الموضوع: احمد سعد واسرع انتقال من خط فايبر لخط نحاسى فى التاريخ

أحمد سعد
واسرع انتقال من خط فايبر لخط نحاسى فى التاريخ

كل الشكر والتقدير والاحترام لعضونا المتميز

أحمد سعد الشهير ب A.saad

وزير اتصالات نايل موتورز
ووكيل نايل موتورز فى المصرية للاتصالات

الفضل وكل الفضل يرجعله فى اسرع عملية انتقال وتحويل لخط فى التاريخ من خط فايبر لخط نحاسى

انا بعت رقم التليفون لاحمد فى رسالة
وبعد اقل من نص ساعة كان الخط اتحول لنحاسى

الموقف كالتالى تليفون من السنترال

المتحدث :حضرتك عاوزة تدخلى دى اس ال
انا :ايوة يا افندم
المتحدث:بعد اذن حضرتك هنفصل الحرارة 10 دقايق بس ونرجعها على طول
انا: اتفضل يا افندم

بعد 10 دقايق
الهاتف يرن
انا: الو
المتحدث : تمام يا افندم الحرارة رجعت والخط اتحول لنحاسى وتقدرى توصلى خدمة الدى اس ال

قولت اتأكد
اتصلت ب تى اى داتا
واكدولى ان الخط فعلا تم تبليغهم انه خلاص اتحول لنحاسى وان الخدمة هتشتغل خلال اسبوع ل 10 ايام

مش عاوزة اقولكم ان احمد لما جه يبلغنى انه عمل اتصاله وان شاء الله المشكلة هتتحل
هو نفسه اتفاجأ انى بقوله ان المشكلة خلاص اتحليت والخط بالفعل اتحول لنحاسى خلاص

شكر كبير جدا لاحمد سعد
انا سمعت كتيرعن اخلاقك وخدمتك وبدون تردد لاى شخص يطلب منك خدمة
لكنى مكنتش اتخيل ولا يوصل خيالى للسرعة دى فى تنفيذ الخدمة

مفيش كلام اقدر اوصفلك بيه شكرى وامتنانى
ميرسى ل نايل موتورز انه عرفنا باشخاص محترمين ومميزين زى حضرتك
اتمنى تيجى الفرصة اللى اقدر اقدملك فيها اى خدمة

واخيرا سيتم تشغيل دى اس ال تى داتا
وهنتخلص من اتصالات واليو اس بى اللى خلص على فلوسنا

تحيا المصرية للاتصالات وتسقط اتصالات
وربنا يخليك لاعضاء نايل موتورز يا أحمد