الموضوع: اشمعني السيفيك

المشاركة الأصلية كتبت بواسطة som3aa

ايوه طبعا مستخسر لسببين اولا السيراتو الكوبيه ب 136 مش 148 (اول فئة ب 120) و فى منها خليجى كماليات زيادة ب 126 بدل 136 زى الESP و 6-cd .
ثانيا فيها كماليات مش موجودة فى السيفيك اللى ب 190 الف زى الsmart key .
يعنى فرق من 64 ل 54 الف طبعا فرق كبييير جدا
شوف قرق السعر فى امريكا كام و احكم
2010 Kia Forte Koup | New Kia Coupes - Yahoo! Autos
2010 Honda Civic Sedan | New Honda Sedans - Yahoo! Autos

و شوف مين اغلى فى اى فئة

أستاذ som3aa,
إنت بتقول إن السيفيك غالية وبتقارنها بالكورولا والسيراتو ... طب ما تسيبك من السيفيك ... الجيتا والأكتافيا رأيك إيه فيهم؟ ... غاليين برضه ولا سعرهم كدة مناسب؟

أنا لما جيبت السيفيك ... زي معظم الناس إللي جابوها ... كنت حاطت معاها في المقارنة جيتا و أكتافيا وزيادة عليهم BMW 316 موديل 2008 الألماني المانيوال الفاضية مستعملة طبعا .... والسعر مكانش هو الموضوع أنا كنت عايز عربية تكون الأفضل في كل الأساسيات على فئتها و تكون الأفضل في الإعتمادية و قطع غيارها معمرة
بعد قراءة أراء الناس برة وجوة عن كل العربيات لاقيت السيفيك بلا منافس فعلا و إسمها دايما بيتصدر قائمة الأفضل Value Vs. Money.
على مستوى الأهل و الأصدقاء إللي معاهم العربيات دي:
3 أصدقاء معاهم جيتا ... واحد إكتشف في صيانة ال 5000 إن موتور عربيته مخرووووووم ... وتم تغيره بالتوكيل في الضمان بعد خناقة فاشلة بتغيير العربية كلها.
واحد تاني كان عنده مشكلة مع كمبيوتر العربية و تم إصلاحه في التوكيل مرة وتغييره في المرة التانية
التلات ربنا ساترها معاه والحمد لله.
2 أصدقاء معاهم أوكتافيا فانتازيا ... واحد كل إسبوع الكمبيوتر يهنج منه ويضطر يوقف العربية و يطفيها و يشغلها تاني علشان الكمبيوتر يشتغل ... بقالنا على الحال ده 5 شهور وكل ما يروح التوكيل الكمبيوتر يكون شغال و ميعطلش و مش عارف يثبت الموضوع ده ... قالولو لما يبوظ منك سيبه بايظ و إتصل بينا ... قالهم وإنتم عايزيني أسيب العربية دايرة لحد ما تيجو تشوفوه بنفسكم؟ ... طب أصوره فيديو؟ قالول ماينفعش عايزين نشوف المشكلة على الطبيعة.
والتاني عنده مشكلة في الجيربوكس بينتش نتشة غريبة فعلا مع الغيارات التاني والتالت ... أنا جربته بنفسي ... والتوكيل بيقول إن ده طبيعي بس هايشوفوه في الصيانة الجاية.
إتنين زملاء عمل معاهم كورولا ... الإتنين عندهم شكوى عن الجيربوكس المشهورة والموضوع فعلا صعب جدا خصوصا داخل المدن ... بيفصل في نصف الغيار الثاني ... وواحد عمل حادث والعربية لفت منه بسبب إن ال ABS ماشتغلش وأحد الإطارات الخلفة إنفجر بسبب إصطدامه بالرصيف.
إبن خالي معاه كورولا في الإمارات ... عمل بيها حادث من الخلف والأمام ... الإيرباجز فتحت وهو رابط الحزام .... الحمد لله جت سليمة ... إيه ده؟ الموتور بيطلع دخان ... ألحق أنزل من العربية ... إيه ده الحزام مش عايز يتفك ... إلحقونيييييييييييي ... وتم قطع الحزام علشان يخرجوه من العربية.
ثلاث زملاء عمل معاهم نيو سيراتو ... مشكلة ثبات العربية عامله لهم كابوس ... كلهم بيشتكو من ثبات العربية السيء بعد ال 120 ده غير العفشة الناشفة زيادة عن اللزوم وقطع الغيار الغير معمرة.
وعندي إتنين أصدقائي معاهم سيفيك 2007 و 2008 ... بسم الله ما شاء الله ربنا يحفظهالهم ... ولا شكوة واحدة لحد دلوقتي ... على قد تغيير زيت وفلتر وتيل فرامل وشكرا ... أنا بقالي سنة والحمد لله معنديش أي ملحوظة على العربية.

تفتكر بعد كدة ممكن تشتري إيه؟ ... أكيد الإجابة "سبيرانزا" طبعا :))

شوف و علشان ماتتعبش نفسك ... إدخل كل أقسام السيارات هنا في المنتدى و إعمل حصر بالمشاكل إللي الأعضاء كاتبينها ومعمول بيها مواضيع عن عربياتهم وشوف النتيجة.

المشاركة الأصلية كتبت بواسطة Horsepower

أستاذ som3aa,
إنت بتقول إن السيفيك غالية وبتقارنها بالكورولا والسيراتو ... طب ما تسيبك من السيفيك ... الجيتا والأكتافيا رأيك إيه فيهم؟ ... غاليين برضه ولا سعرهم كدة مناسب؟

أنا لما جيبت السيفيك ... زي معظم الناس إللي جابوها ... كنت حاطت معاها في المقارنة جيتا و أكتافيا وزيادة عليهم BMW 316 موديل 2008 الألماني المانيوال الفاضية مستعملة طبعا .... والسعر مكانش هو الموضوع أنا كنت عايز عربية تكون الأفضل في كل الأساسيات على فئتها و تكون الأفضل في الإعتمادية و قطع غيارها معمرة
بعد قراءة أراء الناس برة وجوة عن كل العربيات لاقيت السيفيك بلا منافس فعلا و إسمها دايما بيتصدر قائمة الأفضل Value Vs. Money.
على مستوى الأهل و الأصدقاء إللي معاهم العربيات دي:
3 أصدقاء معاهم جيتا ... واحد إكتشف في صيانة ال 5000 إن موتور عربيته مخرووووووم ... وتم تغيره بالتوكيل في الضمان بعد خناقة فاشلة بتغيير العربية كلها.
واحد تاني كان عنده مشكلة مع كمبيوتر العربية و تم إصلاحه في التوكيل مرة وتغييره في المرة التانية
التلات ربنا ساترها معاه والحمد لله.
2 أصدقاء معاهم أوكتافيا فانتازيا ... واحد كل إسبوع الكمبيوتر يهنج منه ويضطر يوقف العربية و يطفيها و يشغلها تاني علشان الكمبيوتر يشتغل ... بقالنا على الحال ده 5 شهور وكل ما يروح التوكيل الكمبيوتر يكون شغال و ميعطلش و مش عارف يثبت الموضوع ده ... قالولو لما يبوظ منك سيبه بايظ و إتصل بينا ... قالهم وإنتم عايزيني أسيب العربية دايرة لحد ما تيجو تشوفوه بنفسكم؟ ... طب أصوره فيديو؟ قالول ماينفعش عايزين نشوف المشكلة على الطبيعة.
والتاني عنده مشكلة في الجيربوكس بينتش نتشة غريبة فعلا مع الغيارات التاني والتالت ... أنا جربته بنفسي ... والتوكيل بيقول إن ده طبيعي بس هايشوفوه في الصيانة الجاية.
إتنين زملاء عمل معاهم كورولا ... الإتنين عندهم شكوى عن الجيربوكس المشهورة والموضوع فعلا صعب جدا خصوصا داخل المدن ... بيفصل في نصف الغيار الثاني ... وواحد عمل حادث والعربية لفت منه بسبب إن ال ABS ماشتغلش وأحد الإطارات الخلفة إنفجر بسبب إصطدامه بالرصيف.
إبن خالي معاه كورولا في الإمارات ... عمل بيها حادث من الخلف والأمام ... الإيرباجز فتحت وهو رابط الحزام .... الحمد لله جت سليمة ... إيه ده؟ الموتور بيطلع دخان ... ألحق أنزل من العربية ... إيه ده الحزام مش عايز يتفك ... إلحقونيييييييييييي ... وتم قطع الحزام علشان يخرجوه من العربية.
ثلاث زملاء عمل معاهم نيو سيراتو ... مشكلة ثبات العربية عامله لهم كابوس ... كلهم بيشتكو من ثبات العربية السيء بعد ال 120 ده غير العفشة الناشفة زيادة عن اللزوم وقطع الغيار الغير معمرة.
وعندي إتنين أصدقائي معاهم سيفيك 2007 و 2008 ... بسم الله ما شاء الله ربنا يحفظهالهم ... ولا شكوة واحدة لحد دلوقتي ... على قد تغيير زيت وفلتر وتيل فرامل وشكرا ... أنا بقالي سنة والحمد لله معنديش أي ملحوظة على العربية.

تفتكر بعد كدة ممكن تشتري إيه؟ ... أكيد الإجابة "سبيرانزا" طبعا :))

شوف و علشان ماتتعبش نفسك ... إدخل كل أقسام السيارات هنا في المنتدى و إعمل حصر بالمشاكل إللي الأعضاء كاتبينها ومعمول بيها مواضيع عن عربياتهم وشوف النتيجة.

يعنى حضرتك عاوز تقنعنى ان السيفيك افضل من الجيتا والفانتزيا والبى ام 316i كمان
طب لو صدقنا كلامك انها افضل من الجيتا والفانتزيا (مع انها طبعا اقل) كنا قلنا ماشى انما بى ام 316i !!!!!!!!!!
انا عاوز حضرتك تمشى بالبى ام على سرعه 180 فى يوم شديد الرياح والعواصف وفى نفس الوقت تركب السيفيك بس على 140 بس وانت تعرف انا اقصد ايه
ويعنى ايه موتور جيتا مخروم ويعنى ايه كمبيوتر مش راضى يشتغل مش فاهم
ويعنى ايه كورولا mmt بتفصل فى نصف التانى !!!!!!!
ويعنى ايه ناس بتشتكى من ثبات السيراتو السىء انا معاك ان ثبات السيراتو مش رياضى ولكن مش سىء ابدا لدرجة الشكوى هى ثباتها جيد جدا بالنسبه لسعرها
بالنسبه للعفشه الناشفه هو مين قال ان السيفيك عفشتها ناعمه الموضوع مش عفشه ناشفه بس الموضوع ان عفشتها صوتها عالى قوى قوى واى نقره فى الطريق بتسمع ترزيع العفشه بشكل مبالغ فيه
حضرتك اركب فانتزيا او جيتا وشوف الفرق الشاسع فى الموضوع ده
انا مقتنع ان السيفيك افضل اليابانى ولكن معلش مع احترامى صعب قوى العربيه دى تتقارن بالالمانى مش علشان العربيه بتجرى شويه يبقى هى احسن حاجه فى الدنيا اكيد لا
كفايه الصاج والتقفيل ودقة الصناعه مش السيفيك اللى مع احترامى مع كل لمسة رصيف الكلبسات تقع والرفارف تتفك
كل ده وتقول سيفيك بالله عليك الكلام ده يعقل !!!!!!!
ياريت حضرتك قبل ما تهاجمنى تجرب العربيات اللى قولتلك عليها وعلى فكره انا برده كنت راكب يابانى بس صعب اقتنع ان اسيب الالمانى واركب يابانى
تحياتى

المشاركة الأصلية كتبت بواسطة semsem kane

شوف ياباشا اسمحلى بس ارد على تعليق حضرتك بالنسبة لموضوع الثبات دة

حضرتك ممكن تركب معايا السيفيك sir وضرت تعرف يعنى اية تعليق هوندا انا جيبت 190 كيلو وكنت باخد غرز من الشمال واليمين عادى جدا والحمد لله ستر من عند ربنا ولا كنت حاسس بحاجة نفس الكلام فى السيفيك الجديدة
بالنسبة ان العربية تحس انها بتعوم منك لا مقطورة ولا اى عربية تعدى من جنبك وانت ماشى سريع الكلام دة الحمد لله مش موجود عندى نهائى وماعتقدش انة هيبقى موجود فى السيفيك بس اصحابها يفيدونا اكتر

