توكيل تويوتا

**hamedo0** · 13-07-2010 04:04 PM

المشاركة الأصلية كتبت بواسطة se_coralsea

ممكن تروح التوكيل في أبورواش دول كويسين ده غير أنك هاتكون متابع عربيتك من الصالة بس ماتجيبش سيرة أنك كشفت عليها في التوكيل (فرع العباسية) و شوف كلامهم هايكون أيه لانهم شكلهم عايزين يعملوا شغل و خلاص

انا عرفت ان في واحد كان شغال في تويوتا وفاتح ورشه في شبرا ان شاء الله حروح ليه

**Ahmed Galal** · 13-07-2010 10:56 PM

بالنسبة للتوكيل لما بتدخله تعمل فحص بيتلكك على اى حاجة فى العربية لهدفين اولا طبعا عشان يدخل فلوس ثانيا عشان العميل ما يجيش يرجع للتوكيل و يقول العربية طلع فيها كذا و كذا وانتوا ما قلتوش عليه من الاول و كل اللى حكيته فى العربية ما يعيبهاش و لا حاجة و اعمل الاساسى فيها يعنى الصيانة و الكوتش و نفض لمواضيع السمكرة و الرش طالما كله تمام و حتى لو المساعد خفيف استنى شوية و غير طقم قدام و بالنسبة للمقصات ممكن تتاكد عند اى حد بتاع زوايا او عفشجى كويس و ان شاء الله خير

**Nile Heart** · 13-07-2010 11:19 PM

ياريت يا جماعه نبقى موضوعيين

التوكيل مقالوش ان العربيه مقلوبه ولازملها عمره! كل الحاجات دى بسيطه (فبره, وعمة هوا, فانوس,,...)

توكيل تويوتا وان كان مش ملايكه لكنه احسن توكيل فى مصر
وهما بيشتغلوا حلو قوى ومش محتاجين للافلام دى
انا بقالى معاهم من 2003 عملت ييجى 8 صيانات كبيره وعمرهم ما طلعوللى غير حاجات تافهه

ونصيحه لوجه الله... القرش اللى بتصون بيه العربيه النهارده, بيوفرلك خمسه قروش بعد سنتين تلاته

**hamedo0** · 14-07-2010 01:57 PM

ياباشا انا معاك بس ده جمعلي حاجات بــ 25000 كا ميكانيكا

**omaroof** · 15-07-2010 08:22 PM

المشكله ان التوكيل ده فى مصر وبالتالى بيعاملنا من موقف اللى موش عاجبه يضرب دماغه فى الحيط
وان ماحدش بيفهم غيرهم هما وفنينهم النصف كم

**hamedo0** · 16-07-2010 03:04 AM

الحمد الله جوز اختي راح مركز خدمه تويوتا وطمنه قاله العربيه مش فيها حتي بنطه لحام والعربيه زاى الفل ومش محتاجه صيانه غير تغير البوجيهات والكاوتش والحمد الله تم التغير ومسافرين بلعربيه النهارده الي العجمي ربنا يستر طريقنا يارب
شكرا لكل التفاعل معي من الاعضاء