إيه حوارالفيلات الدوبلكس ده ؟

**Evo** · 14-07-2010 03:59 PM

كلام مقنع بصراحة وبالنسبة لسعر الدوبليكس اللي أنا قلت عليها ممكن تبصوا في الوسيط بتاع الجمعه اللي فاتت هتلاقوها
هي مواصفات فيلا كلاسي مش أي كلام وبسعر شقة !

في حاجة بقى بتدور في دماغي هل ده بمواصفاته الرائعة دي هيكون سكن كلاسي وراقي واللا لأ

أصل كلمة بدروم دي تقيلة على المعدة قوي وبالذات لما أحمد كمال قال إنها بتمسح في الفيلا

!فعايز أعرف تصنيفها إيه في مستوى السكن

**amgad29** · 14-07-2010 05:02 PM

في العادة الارضي المنخفض (بلاش البدروم عشان تبقى خفيفة على المعدة) بيبقى رسبشن و مطبخ و حمام بس و الارضي المرتفع بيبقى غرف النوم.
لو صرفت عليه هيبقى تحفة حمام سباحة و جنينه و تقفيلة الوميتال محترمة و برجولات عشان ماتبقاش مكشوف من السكان اللي فوقك.
انا فكرت فيه لكن فضلت شقة عادية بس مساحة كبيرة و تقريبا بنفس السعر فالموضوع يرجعلك و بعدين كل مكان له ظروفه روح اتفرج و شوف تقسيمها المعروض بقى كتيييير قوي و هتلاقي كل حاجة اهم حاجة ماتستعجلش لان الشرا دلوقتي سهل لكن البيع تقيل شوية

**Nile Heart** · 15-07-2010 12:30 AM

---------------

انا استاذ مساعد ماده الخرسانه المسلحه.. واحد واضعى الكود المصرى للاحمال
اى سلم داخلى او خارجى ممكن يبقى من اى ماده.. و اولهم الخرسانه لآنها ارخص اختيار
اما اللى بيعملوه حديد او خشب فده لسبب من دول
-الحى ممكن يعملهم قضيه ومشكله لآن السلم الخرسانى بيعتبر عنصر انشائى اما الخشب فلا
-المكان ضيق ولا يسمح بصب خرسانه (اذا كان السلم هيتعمل فى منشآ قائم بالفعل)
-الناس شايفه ان الخشب او الحديد اشيك
-السقف القائم لا يتحمل وزن الخرسانه (ودى حجة مقاولين كتير عشان يعملوه خشب أو حديد ويتكلف الضعف) وفى 95% من الحالات السقف هيستحمل ونص

فياريب بقى الكلام ده ينتهى واللى عايز يتكلم فى فنيات يبقى اقول (اعتقد)

مراعاة لتبادل التهكم والشخصنة في الحوار تم الاكتفاء بالتنبيه بالالتزام بقواعد وآداب المنتدى
في حال تكررت المخالفة سيتم تطبيق القواعد فيرجى مراجعتها
مشرف القسم
20 ب
150710
1:07a.m