ايهما يا جماعة اختار

**kotb1** · 13-07-2010 03:43 PM

الاخوة الافاضل
بعد طول بحث و تحليل استقريت على الاختيار بين سيارتين هما الصني سوبر صالون او اكيا نيو سيراتو sx
و لازالت الحيرة تتملكني ولا استطيع الاختيار
[overline]بالنسبة للصني[/overline]
انا متخوف من الصني علشان تصميم الموديل قديم شوية - الصالون ضيق - قلة الكماليات بالنسبة من السيراتو و لكن يعجبنى انها نيسان و الاسم ياباني و كمان اعادة البيع اسهل و ممكن تعمر معاية شوية و خاصة اني لست من هواة السواقة المستمرة او السواقة بسرعات عالية.

بالنسبة للسيراتو
متخوف من معاملات الامان بها و متانتها على العمر الطويل خاصة و اني حاسس ان الصاج بتاعها اقل سماكة من الصني بس الي عاجبني فيها انها كماليتها عالية و كمان تصميم جميل و هي برضة كوري يعني حل وسط

اذا كنت ناوي اقتني سيارة و لست افكر بالبيع يعني عايزها كمان للزمن
يا اهل الخبرة و المعرفة افيدوني و خلصوني من حيرتي
و شكرا
م/خالد

**amrseba** · 13-07-2010 04:17 PM

بص اولا انت اكيد قصدك فئه السيراتو ال LX هيا ديه الى بتمن النيسان تقريبا الكيا سيراتو SX فرق 20 الف يا باشا

فا لو LX يبقى الصنى فيها اوبشن اعلى وده ردى كان للمقارنه بين السياراتين

توكيل نيسان من احسن التوكيلات الى فى مصر و ممكن يكون احسن من توكيل كيا

اولا يا باشا الاتنين استهلاكهم عالى فى البنزين مش موفرين ياعنى

عفشه و نظام التعليق الصنى وبجداره

الوسع السيراتو واسعه وكويسه

الراحه انا ركبت الاتنين الصنى اريح فى المطبات السيراتو نشفه حبتين

التقفيل الاتنين شايفهم كويسين انا ركبت الاتنين وشايف ان الصنى كويس جدا مش وحشه زى مالناس بتقول

الاتنين ثباتهم ممتاز جدا بل اكثر من ممتاز

الشكل ديه طبعا ازواق الصنى كلاسيك و السيراتو رياضى وانا بصراحه بحب العربيات الكلاسيك ازواق مبحبش العربيات المنفخه ديه

التابلوه بصراحه وده زوقى معرفش الناس نظامها ايه التابلوه بتاع النيسان تحفه والسيراتو جميل بس انا بحب العربيات الى التابلوه فيها بيج والعربيه بيج من جوه بيبقى رائع عشان مبحبش الاسود من الداخل ال بيج فيه بهجه اصلى متعقد العربيتين بتوعى التابلوه اسود من جوه

والى بيقول ان السيراتو فيها اوبشن اعلى اولا مثلا لو حضرتك هتجيب السوبر صالون ب100 الف قدامها السيراتو فيها اوبشن اقل
والسوبر صالون فول اوبشن abs و abd على ما اعتقد واير باج وشغل هيبقى فيها اوبشن اعلى من السيراتو
الامان الصنى

العمر الطويل طبعا معروف عن اى عربيه يابانى انها معمره قليله الاعطال غير الكورى بس برده مبقولش ان السيراتو فى اعطال بس تاريخ كيا المشرف ياعنى

وبصراحه شايف ان الصنى مناسبه اكتر

بس ده ميقللش من شأن السيراتو

**ابو ليلى** · 13-07-2010 05:02 PM

اهلا وسهلا بيك فى بيتنا التانى نايل ماتورز والف مبروك مقدما على العربية اى كان نوعها .

حضرتك ده لينك موضوع هيفدك جدا فى معرفه كل ما يتعلق بالسيراتو .

http://www.nilemotors.net/Nile/157541-a.html

وده لينك فيه كل ما يتعلق بالصنى وهتلاقى فيه كل اجابتك اى كان السؤال

http://www.nilemotors.net/Nile/163656-a.html

لك حرية الاختيار وتاكد ان جميع المواضيع مكتوبة من ناس امتلكت السيارتين وليس عن سمع فقط .

وفى النهاية صلى استخارة لما فيه الخير والله الموافق

**zahaan** · 14-07-2010 06:11 AM

يا جماعة انا بقارن نيو سيراتو sx بالصني و اعلم ان الفارق حوالي عشرين الف بس بقول لو السيراتو افضل مش مشكلة الواحد يكمل و يجبها بس كل خوفي منها كسيارة بها كل هذه الامكانات و الكماليات العالية وسعرها القليل نسبيا بعيد عن كونها كوري مش ياباني

طالما حضرتك بتقارن بالاس اكس يبقى السيراتو افضل و على فكرة اعاده بيع السيراتو افضل من الصنى علشان انتشارها اعلى

**أبومعاذ** · 17-07-2010 09:18 AM

لو بتقارن بين الاتنين دول فالسيراتو أحسن لو عايز حاجة في نفس الرينج بص على البيرسونا أو الجين2 العربيات دي أحسن قيمة مقابل السعر وربنا يوفقك للي فيه الخير

**eng_ahmedryad** · 17-07-2010 09:26 PM

طالما فيه أمكانيات مادية

شايف أنك تجيب اللي بين الأتنين : هيونداي ألنترا

شكل ومحرك أحدث وأقوى من الصني

أعتمادية عالية وإعادة بيع جيدة جدا

شكل داخلي للصالون أحدث وأجمل ومساحة أوسع

قطع الغيار منتشرة ورخيصة نسبيا

والميزانية المحددة للسيراتو ممكن تجيبها فئة الهاي لاين للألنترا يكون فيها : التكييف التاتش + ABS + AirBags

**jisso82** · 18-07-2010 12:27 AM

فعلا البرسونا أفضل لحضرتك كتير أولا تمن الصنى و بعدين صاجها قوى جدا ماشاء الله و عن تجربة و بعدين ثبات خرافى و كمالياتها أعلى بمراحل من العربيتين و عيبها الوحيد إن إعادة بيعها أقل منهم و الحمد لله ما يفرقش معاك العيب ده ما دام ناوى إن شاء الله العربية تعمر معاك شوية

**Ayman_52** · 18-07-2010 01:13 AM

المشاركة الأصلية كتبت بواسطة jisso82

فعلا البرسونا أفضل لحضرتك كتير أولا تمن الصنى و بعدين صاجها قوى جدا ماشاء الله و عن تجربة و بعدين ثبات خرافى و كمالياتها أعلى بمراحل من العربيتين و عيبها الوحيد إن إعادة بيعها أقل منهم و الحمد لله ما يفرقش معاك العيب ده ما دام ناوى إن شاء الله العربية تعمر معاك شوية

+11

واتفضــل شوف التقرير دا عن البيرسونــا - -

وربنا يوفقك للاختيـار الخير -ان شاء الله-

تحيــــــــــــــاتــى

-

الموضوع: ايهما يا جماعة اختار

LinkBack

أدوات الموضوع

عرض

-

-

-

-

-

-

-

المواضيع المتشابهه

ايهما اختار ممكن تساعدونى

اختار ايه يا جماعة لا خاب من استشار

ارجوا الافادة ايهما اختار بين لوجان 2009 و2010

يا جماعة حد يساعدنى اختار ايه النيو واجا ولا النيو اكسنت

اختار اية بالظبط يا جماعة انصحوني اذا سمحتم

الكلمات الدلالية لهذا الموضوع

المفضلات

المفضلات

ضوابط المشاركة