السلام عليكم
حد يعرف ميكانيكى بيفهم كويس فى الهوندا عشان لو يكشف على عربيه
عرض للطباعة
السلام عليكم
حد يعرف ميكانيكى بيفهم كويس فى الهوندا عشان لو يكشف على عربيه
فيه واحد مشهور اوى فى الحرفيين بتاع هوندا ، هو سودانى واسمه رفعت قلينى
ويعتبر وفقا لشهادة من تعاملوا معه من افضل الميكانيكية فى مصر فى السيارات اليابانى عموما والهوندا خصوصا
هو من النوع اللى بيلبس بالطو وجوانتى، ولما هتتعامل معاه هتحس انك بتتعامل مع دكتور بس هو فعلا دكتور فى الهوندا
بس تنبيه بسيط جدا، لازم تغسل العربية كويس قبل ما تروحله، متروحلوش بعربية موتورها مزيت بقاله سنين متغسلش، او لو هاتشتغل فى العفشه برضه متكونش بقالها سنين متغسلتش علشان هو إنف شوية ، بس برضه وفقا لكل اللى اتعاملوا معاه النتيجة اللى بتطلع بيها من عنده تستاهل
موبايله:0101818170
متشكر جدا جد االحمد للة انا كنت حاطط اسبوع عقبال محد يرد و فى اليوم السادس سبعاوى بنفسة خيب ظنى و رد علية
انا محتاجة عشان كنت هودى عربية يكشف عليها بس مش شغل تصليح
بس اى واحد ممكن يكشف مش شرط يكون شغال فى الموديل
وبكرر شكرى ياباشا
There is also one that works only in Honda in Harafyeen his name is Adly, he used to work at the Honda dealer, and he owns the fastest Honda in Egypt ;)
بص في الحرفيين فية كذا حد كويس بيشتغل في الهوندا
منهم محمود فريد اللي في الأول جنب البنك
و فية محمد سعيد اللي جنب موقف السوبر جيت و دة كان بيشتغل اصلا في توكيل هوندا
و فية واحد اسمة محمد عيد جنب المطراوي بتاع الشكمانات
ودة بيفهم كويس قوي في الهوندا من سنين بس من كذا سنة بقى بيستورد قطع غيار استيراد من برة(هولندا) بس استااااذ في العربيات الهوندا
وكمان فية واحد تاني مش عارف اسمة هو في البلوك اللي ورا محمد عيد على طول برضة ميكانيكي هوندا كويس قوي و بتاع تعديلات
و بالنسبة لبتوع قطع غيار هوندا برغم انك مسألتش بس انا حاقولك
في الحرفيين عندك توشكي (المهندس محمود) اللي جنب المزرعه
و جنبة علي عبد الرحيم
الاتنين كويسين قوي و فاهمين و اسعارهم كويسة جدا جدا
و في شارع السودان من ناحيه الكيت كات فية الشركة الاسلامية (البخاري) بس خللي بالك لو انت مش عارف الاسعار كويس و حاتلابط معاه حايغللي عليك
و فية التونسي برضة في شارع السودان تحت كوبري المحور بس اسعارة غالية
و فية حفني اللي في الاميرية برضة اسعارة غالية و بتاع اشتغالات شوية
و فية قورة اللي في جسر السويس قدام عمارات الميريلاند دة كويس قوي و اسعارة كويسة و محترم و مش بيغللي
ولو حضرتك عاوز اي مشورة في قطع غيار هوندا انا تحت أمرك
اصل بقالي من سنة 1991 راكب هوندا :wink:
متشكر جدا جد يا استاذ ادهم
محدش يعرف بتوع اسكندريه مين؟
:?:
بارك الله فيك انت فعلا افدتنى
وفي واحد أسمه محمود و دا كويس و متخصص في الهوندا و ميزته أنه قريب.
دا لو أنت أخدت كوبري القبه من أمام الكليه الفنيه العسكريه و رايح على حدائق القبه و مشيت علطول لحد ما تنزل أخر منزل في شارع سكة الويلي.
أول ما تنزل من الكوبري أول شارع شمال في أول شارع يمين، و أسأل عن محمود بتاع الهوندا.
و جمبه واحد بتاع قطع غيار هوندا لو أحتجت أي قطعت غيار.
في الشافعي اللي في شارع دمشق شغال ! ومش بيغلي
لان حفني تحسه واثق زيادة عن اللزوم
وبالنسبة للميكانيكة في ناس كتير موجودة وبتفهم
بس في واحد وانت رايح علي ميدان المطرية من بعد ما بتعدي بنزينة موبل السواح(سواح الاميرية) -اللي ناحية القصر الجمهوري والروماني بتاع الجنوط -اديلوه ظهرك ومن جنب موبيل علي طول كانك رايح للمطرية عند مسمط المظلوم اسمه علاء ومسمي نفسه دكتور علاء ونظام لاب توب وسنتر وحركات بس بحس انه غالي بطريقة مش ولا بد !
ياريت حد يفيدنا اكتر
يه دكتور للهوندا فى المهندسين جنب سور نادى التوفيقيه اسمه الأمير..هو محل قطع غيار وعنده ورشه..وكان شغال فى توكيل دبى
انا أعرف واحد منذ فترة طويلة دكتور هوندا هو وااخواته وكانوا فى التوكيل اسمه فاروق واخوه محمود ده فى المعادى فى عمارات الشركة الكويتية وفى ميزة انه محترررررررررررررررررم جدددددددددددددددددددددددد ددددددا واسعاره رائعة
طب سؤال لكل الاخوة اللى مجربي الناس دول
هل الميكانيكيه دول بيفهموا فى موضوع المواتير الـ V-tec بتاعت الهوندا و الحرق المذدوج و المستمر و الثمانية بوجيهات و الحاجات المعقدة دى ؟ و اخبار اسعارهم ايه فى الحاجات دى ؟
و لا لازم التوكيل ؟
هو ده بيشتغل طبعا فى vtec لان من 92 محرك ال si كان كدة ومن بعد95 اعتقد هوندا كلها vtec ولكن معنديش فكرة عن الحرق المزدوج والحاجات دى
في واحد اسمه منير خلف الوليد لقطع غيار السيارات ود صنايعي بجد تقدر تروحولو وكما بيعرف ربنا قوي
شكرا على المعلومات المفيدة
ولكن انا ساكن في المعادي فين فاروق واخوه محمود ده بالضبط
و ياريت لو رقم التليفون
للبورسعيدية أو اللي نازل بورسعيد و عايز ميكانيكي هوندا متخصص
الإسم: عماد يوسف
العنوان: بورسعيد- الحرفيين - الزهور- بجوار جامع الحمد عمارة رقم 2 محل رقم 1
تليفون الورشة:0663651011
انا كمان على اتم الاستعداد لاى استفسار عن هوندا
انا معايا هوندا اس اى من سنة 92
ممكن حد يفيدني يا جماعة انا معايا هوندا موديل 1991 سيفيك وده اول عربية جبتها ومش هتصدقوا اللي هقولهولكم ده:
العربية فل اوبشن جميع الكماليات وكمان لغاية دلوقتي صارف عليها لغاية دلوقتي 12000 بس للاسف صرفت نصفهم غلط بسبب غباء الميكانكين اللي روحتلهم ما بين عفشة ودورة مياة المهم مش عايز اطول عليكم العربية ده عزيزة عليا قوي ومش عايز ابيعها وعلي فكرة انا اشتريت تويوتا كورولا 2008 الكاملة وبالرغم من كده برده عايز الهوندا ومش عايز ابيعهاز
ممكن حد يقولي ازاي وفين اظبط الهوندا ده انا عايز اغير الموتور بتاعها بماتور هوندا نفس السي سي بس يكون حالته احسن وعايز اغير عفشة من الاخر كده عايز اظبطها تظبيطة محترمة شكل ومضمون ممكن بجد حد يفيدني انا رقمي 0104352838
اطلب من الساده بشوات الهوندا الافاده عن ميكانيني دكتور واستاذ لي انا اسكن في المنيل والحرفيين بعيده عليا والعربيه فيها شغل يومين تلاته اشكر حسن تعاونكم وافخر اني اركب الهوندا مثلكم
شكرا للجميع:M_yes[1]:
طالما ساكن في المنيل يبقي عليك و علي الشياطين الحمر
رجاء انا عاوز اعرف فين قطع الغير فين بار التوكيل لوحة التحكيم بتعت الزوجاج باب الشمال بتاع السائق الوحدة الربعية الاسياسي لهوندا 2003 وشكرا
فى مسعد و عدلى اللى فى الحرفيين دول ميه ميه مفيش حد اوقفه معاه هوندا الا و قال عليهم حتى لما روحت اوتو كروس الاخير كل الهوندات هناك قالواى على مسعد
انا عايز اقول ان د علاء حفنى ده تقريبا ارخص سعر هوندا فى مصر ولو عايز تليفوناته هكتب 0123616848---0109997785--0114455889 وياريت تجرب هتعرف الفرق
يا جماعة الى يكتب معلومة يكملها برقم تليفون او عنوان عشان الاستفادة تكون كاملة
رجاء من اخوكم احمدالخميس 11 جمادى الثانية 1430
انا لسه جايب سيفيك من شهرين, و اتعاملت مع محمد هوندا اللى فى الحدائق, ممتاز فى التشخيص ومصنعية معقولة وكمان عندة قطع غيار استيراد بأسعار كويسة جدا, عنوانة 1 شارع سكة الوايلى-مبنى بنزايون-حدايق القبة و ده موبايله(0106904134)
انا حاليا سايب العربيه عند عدلى فى الحرفيين ولما حخلص حقولكم عملت ايه
مركز خدمة اليابانية لاصلاح و صيانة السيارات بلكومبيوتر وهما ليهم فرعين
الأول 44 أش جسر السويس امام مستشفى منشية البكري العام
الثاني 31 ش طومانباي - منشية البكري امام مركز دايو أبو غالي
التليفونات
4520223
0106790127
0125101713
0123481280
0103384580
المركز ده بيشتغل فيه زميلنا المهندس أحمد shaft
والحقيقة انا كنت أرسلت كذا واحد من زملائنا في المنتدى للمركز و كلهم أشادوا بالخدمة
[quote=adham;70971
ولو حضرتك عاوز اي مشورة في قطع غيار هوندا انا تحت أمرك
اصل بقالي من سنة 1991 راكب هوندا :wink:[/quote]
بقولك يا باشا أسعار قطع غيار ال crx إيه تقريباََ و أسعار العربيه نفسها موديل الهاتشباك ( قبل 1993 )
السلام عليكم .
اريد ان انشر معلومه للافاده عما حدث معي . لقد ذهبت الى هذا المركز بعد ان قرات عليه فى هذا الموضوع لاكشف عن سياره سيفيك 2007 بغرض الشراء و بعد ان قاموا بالكشف عليها قال لي المهندس احمد شخصيا بعد الكشف عليها بكل الاجهزه ان (العربيه زى الفل محتاجة فقط تغيير الكلوتش و الجنوط ان امكن لانها صينىفقط) وبناء عليه قمت بشراء السياره عن ثقه علي انها فابريكه حيث ان ليس لي خبرة بالسيارات المستعملة.
