عرض للطباعة
السلام عليكم ورحمة الله وبركاته..
الموضوع كالتالي:
لو في ناس كلفوك انك تسألهم عن عريس متقدم لبنتهم ومعاك عنوان الشركة اللي بيشتغل فيها وعنوان السكن بتاعه ..
هاتعمل ايه وهاتسأل ازاي؟ وهاتسأل عن ايه؟ علشان تتعرف على دينه وأخلاقه وطباعه؟ ولو قابلته هو نفسه هاتسأله عن ايه؟
ولو رحت شغله هل تطلب تقابله الاول وبعدين تقوله عايز حد اسأله عنك ولا هاتسأل اول واحد يقابلك عنه ..؟!
افيدونا بخبراتكم يا جماعة وجزاكم الله خيرا..
لو عايز تعرف الصح متجبش سيره ان الموضوع فيه نسب
الافضل لو تدعبس لحد ما تلاقى حد معرفه فى المكان اللى هو فيه او بيتعامل معاهم
ومثلا تروح يوم الجمعة تشوف بينزل الصلاة بدري ولا على الاقامةاقتباس:
المشاركة الأصلية كتبت بواسطة mohamed_selim
و تسال عليه في الشغل برضو و تنقل كل حاجة زي ما هي بالظبط الحلو و الوحش
وتفتكر النقطة دي هتفرق ؟؟؟؟اقتباس:
المشاركة الأصلية كتبت بواسطة aly_hosny
يعني لو بالصدفه اتأخر ونزل على الإقامة يبقى راجل مش ظبوط :dzey:
أكيد حضرتك بتهزر
وجهة نظر برضه..
بس يا جماعة عندي احساس ان لو مجبتش سيرة انه موضوع نسب .. هايبقى صعب حد يديني معلومات وهايشكوا فيا!!
كمان اعتقد ان الناس لما بتعرف انه موضوع نسب بيراعوا ربنا حتى لو هايجاملوا شوية بس بيحاولوا يقولوا الحقيقة..
١- الأول مين الناس اللي كلفوك..درجة ثقتهم في تقييمك..مسامحتهم في احتمال أن تخطئ..النقاط دي مهمة جدا لأن الموضوع ده بيعمل حساسية عابرة للعقود الزمنية...منه لله فلان هو اللي دبسنا في الجوازة دي
٢- يختلف الأمر باختلاف المناطق...لو مناطق مترابطة يبقى أحسن حاجة الواحد يسأل وسط جيرانه..لو مش مترابطة قوي بيكون كلام الجيران نوع من الاستئناس ليس إلا
٣- معرفة أحوال أصدقائه والمقربين منه ومن يقضي معهم أغلب أوقاته
٤- معرفة أحوال أقربائه وبالذات أبوه وأمه وأخوته وطبيعة العائلة وعاداتهم الاجتماعية
٥- معرفة رأى زملائه في العمل
مع مراعاة عدم الانخداع بالظواهر
بالنسبة لمعايير التقييم فطبعا أمر الدين والالتزام به، تحمل المسؤولية، طريقة التعامل مع المشاكل (بتاع وجع دماغ ومحاضر وإجرام وللا له كبير يوقفه عند حده)
وفي البداية والنهاية الاستخارة الاستخارة الاستخارة
االحاجات دي بتبقي محرجه قوي وبرده مش بتعرف حاجات غير الحاجات الظاهره لكل الناس او اللي هو عايز الناس تعرفه عنه
انا من كام شهر واحد اتقدم لاخت مراتي وحاماتي قالتلي اسال وانا سالت وقلتلها بلاش ومع ذلك وافقو والفرح بعد بكره
الفكره بقي ان دخلته كانت انه راجل حافظ القران ومتدين وده السبب اللي خلي اخت مراتي توافق وبعد الخطوبه بقي عايز يقعد لوحدهم ويخرج ويعيش حياته
من الاخر تعرف فلان اه اعرفه - عاشرته ؟ لآ - يبقي متعرفوش
هوه للأسف ساعات بيغطو على المشاكل علشان بيستحرمو يبوظو الدنيا !!!! و ساعات يقولو ماهو لما يتجوز ربنا هيهديهاقتباس:
المشاركة الأصلية كتبت بواسطة timtim
ايه ال يتاخر دا ينزل في نص الخطبةاقتباس:
المشاركة الأصلية كتبت بواسطة kh_talaat
مش على الاقامة
ال بينزل على الاقامة بيبقى بمزاجه
اهزر ليه هي المواضيع دي فيها هزار
هي طبعا مسئولية مش سهلة وغير محببة للنفس ولكن لابد منها..اقتباس:
المشاركة الأصلية كتبت بواسطة بحري
لذلك كنت افضل أني اسأل عن اوجه معينة وانقل ردود الناس اللي هسألهم بعيد عن تقييمي لهذا الشخص او على الاقل تقييمي يأتي في اخر مرتبة..
