الموضوع: العربية واقفة بقالها اسبوع ... شكرا جزيلا ل " اوماترا " !

المشاركة الأصلية كتبت بواسطة eng. Tarek gebriel

السلام عليكم
ماستر الدبرياج العلوي موجود و سعره 279 جنية خلاف الضريبة و مصنعية التركيب و يفضل يركب بواسطة فنيي أوماترا حضرتك ممكن تتصل برقم الطوارئ 0126509000 و فورا هنبعت الخدمة المتنقلة لتركيب الماستر و هنضطر ناخد مصروفات إنتقال الخدمة المتنقلة ، عموما اللي هيرد عليك هيبلغك بكل التفاصيل، ولو فيه أي مشاكل حضرتك ممكن تتصل بي فورا.

شكرا لاهتمام حضرتك و الاستاذ محمد قاسم رد بالنيابة عني و ده الي حصل فعلا ...

المهنس الي رد رفض انه يبعتلي حد و قلتله حتى افدعله الي هو عايزه و تاكسي رايح جاي علي حسابي ..

قالي لأ مينفعش .. علشان مش حيبقى معاه العدة الكافية ..

لدرجة اني كنت مسعتد ادفع تمن المصنيعة بدون ماتركب ! الله العظيم قلت لاستاذ ناصر كدة ..

بدل ماجيب ونش و اضيع يوم كامل ز. ادفعلكم تمن المصنعية الي مضايقاهم اوي ... كلهم 100 جنيه زيادة يعني و اخلص !

برده لأ .. لازم تيجي بونش !

جبت الونش وخد العربيية و هي مفكوكة و بطاريتها برة و مساميرها في كل حتة و ربنا يستر .. السيارة عند حضرتك الان في المركز باسم كريم محمد .

ومهندس ايمن استلمها مني .. ,وكنت متقوع اني يعني بعد ماحكيت قصة معاناتي ... انه يخلصهالي انهاردة .. قالي لأ صعب بكرة اخر النهار ..

احب اقول لحضرتك ان صارف خلال الاسبوع العطلة ده ... فوق ال 600 جنيه من موصلات ومكالمات للسيارة بس ... يعني اكتر من تمن القطعة الي ناقصاني مرتين .

كل ده علشان مش عايزي تطلعوا قطعة غيار لعربية مشتراه من عندكم .. مش عربية بيجو و لاحاجة ..

و حتى لو انها اخر قطعة و مش عايز تطلعها الى في المركز ( ده شيء غريب في حد ذاته بس مش موضوعنا الان ) .

قولي من الاول !!!

العربية كانت لسة ماشية !!! كان ممكن اجي بمنتهى البساطة بالعربية التوكيل و اصلحها عندكم طلاما مضطر ...

اي نعم انا عمري ماعتبت التوكيل من صيانة ال 30 الف كم او ال 20 كمان و دي لاسباب انا شرحتها لحضرتك في مشاركة سابقة ..

بس طلاما مضظر و مش عايزين تدوا عميل قطعة غيار موقفة عربية علشان 100 جنيه زيادة مصنعية مش مهم ! ادفعها و اروح بس اعرف !

حرام البهدلة الي اتبهلدتها خلال الاسبوع من مواصلات و مكالمات وعند حضرتك المهندس ناصر في اوماترا شوب الي في طريق النصر يشهد !

الراجل نفسه الي شغال معاكم ميعرفش موضوع انها لازم تركب ! لما سالته لقيته مضايق جدا ! بيقولي ازاي يقولولي مفيش ؟؟؟!!!

انا كدة ولا كدة كنت ناوي استلم العربية بكرة ان شاء الله و اقابل حضترك هناك بس .

يعلم ربنا انا كنب بفضل الماركة دي و بحارب علشنها اد ايه و كام عضو في المنتدى هنا او برة اشتراها بسببي ... و يصحل فيا انا كل ده في الاخر ؟

دنا لسة من 3 ايام حاجز سيارتين ايفو لاخت المدام و واحدة لابن خالتي من الاستاذ ياسر عزت .. في فرع نادي الزهور ..
و بيقولولي ترشحلنا العربية رغم كل ده ؟ قلتلهم اه ..

بس انا شخصيا اكتفيت .... بجد اكتفيت من العربية ومن طريقة المعاملة ..

و شكرا لاهتمامك مرة اخرى .

المشاركة الأصلية كتبت بواسطة damasry

باشمهندس طارق

شكرا لاهتمامك ورد حضرتك، دلوقتى صاحب العربية اتصل امس بالمركز وقالهم عايز الخدمة المتنقلة تيجى تصلح العربية رد عليه واحد اسمه كريم قاله مينفعش ولازم ونش يجيب العربية، قاله العربية مفكوكة وانا اعيز الخدمةالمتنقلة قاله لا وبعتوله ونش من طرفكم قطر العربية وهى فى المركز من امس وقالوله ميعاد الاستلام يوم الخميس، يا جماعة انا شغلى واقف ومتعطل، فيه حجوزات يا فندم وها تستلم يوم الخميس اخر النهار!!!!!

حاجة كمان يا باشمنهدس، صاحب العربية بقاله اكتر من اسبوع بيدور على قطعة الغيار، واول حاجة عملها انه كلم مركز الخدمة وقاله القطعة مش موجودة، طب طالما موجودة ومشترطين تركيبها فى المركز، كان موظف قطع الغيار وضح وجهة النظر دى وصاحب الشأ، ليه الحربة انه يوافق او يرفض (وهو طبعا كان ها يوافق عشان حياته متوقفة بدون السيارة)

بعديها راح لمنفذ بيع قطع الغيار للاستاذ ناصر وقله مفيش واتصل بالمركز قدامه وقالوله مفيش قطع غيار، وامبارح لما كلم مركز الخدمة عشان يبعتوا الونش ولما رفضوا انهم يبعتوا الخدكة المتنقلة ده كان قدام الاستاذ ناصر فى منفذ بيع قطع الغيار.

ارجو التعقيب يا باشمهندس

الف شكر ليك يا محمد باشا , , الله انت راجل محترم و خدوم .. .دنتا والله تدير قسم خدمة العملاء من تلفونك بس .. كتر الف خيرك .