تسقيط موتور 1600 للانوس ..ضروررررى

يا جماعة لو حد عندة فكرة عن الفرق ما بين ال 1600 بتاع الانوس وبتاع النوبيرا !!؟ علشان محتار جدااااا وحاسس ان بتاع النوبيرا اشد رغم ناس كتير قالولى مفيش فرق كبير ما بينهم .. وناس تانية قالو ان الفرق بيكون فى سير التكيف وفرق العزم ما بينهم وبيكون مش فارق اووى .......

والكنترول لما يتغير.... يمشى على الضفيرة بتاعت 1500..!!؟

وفى فرق بين الفتيس الاستيراد والفتيس بتاع الانوس 2008 فى العضة بتاعت المارشدير!!.؟

يا ريت لو استاذ محمد لو تنورولى فى الموضوع

....استاذ محمد ممدوح يا ريت لو حضرتك تدينى نمرة ابو هاشم ...علشان عايز ادخل موتورى بواحد استيراد وادفعلة الفرق لو امكن ..لانى مرتاح لعبدة لثقة حضرتك فية وعايز اعمل بنصيحتك واخليهم مع بعض ..

مفيش فرق ما بين الاتنين بيتهيئلى .... هما الاتنين واحد ...
و بيتهيئلى برده فى فرق فى الضفيره بين الكونترول بتاع ال 1500 و ال 1600 ...
و الفتيس هو هو الاستيراد ... ده عيب فى تصميم الفتيس اصلا ... هو حساس شويه ... لازم تتعلم ازاى تتعامل معاه ...

انا مش واثق من المعلومات دى الحقيقه ...
استنى رد مستشارنا العزيز محمد ممدوح لانه جرب الموضوع ده بنفسه ... فا هيفيدك اكتر ...

الافضل انك تجيب الموتور 1600 بفتيسه وضفيرته وكنتروله كاملين على بعض

بس ليه هتعمل كده فى عربيه 2008 هى ماشيه كام كيلو

اقتباس:

---

المشاركة الأصلية كتبت بواسطة عصام غنايم

الافضل انك تجيب الموتور 1600 بفتيسه وضفيرته وكنتروله كاملين على بعض

بس ليه هتعمل كده فى عربيه 2008 هى ماشيه كام كيلو

---

+1

++++++++++++++++++++11111111

موتور النوبيرا ال1600 هو هو موتور اللانوس ال 1600... كل الفرق فى مكان قاعدة الموتور الامامية و مكان طلمبة الباور... غير كدة المكنة هى هى بالضبط

الضفيرة و الكونترول يشتغلوا عادى... كل اللى حتحتاجة تطول سلك حساس الشكمان و توصل فيشة الVGIS بالبنات بتاعتها على الكونترول و شكرا بالتالى انت لا محتاج ضفيرة و لا محتاج كونترول

عربية ايهاب بوب شغالة بضفيرة و كونترول المكنة ال 1350 سى سى

عضة الفتيس دى طبيعية... فتيس الدايو حساس و بيحتاج حرص فى تعشيق المرشدير

للاسف معييش نمرة ابو هاشم لانى زى ما قولتلك مش بتعمل معاه بشكل مباشر

MMamdouh

الف شكر لرددكو يا جماعة ...بس الفكرة انى بعدل بصفة عامة مش علشان فى حاجة فى المكنة ولا حاجة وعايزها اشد شوية علشان داخل فى تيم وبنظبط شوية الفترة دية والعربية مش مساعدة تماما معايا دية الفكرة ......ومحتاج همتكو معايا لاخوكو الصغير لانى ورمت من كلام التجار والميكانيكية

محمد باشا ...يعنى اسقط ال1600 بتاعت الانوس احسن ..والتعديل بتاع القاعدة والطرمبة صعب ولا سهل ...لانهم قالولى ان المكنة بتاعت النوبيرا هتكون موديل احدث من ال 1600 بتاعت الانوس ومفيش منها موديلات حديثة فى السوق زى النوبيرا

والميكانيكى بيقولى العربية هتكون مكتومة ومش هتطلع كل الى فى المكنة من غير الكنترول علشان فى فرق فى الصبابات ..!؟


.......ابو هاشم اسعارة عالية شويتين فهتعامل مع واحد معرفة هيظبطلى الدنيا شوية .....