وبالتالي كنت محتاج اعرف الاوجه اللي اسأل عليها..
لان في اوجه الردود عليها بتكون قاطعة زي مثلا:
مدخن - عصبي - مصلي بالمسجد - ....
وفيه حاجات تانية بتكون الردود تقديرية .. مثلا:
متعاون - اخلاقه ايه - ....
لو الاخوة يفيدوني لو حد متقدم لبنته او اخته او قريبته هايهتم يسأل عن ايه.. والشخص نفسه ممكن تسأله عن ايه..
اعتقد لما الناس بتعرف انه نسب مش بيقولو الحقيقه ظنا منهم انهم كده هيبوظو الجوازه
بيتهيألي محدش هيقول الصح مية في المية
لأنك ممكن تقابل واحد صاحبه فيطلعلك بيه السما السابعة
أو تقابل وتحد كان بينه وبين العريس عداوة هينزلو في سابع الأرض
لكن المفروض في حاجات زي ديه الناس تمشي ورا قاعدة المستشـــــار مؤ تمـــــــــــــن
ويقول كل حاجة سواء كانت بالسلب ولا الإيجاب
طيب ماتتصل علية وتقولة ان اهل العروسة كلفوك تسأل عنة وانت حاسس انة زى اخوك ... واتقابلوا واقعدوا فى مكان ... واتكلموا مع بعض عادى فى الحياة و البلد والمشاكل والكورة وكل حاجة
على الاقل هايكون عندك تصور مبدئى عن الهالة المحيطة بية
ومن قعدتك معاة هاتعرف شوية حاجات عنة ..
حضرتك حكااايه وحدوته فى أسلوب الحوار والإقناع..اقتباس:
المشاركة الأصلية كتبت بواسطة بحري
قد آتاك الله الحكمه والله يا دكتور بحري..
ولو أمكن رقم تليفون حضرتك على الخاص...
لأستشارتك فى أمور الدنيا..
اقتباس:
المشاركة الأصلية كتبت بواسطة eng.octooo
أوكتو...إزيك..يا رب تكون تمام..
المشروع تطوير جهاز التكييف االمنزلي...ردا على سؤالك..ولما أفهم الموضوع أوعدك حافيدك أكتر :)
أما عن تعليقك...فللأسف ما أكثر الناس اللي بتتكلم عن نفسهم بصوره جميله فى ...وهو ليس بذلك...
ولا تلومه..لأن الواحد لو متقدم لحد..أكيد حيسعي لأنه يداري كل ما هو سيء فى ماضيه...
ولكن..لأ ضرر من إنه يداري..بس السؤال..
هل ما يسعي الإنسان لأن يداريه..هل هو كبيير..بمعنى..مثلا واحد بيداري.إنه كان تاجر مخدرات..اللهم إحفظنا..
و الأخر بيداري إنه كان في صغره..بياكل من برطمان المربى من ورا أهله..
طبعا ده مثال..
السؤال على الشخص..من خلال معرفة أصحااااابه..
و بصفتى شاب و عندي 24...
يحكم على أخلاق المرء من أصحااابه...
ثم أصحااابه.....
و روتيين حياته اليوميه..
وفى النهايه..
محدش بياخد أكتر من نصيبه فى الدنيا..
