الموضوع: اشمعني السيفيك

المشاركة الأصلية كتبت بواسطة thehardrock

الحقيقة انه لا يوجد وجه مقارنة بين الجيتا والفانتازيا والسيفك
, الافضلية للسيفيك , وده مش عشان انا معايا سيفيك , انا لو معايا جيتا او فانتازيا هقولك السيفيك افضل
قولى ليه ؟؟
الاجابة كالتالى :-
1- ثبات
2- سرعة
3- فخامة
5- مرونة ( واللى عاوز يعرف يعنى ايه مرونة , هقوله ان العربية بتعمل كل اللى انت عاوزه , واللى مش مستوعب يركب السيفيك ويشوف )
6- قطع غيار متوفرة ومعمرة جداااا ورخيصة بالنسبة لقطع الغيار الالمانى

وعاوز اقول حاجة ( وصدق او لا تصدق )
انا معايا سيفيك 93 فيها موتور Sir 1600 سى سى 170 حصان , اوتوماتيك
والعربية فيها عفشة عادية جدااا مش هقولك عفشة سبور , لا عفشة عادية وجنط 16
وجريت قبل كده مع عربيات كثير جدااااااااا , منها الالمانى و اليابانى والكورى
, تخيلوا جريت مع جيتا فى طريق فاضى جداااا وواسع , ومعرفش يعمل اي حاجة مع انه قارص ع الاخر , وصوت الموتور بتاعه جايب اخره , وانا الحمدلله لما عديته , حسيت كأنه كان راكن وانا ماشى , اختفيت من رؤيته تماما , كنت جايب ساعتها حوالى 180 والار بى ام على 3 :)
والحمدلله لا بيفرق معايا مطبات هواء , ولا عواصف ولا رياح والفرامل زى الفل
, طبعا جريت مع سكودا و لانسر وتويوتا وفيات و و و و , لكن الحمدلله محدش عرف يعمل معايا حاجة
حد يقدر يفسرلى معناه ايه ان عربية تمنها 40 - 50 الف تعمل كده فى عربية تمنها معدى الـ 200 :)
م الاخر الهوندا هوندا , والسيفيك سيفيك

اية ياباشا ماتقارنش الsir بأى ماتور اقل من 2500 سى سى وحضرتك جاى تقارن الsir بالجيتا طيب ازاى 102 ب170 حصان ربعربية بتجيب من 0 الى 100 فى 6.5 ثانية او قول 7 بعربية بتجيب ال100 فى 11 ثانية فرق كبير طبعا دية حتى السيفيك 2009 نفسها بيبقى فية فرق جامد بينهم
حضرتك ممكن تقارن الsi بالمواتير ال1600 العادية هتلاقى السرعات واحدة لكن دية صعب اوى

انا معايا بردة sir بس مانيوال بقى عايز اقولك حاجة واحدة انا بطلت اجرى مع عربيات اقل من 2500 سى سى وانت طالع ال1600 العادى وال2000 دة انا كدة بظلمة

على فكرة بمناسبة بقى الهوندا والالمانى

ودية والله تجربة واقعية لية على الطريق الدائرى وانت راجع من التجمع الخامس

منافسة بينى وبين فولكس واجن باسات 2009 tsi وهو اللى استفزنى للجرى روحت شادد معاة والحمد لله الطريق كان فاضى وعديتة بمنتهى السهولة انا ببص على العداد عندى لقيتة على 200 كم وبشوفة فى المرايا لقيتة بعييييييييييييييييييييد المهم الطريق اتملى شوية وهو بردة مصمم وبردة عديتة تانى بس المرة دية غرز على 180 و160 والحمد لله عرفتة يعنى ثبات هوندا وانها ماتقلش عن الالمانى فى حاجة ,بالعكس تفوقت علية كمان بس الصراحة الباسات ثابتة جدا جدا ماشاء الله بس على مين دية هوندا ياجماعة power of dreams

ولو عايزين تانى اقول بس المرة دية اتقل شوية c class 2009 - bmw 320 2008 - lexus 4*4 4200 cc -bmw 318 1996 /2003 - civic 2009 vti
اللى يركب الهوندا مش هيركب غيرها

المشاركة الأصلية كتبت بواسطة thehardrock

والله العظيم عندك حق , انا معايا سيفيك 93 si فكرت كثير ان ابيعها , بس كل اما افكر مش لاقى حاجة زيها ولا حاجة هتدينى الاداء بتاعها

ومش هتعرف تركب حاجة مع احترامى لجميع السيارات اللى يركب الهوندا بيدمنها لان انا فى نظرى اثبت سيارة فى فئتها كاملة التجهيزات صعب تلاقيها فى عربيبة تانية ولو لقيتها هيبقى سعرها عالى اوى

سعرها قليل على قيمتها سيارة فيها كل اللى انت عايزة بس الناس بتخاف عشان حاجتين : سعر قطع الغيار , ارتفاعها عن الارض منخفض فامينفعش فى بلدنا غير كدة مش هتلاقي

اكتر السيارات اعتمادية , اقوى مواتير , شكل جامد وانسيابى , اوبشن