الموضوع: استشارة م / samirayad

اولا لمبة التشيك بتنور كتير وبعدين ترجع تطفى وغالبا على السرعات اعلى من 80 يعنى عند سرعة 85ك/س اللمبه تنور بالذات لو عايز استمر على السرعه دى وتفضل منوره على طول لو غيرت السرعه اقل او اكتر تطفى بعد عدة ثوانى على سرعة 90 او 100 او 110 يعنى سرعات اعلى من 80 ولو اللمبه نورت عند سرعه معينه لازم لازم اغير السرعه اقل او اكتر علشان اللمبه تطفى وساعات لو ثبت على السرعه تطفى بعد فتره لو نازل منزل ممكن تطفى انما لو الطريق مستوى او فيه ارتفاع تنورولو حرقت على الغيار ممكن متنورش ودى لاحظتها كتير وهكذا والكوميديا ان لو عملت اى حاجه فى العربيه اللمبه تطفى مشوار او اتنين نهائى وبعدين ترجع تانى يعنى لو نظفت البوجيهات لو نظفت فلتر الهواء لو شلت سلك البوجيهات وركبته تانى اى حاجه 10 او20 كيلو كويس وترجع تنور بنفس الاسلوب بس لاحظت انى لو حرقت على الغيار متنورش مش فاهم فيه ايه دا بخلاف انى كذا واحد قالى ريحة العادم عندك مش مظبوطه الحريق نى يعنى علما بان عادم الشكمان عندى ملوش لون بس انا مقدرش احدد ريحة العادم نى ولا مظبوط مبعرفهاش

طيب حضرتك عملت أسكانر ولا لا

عموما واضح أن اللمبه دى بتنور بسبب عدم جودة أحكام فيشه معينه

وقد تكون أضاءة اللمبه بسبب خرطوم حساس الماب

(عاوز يتركب كويس على زوره على بوابة المكنه )

والأسكانر حيدد العيب بالضبط قادم من أى جهه

التانيه حاسس ان فيه خشونه او تكتكته فى الماتور مش فاهم دا ايه مع اهتزاز بسيط الخشونه دى وانا دايس بنزين بحس بيه فى الدواسه زى تكتكه فى الماتور ودا بس على سرعه اعلى من 40 فى السرعه الهاديه بتكون العربيه ناعمه و لو قرصت باحس بتكتكه قلت يمكن كاوتش بس ظبطت كاوتش وزوايا وغيرت كاوتش كمان وعملت ترصيص لا انا حاسس ان الخشونه دى ماتور او سيور مش عارف ممكن افك السيور واجرب ولا اعمل ايه انا لاحظت انى لما اروح لميكانيكى المشكله تزيد او ادخل فى مشكله تانيه
انا منتظر ردك وشكرا مقدما
دى صورة ماتور العربيه لو تفيد فى حاجه

يعنى

المفروض تزودنا بشوية بيانات

زى

1- هل المكنه بتاكل زيت ولا لا

2- المكنه أو العربيه عامله كام ساعه

وهل السحب كويس ولا مصحوب بخشونه فى الصوت

3- موقف ظبط أو المراجعه على تاكيهات المكنه

4- على فكره ممكن لما تعمل أسكانر

العيب يطلع من حساس الحراره ...وبكده ممكن تتحل الملاحظتين بتوعك

صوت مكنه + موضوع اللمبه اللى بتنور

راجعت علىالخرطوم وكل الفيش تمام
المكنه مبتاكلش زيت
المكنه مش عارف عامله كام ساعه علشان انا مشترىقريب بس لعداد 228000كيلو والزيت تمام لا ينقص ابداومفيش ترشيح زيت ولا فايظ ولا خليط مع المياه المكنه مفيش فها غير الخشونه غير كداحلوه
السحب مش وحش بس مش سحب الفا روميو هيا المقروض تكون طلقه خصوصا انها 1600cc وكمان فيه بخشونه حاسس بيها فى الدواسه مش فىالصوت وباسمع صوت زى خرم فى الشكمان بالذات لما اكون راكن جنب سور او الصبح فى الجراج بس الشكمان سليم ومش عارف الصوت كداطبيعى ولا فيه حاجه غلط واحد بيقولى الالفا روميو صوتها كدا
حساس الحراره اللى هوا حساس الاكسجين ؟؟؟؟ لو هوه اخيرا عرفت مكانه ممكن افكه وانظفه ولا ايه
رحت علشان اعمل سكانر من فتره قاللى عربيتك مش محتاجه وفك خرطوم حساس الماب ونظفه وركبه اللمبه طفت يومين ونورت تانىبعد ما اخد30 جنيه مقابل النفخ فى الخرطوم معملش اسكان ودا الوحيداللى فى اكتوبر والناس بتقول عليه نصاب انا بس اللى عايزه اعرف ايهالمشكله علشان لما اروح لحد اقوله فك كذا وغيره
وشكرااااااااااااااااا على متابعتك وسرع الرد
لو عايز ارفع فيديو عن صوت الماتور ممكن اعمله

