عاجل وللأهمية برجاء تسعير Bmw

**FASTER** · 24-02-2008 02:23 AM

bmwموديل m40 88 فابريكة دواخل بالكامل عدا جزء بسيط بجانب الحوض من فوق فول أوبشن مكيفة بس التكييف مش شغال لسبب أو أخر موتور 1800سي سي وجنوط سبور والحالة العامة جيدة .
كنت عايز سعرها العادل كام وأيه أخبار قطع الغيار وأسعارها . لو حد عنده معلومات يفيدنا يا جماعة لأن أحد أصدقائي مقدم أنشاء الله علي شراءها ووعدته أني هافيده
ولكم جزيل الشكر يا أجمل أعضاء في أحلي منتدي

**theking2690** · 24-02-2008 08:24 AM

مش هيفيدك فى الموضوع ده غير اكسبرت اللى معانا هنا فى السايت

**Xpert** · 24-02-2008 11:29 AM

هم .. انا جيييت (ثانك يو ذا كينج) ..
بص يا سيدي .. العربيه حلوه و تمام و 100 100 بالنسبه للخدمه و قطع الغيار .. الحته اللي رشه في الحوض دي ان دلت علي شيء ماتدلش علي انها فابريكه خالص ..
العيب رقم واحد الموتور ال 4 سلندر (او المكنه الجديده الام فورتي) بتاكل كامات .. و المكنه دي موديل من 87-95
السعر العادل بالنسبالي .. 50 الف ... لو العربيه نضيفه جداُ و فابريكه ..
السوق فيه العربيات دي بتتداول في حدود ال 65 الف مش عارف ليه .. الاسعار زادت .. انما انا شخصياً .. مش هادفع اكتر من ال 50 الف ولو شلن واحد..
بالنسبه لقطع الغيار كله موجود الجديد موجود منه حاجات اصليه (ماركات اصليه) و موجود صديقنا الصيني ابو بلاش طبعاُ و بالنسبه للاستيراد اللي هاتحتاجه قوللي و انا اظبطك مع واحد هايظبطك ..

**FASTER** · 24-02-2008 12:29 PM

أكسبيرت باشا شكرا جزيلا ليك واضح أن حضرتك خبير في البي أم وشكرا لمعلوماتك القيمة بس هي العربية حسب كلام صاحبها فيها موتور 1800 سي سي موديل 90 والحتة اللي في الحوض دي عبيطة انا شفتها لانها بالظبط جنب الرفرف بعيد عن اي اساسيات

**Xpert** · 24-02-2008 03:42 PM

اهه علي قدنا بقي .. انا عارف اللي انت بتتكلم فيه بالنسبه للموتور .. و الكلام اللي انا قلتهولك ده ينطبق علي المواتير من 1987 لحد 1995 ... و اكشه علي المكنه و العفشه .. العفشه لو فتحت معاك مش هاتتلم باقل من 7000 جنيه .. بس بتعيش 10 سنين ..