سحب 59 ألف سيارة sm3

**karioky** · 12-07-2010 03:17 PM

أعلنت شركة "رينو سامسونج" للسيارات في كوريا الجنوبية عن سحب أكثر من 59 ألف سيارة أنتجت في العام الماضي بسبب مشاكل في منفذ البخار في محركاتها.

ونقلت وكالة الأنباء الكورية الجنوبية "يونهاب" عن وزارة الأراضي والنقل والشئون البحرية الاثنين أن 59410 سيارات من طراز sm3 التي أنتجت خلال الفترة بين 6 مايو و15 يونيو من العام الماضي ستسحب بعد اكتشاف عيب إذ يمكن لمنفذ البخار أن يمنع حقن الوقود إلى المحرك ما يتسبب في توقفه عن العمل.

وأشارت الشركة إلى أنه يمكن لأصحاب السيارات المعنية إحضار سياراتهم إلى أي مراكز صيانة تابع لـ"رينو سامسونج"، كما يمكن لمن قام بتغيير قطع الغيار استرجاع التكاليف.

يشار إلى أن عمليات سحب السيارات بسبب أعطال فيها تطارد غالبية الشركات مثل "تويوتا" و"فولفو" و"هوندا" وغيرها.

يذكر أن الشركة المصرية العالمية للسيارات(eim) وكيل "رينو" في مصر طرحت السيارة ذاتها تحت اسم "سكالا" لأول مرة في مصر.

و"سكالا" من مصانع "سامسونج" في كوريا الجنوبية التي تمتلكها مجموعة "رينو" العالمية وهي معروفة هناك باسم "سامسونج sm3".

من جهة أخرى، قال عمرو ماضى، مدير مبيعات الشركة المصرية العالمية للسيارات"eim" (رينو مصر): "إن عمليات السحب لطراز sm3 والمعروف بمصر باسم (سكالا) ليس لها تأثير نهائى على السوق المحلية، حيث إن سيارات سكالا التى تدخل مصر تكون بمحركات نيسان، ولكن بمواصفات و"بادج" رينوعلى عكس المحركات المستخدمة فى سيارات sm3 بكوريا والتى تستخدم محركات سامسونج.

- منقول

**eng_ahmedryad** · 12-07-2010 03:41 PM

كلام متناقض

ال sm3 فيه منها موديلين موديل كلاسيك ( sm3 ce ) وده اللي بيطلق عليه هنا في مصر إسكالا
والموديل الجديد اللي بيطلق عليه في مصر رينو فلوانس

وعموما لو مقصود فعلا إسكالا ، السيارة دي فعلا بالكامل كوري حتى الموتور من سامسونج الكورية مش محرك نيسان ، وكل اللي حصل إنهم حطوا اللوجو بتاع رينو فقط عليها .

شكرا على الخبر

**akmal_hamdi** · 12-07-2010 05:36 PM

لو الكلام ده صحيحح لازم يسحبوا النيسان صنى بردوا لانها نفس العربيه

**SaberMan** · 13-07-2010 01:42 AM

أعلنت شركة "رينو سامسونج" للسيارات في كوريا الجنوبية عن سحب أكثر من 59 ألف سيارة أنتجت في العام الماضي بسبب مشاكل في منفذ البخار في محركاتها

شركه محترمه انها (أعلنت) عن العيب و طلبت تصليح السيارات عقبال بقيت المركات العندها بلاوى و بتتكبر تعترف بيها .

**Super_Star_h** · 13-07-2010 09:36 AM

مش عارف انا والله حاجه تجن
بكره التوكتوك الهندى هيحطو عليه علامة اودى او بى ام دبليو
ربنا يرحمنا

**pioneerahmed** · 22-07-2010 07:38 PM

طيب حد يعرف اذا كانت المشكلة دى موجودة فعلا فى العربيات الى فى مصر ولا لا؟

**M.Elwan** · 23-07-2010 02:19 PM

المشاركة الأصلية كتبت بواسطة pioneerahmed

طيب حد يعرف اذا كانت المشكلة دى موجودة فعلا فى العربيات الى فى مصر ولا لا؟

لو يقصدوا sm3 بالفلوينس فالعربيات الفلوينس فى مصر تركى مش كورى

والخبر نزل غلط فى ملحق اهرام السيارات وكان مكتوب ان العربيات اللى اتسحبت فلوينس تركى
وطبعا شركة رينو فى مصر عملت مشكلة كبيرة للاهرام بسبب ان الخبر غلط
والموضوع ملوش علاقة بالفلوينس التركى من الاساس

والاهرام اعترفت بالخطأ ونشرت اعتذار فى اهرام الجمعة فى الصفحة الاولى تصحيح للخطأ فى ملحق السيارات

ده لان ملحق اهرام السيارات بيتم طباعتة يوم الاربع واهرام الجمعة بيطبع الخميس

**Elsarrawy** · 24-07-2010 10:38 AM

المشاركة الأصلية كتبت بواسطة kingaya

لو يقصدوا sm3 بالفلوينس فالعربيات الفلوينس فى مصر تركى مش كورى

والخبر نزل غلط فى ملحق اهرام السيارات وكان مكتوب ان العربيات اللى اتسحبت فلوينس تركى
وطبعا شركة رينو فى مصر عملت مشكلة كبيرة للاهرام بسبب ان الخبر غلط
والموضوع ملوش علاقة بالفلوينس التركى من الاساس

والاهرام اعترفت بالخطأ ونشرت اعتذار فى اهرام الجمعة فى الصفحة الاولى تصحيح للخطأ فى ملحق السيارات

ده لان ملحق اهرام السيارات بيتم طباعتة يوم الاربع واهرام الجمعة بيطبع الخميس

كلام حضرتك مظبوط