في بوجيه من الاربعه لما بشيل الكابل بتاعه والعربيه شغال مبحسش بفرق مع اني شايف ان العربيه مش متلته طيب العيب ايه وغيرت بوجيهات كتير بس الي لاحظته ان العربيه لما ادوس بنزين تتكتم وبعد ين تسحب تاني ارجوا الرد من الاساتزه
عرض للطباعة
في بوجيه من الاربعه لما بشيل الكابل بتاعه والعربيه شغال مبحسش بفرق مع اني شايف ان العربيه مش متلته طيب العيب ايه وغيرت بوجيهات كتير بس الي لاحظته ان العربيه لما ادوس بنزين تتكتم وبعد ين تسحب تاني ارجوا الرد من الاساتزه
صعب حدوث ماتقوله
والله صحيح وممكن اشيل الكابل خالص وهو عمال يتكتك وبرده العربيه دايره كويس بس لو شلت اي واحد تاني غيره تتبرجل وتبطل
تبقى متلته وأنت مش واخد بالك
وده دليل أنها متلته
والبوجيه ده نفسه مش بيطلع شرارهاقتباس:
بس لو شلت اي واحد تاني غيره تتبرجل وتبطل
وممكن يكون عليه زيت
فهل جربت تكشف على حريق بوجيه الغرفه دى .....
وتحله وتشوف شكله عامل أيه ؟
أى بتاع الغرفه اللى عليها العين .........!!!!!!!!!!!!!!!
اقتباس:
وغيرت بوجيهات كتير
وكنت بتغير بوجيهات كتير ليه ..........؟
تبقى العربيه..متلته من الأول أساسا..
عملا بمبدأ..ضربوا الأعور على عينه
المشكله اني العربيه ماشيه كويس يعني دايما الي بتلت بتحتاج قرص رعشان تمشي ديه ناعمه والبوجيه ده بيحرق كويس
جرب تغير سلك البوجيه ده بواحد تانى جنبه
فقد يكون هناك عندك عيب
عباره عن أتصال كهربى ردىء بين نتاية السلك اللى بتركب على البوجيه
ومنطقة أتصالها بالسلك
وده غالبا وبنسبه عاليه جدا
الوضع الموجود عندك
أى أن سلك البوجيه المقصود
شغال بمزاجه نظرا لعدم الأتصال الجيد بين نتاية التركيب على مسمار
البوجيه والسلك نفسه
وأنا مقتنع بهذا
مليون فى المائه
هو النهارده عملت ايه قطعت بدايه ونهايه السلك وربطها تاني وبعدها ظهر شرز وتكتكه بس برده قليله يعني السلك اشتغل بس الشراره قليله جدا
غيرلك طقم كابلات ياباشا
حترتاح أوى
وحتوفر فلوس كمان
من غير ماتحس
كل الكابلات ولا الي بيقطع بس وهل ده ليه علاقه بالسحب العربيه تسحب وتكتم وتقطع وكده
بداية الغيث قطره
وطالما طوبه بتقع من الجدار
حتوقع اللى وراها
فتغيير طقم كابلات كامل
أحسن وأوفر ليك
من جميع الأتجاهات
ربنا يبارك فيك يا بشمهندس بس عندي مشكله كبيره وحيرتني جدا وصرفت اكتر من 1500 جنيه ولسه متصلحش العيب العربيه كانت زي الفل راحت للعفشجي فك الكبالن ومن بعدها العربيه مش مضبوطه والحمد لله اتصلح كتير من المشكله ما عدا اني دايما حاسس برفه تحت رجلي وبزات في دوسه الفرامل ونحر تحت رجلي
والله محتاج الرد يا بشمهند س ضروري عشان فلوسي ضاعت والعربيه زفت
طيب أشرحلى بالضبطاقتباس:
ما عدا اني دايما حاسس برفه تحت رجلي وبزات في دوسه الفرامل ونحر تحت رجلي
العفشجى عمل أيه فى العفشه
لأن المفروض دايرة الفرامل بدواستها
تكون بعيده عن قصة العفشه
وعربيتك نوعها أيه
وهل هى باور ولا أسكترا عاديه
يعنى عيشنى معاك شويه
كأننا واقفين سواء عند العفشجى
علشان أعرف أفكر معاك