الكنترول والضفيرة بيقولى 1000 ج بتوع الانوس ال 1600...!!؟

والكمنة والفتيس ب 2800 ......والجمبين ب 600ج

انا بفكر بدل ما اغير فى الجمبين اجيب الكلبرات والطنابير واعدل عادل على سوستها واركب الشداد بتاع المساعدين واهبط ورا ....
والميكانيكى بيقولى العربية هتكون مكتومة ومش هتطلع كل الى فى المكنة من غير الكنترول علشان فى فرق فى الصبابات ..!؟

اية رائىك يا مستشارنا فى الكلام دة والاسعار .....!!؟

اقتباس:

---

المشاركة الأصلية كتبت بواسطة ahmedtefagad

محمد باشا ...يعنى اسقط ال1600 بتاعت الانوس احسن

---

مش فارقة... كل الفرق هو 15 دقيقة زيادة فى عملية التسقيط لو جبت مكنة النوبيرا

اقتباس:

---

والتعديل بتاع القاعدة والطرمبة صعب ولا سهل

---

سهل جدا... و عملناها فى عربية ايهاب بوب

اقتباس:

---

لانهم قالولى ان المكنة بتاعت النوبيرا هتكون موديل احدث من ال 1600 بتاعت الانوس ومفيش منها موديلات حديثة فى السوق زى النوبيرا

---

انتاج الدايو برة مصر وقف سنة 2003 بالتالى كلة زى بعضة... و بعدين منين حتعرف ان المكنة دى انتاج حديث ولا قديم؟؟... المهم حالة المكنة مش تاريخ انتاجها

اقتباس:

---

والميكانيكى بيقولى العربية هتكون مكتومة ومش هتطلع كل الى فى المكنة من غير الكنترول علشان فى فرق فى الصبابات ..!؟

---

ايه علاقة الكونترول بعدد الصبابات؟

اقتباس:

---

.......ابو هاشم اسعارة عالية شويتين فهتعامل مع واحد معرفة هيظبطلى الدنيا شوية .....

---

OK

اقتباس:

---

الكنترول والضفيرة بيقولى 1000 ج بتوع الانوس ال 1600...!!؟

---

انا شايف انها فلوس على الفاضى لانك مش محتاج كل دة

اقتباس:

---

والكمنة والفتيس ب 2800 ......والجمبين ب 600ج

---

اسعار كويسة

اقتباس:

---

انا بفكر بدل ما اغير فى الجمبين اجيب الكلبرات والطنابير واعدل عادل على سوستها واركب الشداد بتاع المساعدين واهبط ورا ....

---

انت لو جبت جنبين حتستفيد بالسوست فقط... الطنابير و التيل حيبقوا مستهلكين و غالبا حتشتريهم جداد... كمان المساعد و البطاحات حتبقى مستعملة و ممكن متستفيدش منها... الافضل تشترى جوز السوست بتوع الجنبين دول فقط

MMamdouh

اقتباس:

---

المشاركة الأصلية كتبت بواسطة mmamdouh

ايه علاقة الكونترول بعدد الصبابات؟
انا شايف انها فلوس على الفاضى لانك مش محتاج كل دة

mmamdouh

---

يعنى مجيبش الكنترول ......اصلى كذا واحد قالى على حوار الكنترول انو لازم علشان فى فرق ما بين الاتنين كامة والكامة الواحدة وفرق فى الصببات !!!!؟ ومش هتعرف تاخد كل الى بيطلعة الموتور الا بية !!!؟ ....ولا دة كلام حفظ مش علمى .!!!

وهياخد منى الموتور كامل ب 2000 بالفتيس بكل حاجة ...وهدفع زيهم فرق ...بس الموتور نوبيرا والضفيرة واللكنترول بتوع ال الانوس 1600



معلش يا استاذ محمد عارف انى عملك دوشة جامدة ...ومش عايز اشغلك معيا على الموبايل .....بس بكل الاحوااال ان شاء الله مش هتهرب من تجربة العربية بعد ما تخلص ولا زم اقابل حضرتك