بالنسبة للبى ام 320 i انا الحمد لله سديت معاهم ثبات وغرز هية والمرسيدس على سرعات واكتر من عربية موديلات مختلفة اخرهم موديل 2009 بس بأمانة ال 320 تحفة بأمانة اشد من المرسيدس بس الحمد لله عرفتهم يعنى اية هوندا دة غير انى كنت متفوق عليهم فى السرعات بس فعلا ثباتهم جامد اوى وفراملهم شديدة جدا كانت اشد من عندى طبعا
وبالنسبة لمشاكل الكورولا والفنتازيا والاوكتافيا ففعلا الحاجات دية موجودة حضرتك لو معاك نمرة الشياطين الحمر اللى فى المنيل بتوع اليابانى قولهم بس على كورولا قاطعة كنترول بيصلحهوا موديل 2008 واللى عطلانين على الطريق

السيراتو عفشة ناشفة جدا , واللى مش مصدق ممكن اديلكوا رقم دة محل زويا وصاحبها معاة سيراتو وعايز يبيعها بعد اول 2000 كيلو بس بسبب نشوفية العفشة تربيط العفشة كل 1500 كيلو ,صوت ماتورها المزعج دة كلة تعليقة عليها لانة راجل كبير
السيفيك ناشفة محدش قال حاجة بس انعم من عربيات كتير فى المطبات دة غير كدة مقابل ليها الثبات مش ناشفة وخلاص

بالنسبة لموضوع الاكصدامات دية ماشوفتهاش لحد دلوقتى دية العربية الوحيدة اللى بشوف اكصدامها مش خارج من مكانة

وعلى فكرة كل عربية وليها عيوب مافيش عربية كاملة لانها من صنع الانسان والانسان خطااء

والمشكلة ان الاسكودا مش المانى هية تابعة لشركة المانية لكنها تشيك فى النهاية

والله يا سمسم انا بقيت مقتنع بشكل غير عادى دلوقتى ان الالمانى يتفوق على اليابانى
انا لما كنت بركب الكورولا اللى معايا كنت برده بشد ساعتها مع 316 و 320 وكنت بقنع نفسى ان الثبات جامد علشان انا باخد غرز زيهم!!!!!!
بس الفرق بقا ان باخد الغرز وانا مقلق قوى وبحرص شديد انما البى ام بسم الله ما شاء الله ثبات لايصدق بصراحه كلنا عارفين من زمان عن ثبات البى ام بس بصراحه طلع اكثر من توقعاتى على سرعة 200 وبدخل غرز ضيقه!!!!!!!!!!!!! السيفيك ممكن تاخد غرز على 200 برده بس مع احترامى مش باطمئان زى البى ام خالص والخطوره عاليه قوى بس ده عادى لان الفئه مختلفه شويه
لوقارنت السيفيك بالكورولا او الماذدا او اللانسر طبعا السيفيك اثبت منهم ولكن معلش الجيتا والاوكتافيا اثبت منها خصوصا فى الرياح والعواصف لان عن تجارب للسيفيك فى طريق السويس فى الشتاء اثناء العواصف مش ثابته زى الجيتا وده راجع لخفة وزنها
فرق تانى مع ان الجيتا مش ناعمه قوى لكن على الطريق ا حساسها بالطريق والاجزاء العاليه والواطيه فى الطريق افضل من السيفيك وعلى فكره السيفيك كعفشه مش ناشفه قوى ولكن المشكله هو صوت العفشه فى النقر عالى شويه
وللمره الاخيره انا ما قولتش ان السيفيك وحشه انا قلت انها افضل اليابانى ولكن معلش مش ممكن تكون افضل من الالمانى
وربنا يباركلك فى السيفيك sir وعقبال ما تجيب بى ام m3
تحياتى

المشاركة الأصلية كتبت بواسطة semsem kane

السيراتو عفشة ناشفة جدا , واللى مش مصدق ممكن اديلكوا رقم دة محل زويا وصاحبها معاة سيراتو وعايز يبيعها بعد اول 2000 كيلو بس بسبب نشوفية العفشة تربيط العفشة كل 1500 كيلو ,صوت ماتورها المزعج دة كلة تعليقة عليها لانة راجل كبير

انا معاك فى موضوع العفشه بتاع السيراتو لانها مش ناشفه بس دى بتنطط فى مطبات الهواء وبتروح يمين وشمال على المطبات مع النشوفيه طبعا بيخلى الركوبه رخمه شويه
مش عارف ليه بحس انها نفس عفشه النيو اكسنت مع ثبات افضل شويه
وياريت ما تقولش لحد من ملاك السيراتو انى قولت الكلام ده ليقيموا عليا الحد