السلام عليكم اخوانى الكرام
محتاج مشورتكم ضرورى النهارده عشان ان شاء الله رايح اشوف عربيه 205 مواصفاتها كالتالى:
موتور جديد96 العدل وعفشه كامله امامى وخلفى مجدده بالكامل فرامل جديده طابلوه جديد 93مجهز تكيف بكويل التبريد 5 فرد زيرو بطاريه بالضمان وطاره جى تى سمكره ودوكو من شهر رخصة سنه وفحص بعد ثلاث سنوات زجاج كهرباء البيع لدواعى السفر قابل للتفاوض فى حدود المعقول السعر 19000 موديل 84 دواخل فبريقة

دى مواصفات العربية والراجل كلمته وكان فى منتهى الذوق والاخلاق(باين عليه متدين) وقالى انه لسه شادد العربية وجددها بالكامل لكن لظروف السفر مضطر يبيع

المشكله بقى انى مابعرفش فى العربيات غير تقييم الظاهر امامى وكمان لسه هتعلم السوقة
وكنت اخدت معلومات كتير من الاخوه الاعضاء بخبرتهم وتجاربهم (ربنا يجازيكم خير) ومره نزلت السوق مع واحد صاحبى واتعلمت اقيم العربية ظاهريا من شكلها اذا كانت مرشوشة دواخل ولا لأ ولو العربية شكلها فيها حاجه غلط وتقلق كده بلاش منها المهم انى ماعرفش حد ييجى معايا يشوفها فقلت اتوكل على الله واروح لوحدى النهارده اشوفها ولو لقيتها كويسة كده وزى ما الراجل بيقول ان شاء الله اتفق معاه
وعايز اعرف حسب المواصفات المذكورة ها السعر ده مناسب ولا اخرها كام؟؟
وازاى اعرف حالتها الداخليه(ولانى مابعرفش اسوق دلوقتى فا مش هيبقى ليا اى تقدير لحاله الموتور او العفشة) والراجل بيقول ان الموتور جديد 1400 الاسود استيراد ومجدد عفشة بالكامل وقالى على حاجه كده فى العفشةالخلفية اسمها دنجل برضه مغيرها......

يا ريت تنصحونى قبل ماروح اشوف واشترى
انا فى الاساس كنت بدور على حاجه فى حدود من 15 الى 18 وطبعا فكرت فى الفيات لكن لما اكتشفت الـ 205 ومتوسط الميزانية اللى معايا وقريت ان قطع غيارها متوفرة ومش غاليه اوى حبيتها وفضلتها طبعا عن 128 وال 127 والفيات عموما وركزت اختيارى على 205

ارجو الرد العاجل من فضلكم