظيم ((بتاع اشيائي ده))هههههههههههههههه
و اعدام ميت بتاع الصباع المقطوع
و محمد شاهين شغال طول الفيلم هو وماجد الكدواني تريقه علي البوليس اللي بيطلع في الافلام
الواد ده فنان و عبقري بجد
الراجل ده خطير بجد وبذات فى فيلمه طير انت كان متمكن جدا
احمد مكى دة فناااان وهيبقى نجم السنين اللى جاية افكارة متطورة وماشية مع العصر بتاعنا
غير فنانين تانيين بيقدموا كوميديا زمنها وقف عند التمانينات ومغيرتش الاسلوب ولا الافيهات اللى بتتقال
ولسة مسلسل رمضان هيبقى جااامد
http://www.youtube.com/watch?v=8N_bx4kevMA
حد خد باله من :
ياصحابى وصحباتى هنا ومحلك سر شوفوا لامؤاخذه حاجاتى انما ايه فى السرررررررررررررررر
ممكن حد يقولي قصة الفيلم اة عشان انا لسة مشفتش الفيلم
الفيلم فعلا بيسخر من الافلام العربى
بس ملوش رسالة او هدف غير كده
لكن طير انت كان بيفطس من الضحك وفى نفس الوقت كان بيحمل رسالة اقوى
ههههههههههههههه أين أشيائي
احمد السقا اتضرب خلاص. والنجم الحالس هو احمد مكي. جامد جامد جامد والفليم حلو جدا
مفيش غير اتنين حاليا يقال عليهم فنانين
احمد حلمي و احمد مكي
هو فعلا من نوعيه افلام scary movie الامريكانى اللى بتتريق على الافلام الامريكانى الحمضانه فهو بيتريق على الافلام المصريه الحمضانه برضه, هو فعلا ممثل ومخرج ومؤلف ومطرب عبقرى تقريبا هو واحمد حلمى اجمد اتننين ممكن يدخلهم افلام اليومين دول .
فعلا احمد مكى فنان جيد جدا
ولا يتساوى مع احمد حلمى احمد حلمى دة اشتهر غلط اساسا وبحس انة عبيط او بيستهبل
اللى شهرة فيلم الناظر
زى اللمبى بالظبط
وافلامة كلها سخيفة
ودمة واااقف
دة كفاية الفيلم قبل الاخير
شفتة فى السينما وانا مضطر لانها كانت دعوة مجانية لشخصين
الفيلم يزهق.
بيتعاد كذا مرة
ويخنق
انا ما اتفرجت على الفيلم كنت مستنى بفارغ الصبر الوقت اللى اخرج فيه من السنيما.
دة _1000 خنقة
1000زهق
انا مش بقتنع باحمد حلمى كممثل ولا بقتنع بيه بطل
ممكن يطلع دور 2 زى احمد عيد كدة
لكن غير كدة ما ينفعش يبقى بطل.
احمد حلمي فعلا بقي خنيق شويتين
يعني انا اه فيلمه عاجبني بتاع عسل اسود
لكن فيلم زي كده رضا يقرف
و فعلا الف مبروك ده كان حاجه تقرف
القصه مفهومه و كل الناس في السينما فهمتها بس الاعاده اتعملت غلط مما اصاب الناس و انا منهم بشده الملل
و كمان اللي شاف احمد حلمي بره يكرهو علي طول
مغروووووووووووووووووووووو ووور و غلس و من النوع اللي يحب يحرج اللي ادامه كدا
أنا ماشوفتش 1000 مبروك ولا عسل اسود
بس كل أفلامه بتعجبنى (عدا صايع بحر)
و الدليل على نجاحة مبيعات التذاكر العالية فى كل الأفلام
مش زى أحمد سعد اللى عمل 4 أفلام و جاب أخره فيهم
فيلم جامد جدا لسه راجع من السنيما وعاجبني خالص
الاعادة مكنتش بتم بدون هدف
الاعادة كان ليها معنى لان فى كل إعادة كان فى حاجة بتتغير فى البطل
الاول كان مطنش وبعدين ابتدى يستخدم العنف وبرده مجابش نتيجة وفى الاخر لما ابتدى يقرب للناس ويحاول يحل مشاكله قدر يغير اسلوب حياته لكن فى النهاية مقدرش يغير القدر
وغير كده كمان فى كل إعادة كان بيشوف الظروف اللى حواليه بصورة مختلفة لان فى حقيقة جديدة اكتشفها
الفيلم ده من أهم الافلام اللى طلعت فى مصر فى الاونة الاخيرة -بصرف النظر عن انه مقتبس- لكن للاسف ناس كتير مفهمتوش وانا خارج اسمع تعليقات عجيبة "هو كان بيحلم" .."ازاى الاحداث بتتعاد كل يوم"...الخ
اللى عمال يدافع عن 1000 مبروك يشوف groundhog day الاول وبعدين يتكلم
ابداع ايه اللى احمد حلمى عمله بلا خنقه مع انه سارق الفيلم من فيلم اقدم منه ب 25 سنه على الاقل بس قمه الخنقه والملل اتفرجوا الاول وبعدين اتكلموا
احمد حلمى عايش
على التقليد بس الفرق بينة وبين احمد مكى الاستاذ..
ان مكى أستاذ ومبدع ومخرج ومطرب وبيفهم
مش جاى يقرفنا زى القصير اوزعة هو ومراتة بتاعة احكى يا شهر زاد الفيلم دة لو هو عندة كرامة كان يستخبى بعدها حد شاف منى عملت ايه فى الفيلم.
وبكره الاوبترا علشان الاعلان بتاعها
قردين عاملين اعلان عن عربية عيانة اصلا.
الخلاصة احمد حلمى خنيق ورزل ومش ممثل اصلا اخرررة يعمل برنامج رزل زية زى البرامج الهايفة بتاعة اليومين دول.
ومنى بقت مركزة قوى فى التعرى والقبلات
شكلها استحلت الموضوع وكرهت السينما النضيفة.