و إن كانت الإستخاره كما أكد الدكتور بحري..
هي أكتر مااايريييح فى مثل هذه الأمورر
بص يا اخى مع خبرة الحياة
مافيش حاجة اسمها سؤال الشغل و سؤال الجيران
لان المعلومة الى هاتجبها 90 % مغلوطة:36_1_40[1]:
لان احنا فى مصر بنحب نخدم يأما بالخير يأما بالشر و الكل عارف كل حاجة
يعنى سائق المقاولون العرب الكل فى العمل و الجيران قالوا ابن حلال و محترم و شوف موت كام واحد
يبقى الحل هو قراءة فتحة و الجلوس معاة اكثر من مرة و حاول تعصبة مرة لان الانسان فى العصبية بيظهر على حقيقتة:khd:
و فى الاخر ربنا لما بيريد كل شىء بيمشى بدون اى مشاكل
ملخص الموضوع لا تحكم على شخص الا لما تعاشرة و تشوفة فى اكثر من موقف
و بالتوفيق
يااااه هوا لسة فيه كدة!
معلش انا مش متابع... هوه ايه الجديد :biggrin: ؟اقتباس:
يااااه هوا لسة فيه كدة!
أسأل عليه أمام الجامع القريب من بيته وممكن اصحاب المحلات القريبة من بيته برضو بس أختار الناس اللي تسألهم
زي كلام الشباب:
صلى معاه في نفس المسجد
شوف مين اصحابة وايه اخلاقهم وبيتفسحوا فين
حاول تعرف نوع سلوكياته مع اصحابه المقربين (مش اهله او جيرانه)
لان الانسان بيظهر على حقيقته امام الاصحاب المقربين فقط
وممكن بذكاء تروح تسأله عن واحد من اصحابه المقربين واوحد اخر انت عارف انه على غير اتفاق معاه مثلا
قول له: اه رأيك في فلان
هل شايف انه ينفع زوج صالح............افتح معاه نقاش طويل
عشان تعرف نظام تفكيره والاسس اللى بيقيم اموره بناء عليها
وخلى بالك ان الموضوع هياخد شويه وقت
الأعمال مرآة الإنســـــــــان
يعني طباع الإنسان ..بتنعكس على أعماله
يعني الإنسان المتدين بطبعه ...بيظهر عليه من طريقة كلامه وحواره مع الأخرين وردود أفعاله
الإنسان الناجح ..أكيد هيبان على طريقة شغله ..ومدى نجاحه في شغله
الإنسان المحترم ..هيبان من خلال رأي من حوله((ودي نقطة مش أكيدة ...علشان ناس كتير مابتحبش بعضها..ومابتحبش تشوف حد أحسن منها))
بس فيه حاجات ..صعب جدا إنك تعرفها عن أي حد ...إلا بالعشرة الطويلة
اقتباس:
المشاركة الأصلية كتبت بواسطة eng:mohamed
صح ..... بس على الاقل هايبقى عارف شخصيتة حتى ولو مش هايعرف عنة حاجات كتيير بس هايكون احسن من مفيش
!!!!!!!!!!!! يا عم تكييف منزلى ميين الى تطوروة ههههه ومالة التكييف الشارب يعنى هه
الراجل كده هيبقى كرومبو فاضل يمسك عدسه مكبره ويراقب العريس ويعمله فيش وتشبيه
هو ممكن تعود معاه لو لقيته على طبيعته وغير متكلف يعنى مش بيخبى حاجة وتصرفاته واضحه
اساله فى حاجة فى الدين سؤال فى مشكله واجهتك مثلا وقوله اية رايك لو مكانى هتعمل اية
حاول تختبره فى التعاملات المادية ممكن يكون بخيل (ممكن ما تظهرش دلوقتى بس اهو اختبار برده )
شوف شخصيته قدام اهله (شخصيه ضعيفه ولا لا) فى فرق طبعا بين الشخصية الضعيفه قدام الاهل وبين احترام الاهل
فى الاخر ربنا يتمم بخير وتعزمنا فى الفرح :shyy: