عندى مشكلة ظهرت الصيف ده و هو انى لما بشغل التكييف على السلانسية الموتور بيقعد يترج
و السلانسية - من غير تكييف - بيكون على 800 rpm و عند تشغبل التكييف بيهبط ل 650 تقريبا
فبالتالى مبقدرش اشغل التكييف فى الزحمة و الاشارات و مع المطبات
الخطوات اللى خدتها لحل المشكلة - و مازالت قائمة -
1- تغيير البوجيهات قبل ميعادها ب 1000 و ظبط الثغرة على 0.7
2- وضع منظف رشاشات - برستون الاصفر - قبل معاده بالف
3- تغيير فلتر البنزين قبل معاده ب 1000
4- تنظيف الايدل و تنظيف البوابة بدون خلعها
معلومات
البنزين المستخدم : 80 وبحطه من حوالى سنة ولكن المشكلة دى مظهرتش الا الصيف ده
الزيت : فيسكو 5000
سلوك البوجيهات تم تغييرها من 6 اشهر و الحمد الله سليمة
و الحمدلله انا ايدى فى العربية على طول و تقريبا بعمل معظم الحاجات فيها بنفسى
و احد صاحبى اشار عليا بانى اعمل ايدل ليرن و بعديها اعلى الموتور من البوابة بس مش عارف حساس ال tps هيبقى نظامه ايه
سوال : هو مش المفروض يبقى فيه جفارنر يرفع لفات الموتور عند تشغيل التكييف ؟؟؟
و اخيرا اعمل ايه علشان احل المشكلة دى ؟؟؟