طيب ما تركب ماتور 2000 بتاع السوسوكى اوبتر ا هتلاقية فى بور سعيد اخو صاحب الشغل مركبه فى عربية افيو 5 و عامل شغل عالى جدا شوف الحوض الاول و سيادة المستشار ممدوح يفيدك برضة فى الاقتلراح دة بدام كدة كدة هتسقطماتور تانى

اقتباس:

---

المشاركة الأصلية كتبت بواسطة ahmedtefagad

يعنى مجيبش الكنترول ......اصلى كذا واحد قالى على حوار الكنترول انو لازم علشان فى فرق ما بين الاتنين كامة والكامة الواحدة وفرق فى الصببات !!!!؟ ومش هتعرف تاخد كل الى بيطلعة الموتور الا بية !!!؟ ....ولا دة كلام حفظ مش علمى .!!!

وهياخد منى الموتور كامل ب 2000 بالفتيس بكل حاجة ...وهدفع زيهم فرق ...بس الموتور نوبيرا والضفيرة واللكنترول بتوع ال الانوس 1600



معلش يا استاذ محمد عارف انى عملك دوشة جامدة ...ومش عايز اشغلك معيا على الموبايل .....بس بكل الاحوااال ان شاء الله مش هتهرب من تجربة العربية بعد ما تخلص ولا زم اقابل حضرتك

---

خللينا نمسك العصاية من النص... سقط المكنة لوحدها و جرب.... بعد كدة خد كونترول المنكة ال 1600 و ركبة و شوف لو فرق معاك

لو مفرقش رجعة تانى و يبقى وفرت على نفسك الفلوس... لو فرق يبقى تدفع تمنة و شكرا... كدة كدة تركيب الكونترول مش محتاج اكتر من 10 دقايق

MMamdouh

اقتباس:

---

المشاركة الأصلية كتبت بواسطة zaza2010

طيب ما تركب ماتور 2000 بتاع السوسوكى اوبتر ا هتلاقية فى بور سعيد اخو صاحب الشغل مركبه فى عربية افيو 5 و عامل شغل عالى جدا شوف الحوض الاول و سيادة المستشار ممدوح يفيدك برضة فى الاقتلراح دة بدام كدة كدة هتسقطماتور تانى

---

بصراحة انا اول مرة اعرف منك ان فى سوزوكى اوبترا 2000 سسى ..!؟:shine[1]:

بس انا امبارح كنت فى الحرفيين وشوفت بتاع النوبيرا 2 الى بيركب دلوقتى فى الاوبترا ..بس فى اختلاف فى المنافول ...وادائة اعلى من ال 1600 القديم علشان البومبية بتاعة اشد على حسب كلامة وبيكون ال 1500 16صباب واتنين كامة مش 1600 ...ودة اخر حاجة شفتها هناك ودخلت دماغى ...

اقتباس:

---

المشاركة الأصلية كتبت بواسطة MMamdouh

خللينا نمسك العصاية من النص... سقط المكنة لوحدها و جرب.... بعد كدة خد كونترول المنكة ال 1600 و ركبة و شوف لو فرق معاك

لو مفرقش رجعة تانى و يبقى وفرت على نفسك الفلوس... لو فرق يبقى تدفع تمنة و شكرا... كدة كدة تركيب الكونترول مش محتاج اكتر من 10 دقايق

MMamdouh

---

عندك حق يا استاذ محمد:verygood: ..لسة مقابل واحد مسقط على الكنترول القديم ومعندهوش اى مشاكل وبيقولى دة شغل وبيتعمل عليك....التعديل فى الضفيرة بس .

وكلمت حضرتك امبارح مرتين بس للاسف حضرتك معرفتش ترد عليا ...علشان كنت بحجز الموتور بتاع الاوبترا دة وكان هيعدل فى المنافول علشان مختلف ..وحسيت ان الموضوع كبر وقلت اكلم حضرتك تفهم اكتر منى ...علشان مش كل يوم هسقط واكيد انتا عارف اكتر منى بكل الاحول ...

