الموضوع: استشارة عاجلة قبل شراء 205

بص انا هقول لك حاجة .. قبل ما تعمل أى حاجة فى العربية دى بص على الموضوع ده من أول المشاركة رقم 13 لحد 23

http://www.nilemotors.net/Nile/148835-205-2.html

نفس العربية اللى انت بتتكلم عليها انا كنت بفكر فيها من حوالى شهر ( انا مقصدش نفس العربية يعنى نفس الموديل :) لأ دى هى نفس العربية فعلا) والعضو atamim الله يكرمه هو اللى خلانى اخد بالى من الكلام اللى هقوله ليك ده...

أولا العربية بتتباع بقالها حوالى شهرين وهو من شهرين بيقول نفس الكلام ... هتلاقيه قال لك لسه مغير ليها موتور من كام يوم ولسه مطلع الرخصة والاربع فرد لسه نازلين على الأرض امبارح وبقاله شهرين برضه بيقول انه مسافر.

الكلام ده بيبين عدم مصداقية الراجل فى حاجات واضحة ... وما خفى كان أعظم ... وده اللى خلانى مروحش ابص على العربية دى ... حاسس انها فيها حاجة ممكن تكون مش باينة ولو جبتها ألبس فى حيطة لان اللى يخدع الناس فى حاجة ممكن يخدعهم فى حاجات كتير تانية بس هبقى خلاص خدت انا العربية ومش عارف اتصرف فيها ازاى...

لو ناوى تشوفها متروحش لوحدك ابدا خد معاك ميكانيكى عقر وحاول توريها لسمكرى كويس برضه علشان لو فيها حاجة كده ولا كده ولو عاوز تروح لوحدك او انت وواحد صاحبك يبقى نصيحتى ليك ماتروحش احسن.

فعلا كلامك مظبوط جدا هوه نفس الاسم ورقم التليفون
ودلوقتى عارضها ب19 بعد 20 الاعلان الاولانى
ربنا يجاازيك خير انك نبهتنى
لى عندك سؤال ؟؟؟
هوه حضرتك لما كلمته حسيت انه ملتزم كده او متدين من طريقة كلامه؟؟؟؟ ولا كان كلامه عادى كده؟؟؟
وحضرتك لقيت طلبك ولا لسه بالنسبة للعربية اللى كنت عاوزها؟؟؟

هو انا لما كلمته بصراحه كنت حاسس انه محترم وجت بالصدفة انى دخلت هنا زيك اخد رأى الناس والحمد لله هم نبهونى ... وأنا لسه بدور لسه ملقيتش اللى انا عاوزه بس ادينى بدور تانى وربنا يسهل ان شاء الله :) وقول لى انت محتاج حاجة فيها شغل ولا حاجة كويسة ... لان انا بدور على حاجة يكون فيها شغل فلو لقيت حاجة مش محتاجة شغل ولا حاجة قدامى ممكن ابلغك.

والله يا
madaelmoshakes انا بدور على حاجه كويسة ومجهزة تكييف ومش محتاجه شغل وبعدين ابقى اظبط شكلها على المدى البعيد يعنى عايزها استخدام اسرى حاليا
وشكرا ليك يا ENG_KHALED على تعاونك معانا ومعلوماتك عن العضو Nour_Peugeot ورقم تليفونه
1000 شكر يا باشمهندس

وبالمناسبة دى يا ريت لو حد عنده 205 محتاجه شغل عشان الاخ madaelmoshakes او حاجه كوسيه عشان الاخ aymangalal510
اللى هوه انا
وشكرا مقدما

المشاركة الأصلية كتبت بواسطة eng_khaled

ياجماعة احنا معانا عضو متعاون ومحترم جدا(هو اسمه نور وعلي المنتديnour_peugeot ) عنده فكرة جامدة عن ال 205 لانه معاه واحدة وبيعمل قيها كل حاجة ده رقم تليفونه 0122687675 واعتقد انه مش هيتاخر علي اي حد ممكن تاخده رايه
بس معلش تعليقا علي الكلام اللي اتكتب و بصرف النظر عن حالة العربية كده في عدم مصداقية في كلام الراجل اللي عايز يبيع

ايوة ما هو ده اللى احنا بنتكلم فيه يا باشمهندس ... عدم مصداقيته مع المشترى ممكن يخليه يدارى حاجة اكبر من اللى كده :).

خد عندك يا عم المفاجأه
انا روحت للراجل اللى عمل الاعلان ده مش عشان اشترى لأ (عشان اقطع الشورت فى البيسين)
واخدت واحد صاحبى فاهم ربنا وعة فى سكتى لقيت العربية من بره معقوله ومن جوه مش قد كده باين عليه مهلها او بيتعامل معاها على انها كارو اليزة ان الموتور مافيهوش مشكله لحد المعاينه مافيهوش صوت غريب وداير كويس لكن الحاله العامة ماتستاهلش المبلغ المطلوب خالص لانها هتصرف كتير لحد ماشكلها يبقى معقول ومحترم واللى قاله اه جايب الموتور 1400 بـ 3500 من بور سعيد قال ايه ؟؟غالى عشان جايبة بالقنطره طبعا ماعرفش الكلام ده صحيح ولا لأ
الخلاصه ان سعرها غلى على حالتها
انا بس حبيت اخوض التجربه بنفسى عشان افيد واستفيد
ربنا يوفق الجميع