وذهبت للتوكيل لاعمل صيانة فور دخول المهندس السيارة لتجربتها قال لى (العربية عاملة حادثة و ال2 ايرباجز فاتحين فطلبت عمل تقرير كامل عن حالتها و تبين لى ان حالة السيارة سيئة جدا
1_زجاج السيارة متغير
2_السيارة محتاجة قميص رادياتير
3_المحرك محتاج صيانة
4_فتيس الاوتوماتيك به تسريب
5_ال2 ايرباجز مفرقعين وقد تم كسى التابلوه و التارة
6_السيارة بها اعمال سمكرة و دوكو فى العتب
و هذا بالاضافة لاشياء كثيرة اخرى لن اثقل على اسماعكم بها
و بعد ان اكتشفت حاله السيارة السيئة جدا وتحدث مع صاحب السيارة النصاب قال لى (انت مش ودتها لمركز اليابانية و قالولك العربية كويسه انا مالى)
وقد قمت باتخاذ الاجراءات القانونية تجاه النصاب الذى باعنى هذه السيارة
و انا انشر هذا الموضوع حتى لا يتكرر ما حدث لي مع احد من اعضاء المنتدي الكرام
شكرا و حسبي الله و نعم الوكيل
طبعا لا أستطيع ان أقول لحضرتك قدر الله و ماشاء فعل و ربنا يجريك في مصيبتك و يخلفك خيرا منها ..
لكن يا أخي الكريم أنا أعتب عليك لعدم تحريك الدقة الكاملة مثلا لو حضرتك راجعت الربط ده:
http://www.nilemotors.net/Nile/104023-a.html
كنت شفت ايه المفروض يتعمل مع السيارات الجديدة
و لو عند حضرتك من المركز الياباني ما يفيد ان حالة العربية سليمة يبقى أعتقد ممكن ترجع عليهم بالتعويض إستنادا إلى تقرير التوكيل و الله أعلم
[B]السلام عليكم اخوانى انا اسمى اسامة من الفيوم ومعايا بيجو 504 م 77 ونفسى اركب هوند 93 si او ex بها فتحة سقف ومرايات كهرباء بس جميع الميكانيكية مخوفنى من الهوندا وبيقولولى ان قطع غيارها غالية بس هل هى معمرة واية اللى غالى فيها
واية اللى بيتغير كل شوية بها انا كلمت الحاج مجدى علشان اسالة عن سيارة للبيع بس تكون اتوتوماتيك
ارجو افادتى من جميع راكبى الهوندا وذا كان اى شخص يعرف سيارة حالتها ممتازة ياريت بس اهم شى الحالة
وعل من الممكن تعلى من على الارض شوية وهل الغلو دة بالعفشة ولا بالجانط
وشكرررررررررررررررررررررر ررررررررررررررررررررررررر ااااااااااااااااااااااااا ااا
الرجاء الرد يااخوانى
الرجاء الرد يااخوانى[/B]
وعليكم السلام يا أسامة
بصراحة انا لايوجد امامي سيارة للبيع بالمواصفات اللي حضرتك عايزها
بس يوجد على النت إعلانات كثيرة لو تحب تتفرج
1- كار 100 100
2- كونتاكت
3-كاركوم
وممكن تستنى رد الزملاء اللي معاهم نفس العربية
رقم تلفون محمود بتاع المعادى هو 0106408444
على فكره انا شخصيا جربت الراجل ده وهو تمام جدا فى الصنعه وفاهم جدا فى الهوندا
تحياتى
فيه ميكانيكي في الحرفيين اسمه عصام كان شغال عند منير و بعدين فتح ورشه لوحده
دي نمرة تليفونة 0118482079
إحتمال أروحله يوم السبت اللي جاي علشان أغير الريداتير بتاع السيفيك 90
بس محتار أجربة هوه وللا أروح لمحمود بتاع المعادي
لو حد تاني جرب محمود يا ريت يقولي
و إن شاء الله هقولوكم عملت ايه
انا اتعاملت مع محمود بتاع المعادى من سنة 98 وحتى الان - هو شخص فاهم الهوندا جدا جدا جدا ومحترم جدا جدا واسعاره رائعة جدا وفيه ميزة كمان انه من اسرة هونداوية يعنى اخوه الكبير فاروق كان شغال فى الفطيم واخوه الصغير كان شغال فى مركز خدمة خاص بالهوندا فقط والان يعمل مع محمود وميزة محمود ايضا انه فاهم كمان فى الكهربة لانه تتلمذ على ايدى خبراء هوندا