المكنه مبتاكلش زيت
المكنه مش عارف عامله كام ساعه علشان انا مشترىقريب بس لعداد 228000كيلو

كده مبدأيا

المكنه حلوه ومش بطاله

السحب مش وحش بس مش سحب الفا روميو هيا المقروض تكون طلقه خصوصا انها 1600cc وكمان فيه بخشونه حاسس بيها فى الدواسه مش فىالصوت

جايز

تكون مقرب على عمرة دبرياج

أو محتاجها فعلا لتحسين السحب

والأستفاده من كل عزم المكنه

وباسمع صوت زى خرم فى الشكمان بالذات لما اكون راكن جنب سور او الصبح فى الجراج بس الشكمان سليم ومش عارف الصوت كداطبيعى ولا فيه حاجه غلط واحد بيقولى الالفا روميو صوتها كدا

غالبا ده وضع عادى

من أثر أصطدام الأصوات بأى حاجز جانبى

وأنعكاس الصوت

وأرتداده الى أذن قائد السياره

وكلنا بنحس بحاجات زى دى ....وبنسب متفاوته

حساس الحراره اللى هوا حساس الاكسجين ؟؟؟؟

لا

ولكل منهما دور مختلف فى عملية التحكم

لو هوه اخيرا عرفت مكانه ممكن افكه وانظفه ولا ايه

لا هو مبيتنظفش

ولو الأسكانر الصح

طلعه مخرف ....بيتغير على طول بآخر جديد ( نفس النوع )

رحت علشان اعمل سكانر من فتره قاللى عربيتك مش محتاجه

وعرف منين ....شكله على أده

وفك خرطوم حساس الماب ونظفه وركبه اللمبه طفت يومين ونورت تانىبعد ما اخد30 جنيه مقابل النفخ فى الخرطوم

يابخته .....نفخه ب 30 ج

ونفخه وتركيب للخرطوم أى كلام

شيك أنت برضه على تركيب الخرطوم تانى بعده

يمكن يكون مش راكب صح

والناس بتقول عليه نصاب

كلام الناس معقول فعلا ....عن الزبون ده

بس اللى عايزه اعرف ايهالمشكله علشان لما اروح لحد اقوله فك كذا وغيره

تانى

عاوز تروح للنصاب

ياباشا

شوف مركز أسكانر تانى

وميكانيكى كويس برضه

يحدد معاك سحب العربيه

وبكده حتعرف العيب دبرياج

ولا المكنه محتاجه روديه مثلا

وممكن تعمل أختبار كبس للمكنه

وحيبان معاك وضع المكنه تماما

____________________


وياريت بعد أذنك ....ترفعلنا صوره تانيه

لمكان البوجيهات عندك على مكنتك

لأن كان فيه زميل بيسأل عن مكانهم لمكنه شبيهه بمكنتك تماما

طيب ايه علاقة الدبريا ج بالصوت طيب التكتكه دى وانا فاصل دبرياج فيه فيبريشن فى الدواسه وانا بادوس بنزين صوت خبط او تكتكه وانا شاكك انه يكون فى الدينامو مثلا

ممكن تستخدم الموقع ده فى رفع الصوره

http://arb-up.com/

حتقدر ترفعها بدون تسجيل فى الموقع

على أساس حتاخد
لينك مباشر من الموقع وتحطه كصوره فى أحد صناديق الردود بالمنتدى

مع ملاحظة حذف htt//

وأنت بترفع الصوره لنايل موتورز كا لينك مباشر

وتنتظر التحميل لبرهه بسيطه قبل الأرسال

files02.arb-up.com/i/00111/fjhpmc2ipteq.jpg

المانفول تحتيه البوجيه كل ناحيه اتنين انا حددت مكان واحد وزجنبه واحد كمان والناحيه التانيه كمان اتنين