نبدا بسم الله -- قلت اشيك علي العربيه رحت غيرت الزيت وخلافه وسلكت الردياتير وضبط الكربراتير ورحت للعفشجي والله معندي مشكله بس قلت اشيك ونبدا --------- قالي العربيه واطيه عايزه علايه قلتله الي انت شايفه ركب العلايه وقالي صليبه الكبلن وحشه قلت غير وشحم وركب جلد كوبلن واركب يا عم والمفاجات كاني العربيه كانها باجور الي بيسفلت الارض بدبدب بس ناشفه جدا كانها بدون مساعدين كبالن بتقطق يمين وشمال طبعا رجعت جرب معايا قالي عادي الدبه هتروح والكبالن بايظه وظهر العيب دلوقتي بس المهم طيب شيل يمكن العلايات قال لا هو انا اول مره اركب ومشيت رحت لغيره شال العلايات مشيت العربيه وبطلت طقطقه الكبالن بس تحتاج زوايا ومن الزوايا للعفشجي التاني عقبال متظبطط شميه عندي المشكله صوت نحر من تحت وتحس انو في عامود غير كامل الاستداره تحت رجلك انت لما تدوس علي بدال الفرامل رجلك تترفع زي الهزاز بالظبط وطبعا مخلي العفشه مش ناعمه خالص ------------ واسف جدا علي الاطاله وانا معاك متواصل
ماهو اللى حصلك ده بسبب تركيب علايات أماميه
بوظت شغل الكبالن وأكيد أثرت على الكبالن
وممكن تكون عواميد الكبالن فيها لوحه خفيفه مش باينه
علشان كده أنا مبحبش موضوع العلايات قدام فى الجر الأمامى
ولو عاوز كلام صح
أشتريك جوز كبالن داخلى وخارجى بعواميدهم أستيراد
وأتفق مع التاجر على أنهم تحت التجربه
حيعملوا مبلغ بسيط إن شاء الله
والهدف فقط هو ضمان أعمدة كبالن ذات أستقامه صحيحه
لأن الجديد ممكن تلاقيه غالى جدا ( عواميد + كبالن داخليه وخارجيه )
وممكن متلاقيش جديد أصلا
وركبهم مكان اللى عندك
والعربيه حتتظبط بأذن الله من كل الأتجاهات
طيب هو بتاع الزوايا الاخير ده كان من يومين قالي الكبلن الشمال فيه رفه واكدت عليه قالي اكيد خدهم عند مخرطه هيظبطهم وبعدين ركب وشوف ايه رايك
انا اسف تقلت علي حضرتك انهارده اسيبك دلوقتي وان شاء الله اكمل مع حضرتك بكره - السلام عليكم
انا متشكر جدا لحضرتك وجزاك الله خيرا
علي فكره كشفت علي الكبالن وطلعو كويسي انا النهارده كنت مع الميكانيكي اليوم كله وكشفت علهم عند الخراط طلعو سلام ايه الحل يا صديقي الوفي والله انا تعبت خالص 4 شهور بجري ورا العيبوموصلتش لحاجه ارجوك خليك معايا في المشكله ديه الي ان يشاء الله
يعنى مع دوسك على الفرامل بتحس بصوة رعشه فى دواسة الفرامل !!!!!!!!اقتباس:
المشكله صوت نحر من تحت وتحس انو في عامود غير كامل الاستداره تحت رجلك انت لما تدوس علي بدال الفرامل رجلك تترفع زي الهزاز بالظبط وطبعا مخلي العفشه مش ناعمه خالص -
أشمعنى دواسة الفرامل بتحس فيها بالرعشه
المفروض لو فيه مشكله فى محور الدوران اللى أنت بتحاول توقفه
بالفرامل أن الرعشه تبقى موجوده فى كل العربيه
ومفيش علاقه مباشره بين دواسة الفرامل ( ممكن تحسسك برعشه فيها )
الا عمود أو محور السيرفو
يعنى المفروض الرعشه تكون عامه فى بدن السياره ككل
طيب أيه اللى عمله الخراط قدامك فى عملية الكشف على الكبالناقتباس:
انا النهارده كنت مع الميكانيكي اليوم كله وكشفت علهم عند الخراط
وعربيتك مانيوال ولا أوتوماتيك
أشك أنها أوتوماتيك
ازيك يا بشمهندس هي العربيه مانوال والخراط حط العمو بتاع الكبلن علي مكان مستوي ولفه وقالي مفيش حاجه
متصدقوشاقتباس:
والخراط حط العمو بتاع الكبلن علي مكان مستوي ولفه وقالي مفيش حاجه
أن مكنش العمود ينكشف على أستقامته على المخرطه نفسها
من خلال التثبيت بين الغرابين الثابت والمتحرك للمخرطه
وبأسلوب هندسى معين بيعرف العمود مفيهوش الطراوه
______________
يبقى الراجل ده
خراط فعلا
طيب ليه ميكونش حاجه تانيه
زي شي في الفرامل مثلا
أنت عملت ترصيص للكاوتش على جهاز الموتوسيكل ولا لا
لو مكنتش عملت ترصيص
أعمله
علشان تطمن على بلى العجل مع السرعات
ديه حاجه جديده وهامه جدا من حضرتك هعمل ان شاء الله بكره
في حاجه تانيه جت في دماغي وقلت اقولك عليها انا فكرت اشيل التيل بتاع كل عجله لوحده وامشي بالتاني واشوف لو المشكله في الفرامل اكيد هتبان صح ولا ايه
لا والنبىاقتباس:
في حاجه تانيه جت في دماغي وقلت اقولك عليها
شيل الفكره دى من دماغك
الله يخليك
ليه بس ديه اكيد هي الي هتبين المشكله - متخفش انا هجرب في مكان بعيد عن الناس -- وهيبقي معايا عجله فيها فرامل
مينفعش ياباشا
تمشى بفرده فيها تيل وفرده لا
مش حتعرف تتحكم فى العربيه نهائيا
أعمل بس اللى قولتلك عليه ورصص على سرعات
وشوف البلى أخباره أيه
طيب خلاص هجرب الترصيص الاول وارد عليك انا عارف اني كلت دماغك بس والله بدعيلك سلام موقت لحد ما اجرب السلام عليكم
السلام عليكم == ازيك يا استاز سمير -- انا عملت ترصيص اليوم والراجل قالي العجل مفيهوش حاجه بس الي لاحظته ان العجله الشمال هي الي عملت دبدبه زي الي بتحصل وانا ماشي وقالي مفيش عيب الا الطنابير او العجله ملوحه ايه رايك
حلواقتباس:
بس الي لاحظته ان العجله الشمال هي الي عملت دبدبه زي الي بتحصل وانا ماشي وقالي مفيش عيب الا الطنابير او العجله ملوحه ايه رايك
هى دى عاوزه رأى
غير ياباشا صرة العجله دى وبص على الطنابير وغيرها لو مقفعه ووحشه
وشوف الوضع الجديد بعد التغيير
______________________
ومبدأيا وعلى طول
حط الأستبن مكانها الأول وجرب
علشان نشوف الجنط أو الكاوتش ملووح ولا لا
هي الصره ديه هي البليه
لا
الصره اللى بتتربط عليها الفرده
والصره هى عنصر التحميل على البليه
وطبعا واضح من الكلام
أن الصره متجمعه مع الفرده بالأربع مسامير
وبيلفوا على البليه
انا عندي الفرده مربوطه علي الطنبوره نفسها والجزء الي بفكه لما اغير الطنبوره مربوط ب6 مسامير
طيب بس جرب تغيير الأستبن الأول
وأكشف على الصره
ومش مهم
أما مسامير الفرده يبقوا أربعه ولا سته
لأن ده بيبقى ( حسب تصميم السياره )
بس الصرر والطنابير ثوابت ( لأى عربيه )
وأبقى بلغنى بالجديد بعد تجربتك للآتى
1- تغيير الأستبن مكان الفرده الملووحه وتجرب العربيه
2- تكشف على الصره والطنابير وتعمل الآزم
وحتتحل المشكله المره دى
بإذن الله
انا هجرب وارد عليك وانا اسف شغلتك معايا وربنا يبارك فيك