مشكلة في دركسيون فيكترا b

**osmana** · 12-07-2010 02:35 PM

السلام عليكم

مشكلة في دركسيون فيكترا b 2001 1600

التلكس عندي علق و فية خلف الدركسيون قطعة بلاستك بيكون فيها سلك التلكس دي سابت و مع لف الدركسيون اتقطع السلك المهم رحت بالعربية لعبدالله اوبل قالولي هات القطعة دي استيراد لفيت ملقيتهاش استيراد هم قالولي جبنهالك و بعد ما فكو عشان يركبوها طلعت بتاعت الطارة اللي بأير باج و متنفعش المهم صلحوها و لزقوها بعد ما السواق مشي باظت تاني رجع فكو الطارة و عملهالو و بعد ما رجع بصيت لقيت الدركسيون متركب غلط و شوية و التلكس علق تاني بعتهالو عدل الطارة و عمل التلكس واتركنت العربية طلعت بعد كام يوم بالعربية لقيت الدركسيون بيخبط فوق و تحت و لما بلف الدركسيون فية حاجات بتخبط و تطقطق في الدركسيون ( كل دة مظهرش غير بعد المرة التالتة ) بعت السواق بالعربية تاني و كلمني من هناك رد صلاح و الاسطة اللي معاة ان المسورة اللي راكب فيها الدركسيون فيها قطمة من تحت دي باظت بسبب الفك و التركيب 3 مرات و دي مبتتصلحش بتتجاب علي بعضها و دة عادي و انها كانت مبوشة خفيف اوي سألت واحد صاحبي كان معاه العربية و فاهم فيها قالي اللي فك الطارة حماااار و دق جامد علي المسورة اللي في النص سألت السواق قالي فعلا ال 3 مرات كان اللي شغال ولد صغير و كان بيدق جامد بمرزبة عشان يطلع الطارة .
و سألهم علي سعرها لقاها عندهم استيراد ب500 جنية .

السؤال هل فعلا الدركسيون مبيتفكش غير بالطريقة دي و اللي حصل دة عادي نتيجة الفك و التركيب ؟؟

اسف للاطالة

**lancerevolution** · 12-07-2010 02:55 PM

هو ليه طريقة معينة كدا و مش أى حد بيفكها تقريبا
و 500 جنيه سعر حلو على الطارة بالقطمة بس كان فى زميل قال إن البوش دا ممكن يتعمل بمسامير خشب دا لو أنت مش فايق تغيرها شوف الحوار دا

**osmana** · 12-07-2010 03:13 PM

المشاركة الأصلية كتبت بواسطة lancerevolution

هو ليه طريقة معينة كدا و مش أى حد بيفكها تقريبا
و 500 جنيه سعر حلو على الطارة بالقطمة بس كان فى زميل قال إن البوش دا ممكن يتعمل بمسامير خشب دا لو أنت مش فايق تغيرها شوف الحوار دا

شكرا لردك يا باشا بس هي 700 بالطارة و 500 القطمة بس ومجاش في دماغي اسأل عليها بتتصلح ولا لا هشوف عفشجي اسألو

**ameros** · 12-07-2010 03:33 PM

حد يعمل شغل زي كده عند عبد الله اوبل دانا اخاف يغيرلي زيت وبعدين كان لازم حضرتك تكون متواجد وتشوف بنفسك ايه اللي بيحصل بس معلش بسيطه انا رايي تروح لصابر بتاع مدينه نصر بني ادم محترم وعارفني وعارف نظامي توكل علي الله وخد قرار وانا تحت امرك لو هاتروحلو
بس قولي وانا اوصفلك مكانه

**osmana** · 12-07-2010 05:42 PM

المشاركة الأصلية كتبت بواسطة ameros

حد يعمل شغل زي كده عند عبد الله اوبل دانا اخاف يغيرلي زيت وبعدين كان لازم حضرتك تكون متواجد وتشوف بنفسك ايه اللي بيحصل بس معلش بسيطه انا رايي تروح لصابر بتاع مدينه نصر بني ادم محترم وعارفني وعارف نظامي توكل علي الله وخد قرار وانا تحت امرك لو هاتروحلو
بس قولي وانا اوصفلك مكانه

عملت شغل قبل كدة عند عبدالله و كان كويس بس المرة دي كانت عك الحمد لله علي كل حال و مدام صابر دة كويس هبعت لحضرتك علي الخاص تشرحلي اروحلة ازاي و شكرا لاهتمامك ياباشا