معلش امبارح كنت نايم نوم الاموات

MMamdouh

اعمل سيرش عللى جوجل باسم سوسوكى اوبتر و انت تتاكد من كلامى

اقتباس:

---

المشاركة الأصلية كتبت بواسطة mmamdouh

موتور النوبيرا ال1600 هو هو موتور اللانوس ال 1600... كل الفرق فى مكان قاعدة الموتور الامامية و مكان طلمبة الباور... غير كدة المكنة هى هى بالضبط

الضفيرة و الكونترول يشتغلوا عادى... كل اللى حتحتاجة تطول سلك حساس الشكمان و توصل فيشة الvgis بالبنات بتاعتها على الكونترول و شكرا بالتالى انت لا محتاج ضفيرة و لا محتاج كونترول

عربية ايهاب بوب شغالة بضفيرة و كونترول المكنة ال 1350 سى سى

عضة الفتيس دى طبيعية... فتيس الدايو حساس و بيحتاج حرص فى تعشيق المرشدير

للاسف معييش نمرة ابو هاشم لانى زى ما قولتلك مش بتعمل معاه بشكل مباشر

mmamdouh

---

السلام عليكم
انا كنت سمعت ان اللانوس 1 في منها قليل موتور 1300
الكلام ده صحيح
وهل أداءه جيد
وهل في منه استيراد
وهل استهلاكه للبنزين موفر
واخبار التكييف والسحب معاه ايه
جزاكم الله خيرا

فيه فعلا مواتير 1350 سى سى للانوس بس دى موجودة فى العربيات اللى جاية من برة مصر و تحديدا من اوروبا

المكنة دى زى المكنة ال 1500 فى كل حاجة معدا الكرنك و اليلات و بتطلع حوالى 75 حصان... طبعا قدرة قليلة جدا مقارنة بعربية فى وزن اللانوس و بالتالى المكن دة مش عملى و اكيد مع التكييف حيبقى رايح فى غيبوبة

MMamdouh

مساء الخير يا شباب

الحقيقه الموضوع جميل جدا لكن يوجد بعض ملاحظات عن تجارب كتير و تجارب شخصيه انا جربت موتور 1300 و 1500 و 1600 فى اللانوس و دورت موتور ال1600 على كنترول 1500 و النتيجه زياده محسوسه فى استهلاك البنزين نظريا هو الكنترول مش فارق فى شئ لكن عمليا اكتشفت انها بتفرق فى اسهلاك البنزين يعنى يفضل تركيب موتور 1600 بضفيرته و كنتروله دى نقطه
النقطه الثانيه لو اشتريت موتور نوبيرا هاتحتاج تغير حاجات كتير عشان تركبه فى اللانوس
1- وش التقسيمه بالكامل مختلف
2- طرمبه الباور
3- قاعده كباس التكييف
4- طنبوره الكرنك
5 - الدينامو بالقاعده
6 - طرمبه المياه بها اختلاف صغير لكن ممكن تشتغل عادى
يعنى يفضل تشترى موتور 1600 لانوس مش نوبيرا و خلى بالك عشان معظم المواتير ال2 كامه الموجوده بالسوق 1500 2 كامه مش 1600

و بالنسبه للعفشه ركب احسن جناب امامى 14 بالكبالن بتاعتها لان لو انت غاوى جرى و سرعات العربيه هاتجيب معاك بلى و كبالن بسهوله جدا .

بالنسبه للفتيس عندك فتيس اللانوس ال 1600 نسب التروس مختلفه تماما عن النوبيرا و اللانوس ال 1500 و بيخلى تسارع العربيه اسرع لكن فيه مشكله ان اخره 200 كم يعنى فتيس 1600 و انت ماشى على الخامش الموتور بيفصل 6500 ار بى ام و هى على سرعه 200 ده اخرها لكن بتجيبهم بسهوله .

و بالنسبه لحاله الموتور لو عاوز موتور بحاله الزيرو 1600 2 كامه لانوس بالضفيره و الكنترول و كامل و جناب العفشه 1600 بالكبالن انا ممكن اوفرهملك .

الامضاء \ ملك الدايو

تم تعديل لون المداخلة

اللون الاحمر مخصص للادارة

يرجى مراجعة قوانين القسم

مشرف عام الكورى و الماليزى

اقتباس:

---

المشاركة الأصلية كتبت بواسطة mah_youssef

مساء الخير يا شباب

الحقيقه الموضوع جميل جدا لكن يوجد بعض ملاحظات عن تجارب كتير و تجارب شخصيه انا جربت موتور 1300 و 1500 و 1600 فى اللانوس و دورت موتور ال1600 على كنترول 1500 و النتيجه زياده محسوسه فى استهلاك البنزين نظريا هو الكنترول مش فارق فى شئ لكن عمليا اكتشفت انها بتفرق فى اسهلاك البنزين يعنى يفضل تركيب موتور 1600 بضفيرته و كنتروله دى نقطه
النقطه الثانيه لو اشتريت موتور نوبيرا هاتحتاج تغير حاجات كتير عشان تركبه فى اللانوس
1- وش التقسيمه بالكامل مختلف
2- طرمبه الباور
3- قاعده كباس التكييف
4- طنبوره الكرنك
5 - الدينامو بالقاعده
6 - طرمبه المياه بها اختلاف صغير لكن ممكن تشتغل عادى
يعنى يفضل تشترى موتور 1600 لانوس مش نوبيرا و خلى بالك عشان معظم المواتير ال2 كامه الموجوده بالسوق 1500 2 كامه مش 1600

و بالنسبه للعفشه ركب احسن جناب امامى 14 بالكبالن بتاعتها لان لو انت غاوى جرى و سرعات العربيه هاتجيب معاك بلى و كبالن بسهوله جدا .

بالنسبه للفتيس عندك فتيس اللانوس ال 1600 نسب التروس مختلفه تماما عن النوبيرا و اللانوس ال 1500 و بيخلى تسارع العربيه اسرع لكن فيه مشكله ان اخره 200 كم يعنى فتيس 1600 و انت ماشى على الخامش الموتور بيفصل 6500 ار بى ام و هى على سرعه 200 ده اخرها لكن بتجيبهم بسهوله .

و بالنسبه لحاله الموتور لو عاوز موتور بحاله الزيرو 1600 2 كامه لانوس بالضفيره و الكنترول و كامل و جناب العفشه 1600 بالكبالن انا ممكن اوفرهملك .

الامضاء \ ملك الدايو

تم تعديل لون المداخلة

اللون الاحمر مخصص للادارة

يرجى مراجعة قوانين القسم

مشرف عام الكورى و الماليزى

---

لو ادامك فعلا واحد حالتة حلوة وواثق ومتاكد منة ,,و يا ريت لو نمرت موبايلك :shine[1]:.....

اقتباس:

---

المشاركة الأصلية كتبت بواسطة mmamdouh

معلش امبارح كنت نايم نوم الاموات

mmamdouh

---

اكيد ولا يهمك يا بشا ..دة انا الى بتاسفلك على الازعاج الى عملهولك والله

كلمنى يوم الاثنين على 0178791908 و انا اعرف واحد عنده مواتير بحاله جيده جدا و انت هاتشوف بنفسك و انا باجيب من عنده مواتيييييييير دايو على طول بس بيكون غالى شويه بس هاتاخد منه شغل نمره واحد :original:

اقتباس:

---

المشاركة الأصلية كتبت بواسطة mah_youssef

1- وش التقسيمه بالكامل مختلف

---

دى بتبدلها مع التاجر و تاخد وش تقسيمة بتاع منة سبيرو

اقتباس:

---

2- طرمبه الباور
3- قاعده كباس التكييف
4- طنبوره الكرنك
5 - الدينامو بالقاعده

---

كل الحاجات دى موجودة فى المكنة القديمة

MMamdouh

اقتباس:

---

المشاركة الأصلية كتبت بواسطة mmamdouh

دى بتبدلها مع التاجر و تاخد وش تقسيمة بتاع منة سبيرو



كل الحاجات دى موجودة فى المكنة القديمة

mmamdouh

---

2- طرمبه الباور ( النوبيرا مختلفه عن اللانوس 1500 و مختلفه عن اللانوس 1600 لان مواسيرها مختلفه )

3- قاعده كباس التكييف 1500 مختلفه عن ال 1600 لو ركبت قاعده كباس 1500 على موتور 2 كامه هاتلاقى الكباس مش فى مكانه و السير مش هايركب

4- طنبوره الكرنك النوبيرا مختلفه عن اللانوس لكن ممكن تركب القديمه على الموتور ال 2 كامه عادى

5 - الدينامو بالقاعده دينامو النوبيرا مختلف عن اللانوس و ممكن تركب الدينامو القديم لكن لازم تركب قاعده الدينامو ال 2 كامه لانوس

انت ممكن تتغلب على اى اختلاف فى المواسير و الحاجات الصغيره دى بس لما تكون مركب كل حاجه الموتور و العربيه صح كل حاجه هاتكون فى مكانها الصحيح و ان شاء الله كل الاختلافات هانزلها بالصور عشان لو اى حد عاوز يسقط مكنه يعرف المشاكل الممكن تواجهه

اقتباس:

---

المشاركة الأصلية كتبت بواسطة mah_youssef

كلمنى يوم الاثنين على 0178791908 و انا اعرف واحد عنده مواتير بحاله جيده جدا و انت هاتشوف بنفسك و انا باجيب من عنده مواتيييييييير دايو على طول بس بيكون غالى شويه بس هاتاخد منه شغل نمره واحد :original:

---

رقم الموبايل مقفول دايما ....!!؟

دى صورة مكنة 1600 كانت راكبة فى نوبيرا... الدواير الحمرا هى اماكن تلطبة الباور فى مكنة اللانوس و الدواير الصفراء هى باقى مسامير القاعدة
http://i83.photobucket.com/albums/j3.../Image0232.jpg

دى المكنة ال 1500 SOHC بتاعت اللانوس... يلاحظ تطابق اماكن مسامير طلمبة الباور اللى فى الداوير الحمرا مع اماكنها فى مكنة النوبيرا ال1600 و كمان وجود اماكن باقى مسامير قاعدة الموتور فى النوبيررا مما يؤكد ان بلوك ال1500 هو هو بلوك ال 1600 مع اختلاف الbore
http://i83.photobucket.com/albums/j3.../Image0234.jpg

دى صورة وش التقسيمة من مكنة سبيرو
http://i83.photobucket.com/albums/j3.../Image0231.jpg

و دة الجزء السفلى للوش
http://i83.photobucket.com/albums/j3.../Image0230.jpg

دى صورة قاعدة دينامو المكنة ال1600 نوبيرا
http://i83.photobucket.com/albums/j3.../Image0237.jpg

و دى صورة قاعدة دينامو المكنة ال1500 لانوس
http://i83.photobucket.com/albums/j3.../Image0235.jpg

و دى صورة المكنة بتات النوبيرا بعد تركيب طلمبة الباور بدل قاعدة الموتور
http://i83.photobucket.com/albums/j3.../Image0239.jpg

بكرة الكرنك هى هى فى المكنتين... اللى مختلف هو ترس الكرنك

موضوع قاعدة التكييف معرفتش ابص علية المرة دى... الطلعة الجاية ان شاء الله

MMamdouh

الله ينور حقيقى عليك ......مجهود مميز كاالعادة يا مستشارنا الكبير :]

مجهود تشكر عليه يا مستشارنا ... تسلم يا كبير ...

اقتباس:

---

المشاركة الأصلية كتبت بواسطة mmamdouh

دى صورة مكنة 1600 كانت راكبة فى نوبيرا... الدواير الحمرا هى اماكن تلطبة الباور فى مكنة اللانوس و الدواير الصفراء هى باقى مسامير القاعدة
http://i83.photobucket.com/albums/j3.../image0232.jpg

دى المكنة ال 1500 sohc بتاعت اللانوس... يلاحظ تطابق اماكن مسامير طلمبة الباور اللى فى الداوير الحمرا مع اماكنها فى مكنة النوبيرا ال1600 و كمان وجود اماكن باقى مسامير قاعدة الموتور فى النوبيررا مما يؤكد ان بلوك ال1500 هو هو بلوك ال 1600 مع اختلاف الbore
http://i83.photobucket.com/albums/j3.../image0234.jpg

دى صورة وش التقسيمة من مكنة سبيرو
http://i83.photobucket.com/albums/j3.../image0231.jpg

و دة الجزء السفلى للوش
http://i83.photobucket.com/albums/j3.../image0230.jpg

دى صورة قاعدة دينامو المكنة ال1600 نوبيرا
http://i83.photobucket.com/albums/j3.../image0237.jpg

و دى صورة قاعدة دينامو المكنة ال1500 لانوس
http://i83.photobucket.com/albums/j3.../image0235.jpg

و دى صورة المكنة بتات النوبيرا بعد تركيب طلمبة الباور بدل قاعدة الموتور
http://i83.photobucket.com/albums/j3.../image0239.jpg

بكرة الكرنك هى هى فى المكنتين... اللى مختلف هو ترس الكرنك

موضوع قاعدة التكييف معرفتش ابص علية المرة دى... الطلعة الجاية ان شاء الله

mmamdouh

---

ممدوح باشا ...دايما جاهز يالصور
ممكن لو سمحت ..... ترفع لنا صور لــ توصيله الخراطيم اللى راكبه فى الماكنة 1600 اللى انت سقطها فى عربية ايهاب بوبو
انت عارف ان انا مسقط نفس الموتور عندى فى الجوليت
وكل ميكانيكى له راى فى توصيلة الخراطيم دى ....ومش عارف مين الصح...؟؟
على فكرة انا اقصد الخراطيم الصغيرة اللى فى الماتور من الجنب اليمين من فوق

قصدك خراطيم الفاكيوم؟؟

انا معنديش صورة ليها.... بس عندلى الاحسن من الصورة

http://i83.photobucket.com/albums/j3...harts/vacc.jpg

MMamdouh

اقتباس:

---

المشاركة الأصلية كتبت بواسطة mmamdouh

قصدك خراطيم الفاكيوم؟؟

انا معنديش صورة ليها.... بس عندلى الاحسن من الصورة

http://i83.photobucket.com/albums/j3...harts/vacc.jpg

mmamdouh

---

انا اقصد خراطيم الفاكيوم فعلا ...الله ينور عليك ... الديجرام ده رائع ...فعلا كنت محتاجه
سؤالى:
الجزء رقم 10و11 اللى داخل لهم خرطوم الفاكيوم رقم 13 ..ده سينسور و لا اية و فائدة اية...؟؟؟
والخرطوم اللى طالع منه رقم 15 ورايح على جزء ده اسمه اية وفائدة اية ....لان الخرطوم ده مش موجود عندى ولا الـ pin بتاعه و انا سالت الميكانيكى قال لى ده مش ضرورى و ده عشان حاجة تبع التكييف و مش مهم ...بس كلامه ما عجبنيش
ميكانيكى تانى قالى لى لا ده مهم عشان هيوضى صوت الموتور عندك
وانا تعبت من الفتاوى بتاعت الميكانيكية ومحتاح رايك
اسف على الاطاله

اقتباس:

---

المشاركة الأصلية كتبت بواسطة joliat

الجزء رقم 10و11 اللى داخل لهم خرطوم الفاكيوم رقم 13 ..ده سينسور و لا اية و فائدة اية...؟؟؟

---

11 دى خازنة فاكيوم و سولينويد كهربا... الخازنة شغلتها تخزين كمية كبيرة من الفاكيوم لتشغيل الVGIS عند الحاجة (زى كدة شغلة السيرفو بتاع الفرامل) و رقم 10 دة السيلونويد بيفتح مجرى الفاكيوم من الخازنة للمكبس اللى بيشغل بوابات الVGIS بناء على امر من الكونترول

اقتباس:

---

والخرطوم اللى طالع منه رقم 15 ورايح على جزء ده اسمه اية وفائدة اية

---

رقم 15 دة المكبس اللى بيشغل البوابات... اصلا اول ما بتدور المكبس دة بيقفل البوابات و بيخللى مجرى الهوا طويل و دة بيحسن عزم الموتور على لفات قليلة... بعد 4500 RPM الكونترول بيدى امر بفتح البوابات (من خلال السيلونويد و الخازنة و المكبس) و ممر الهوا بيقصر و دة بيحسن القدرة الحصانية عند لفات عالية

اقتباس:

---

لان الخرطوم ده مش موجود عندى ولا الـ pin بتاعه و انا سالت الميكانيكى قال لى ده مش ضرورى و ده عشان حاجة تبع التكييف و مش مهم ...بس كلامه ما عجبنيش

---

الخرطوم و القطعة 15 ملهاش اى علاقة بالتكييف

اقتباس:

---

ميكانيكى تانى قالى لى لا ده مهم عشان هيوضى صوت الموتور عندك
وانا تعبت من الفتاوى بتاعت الميكانيكية ومحتاح رايك

---

القصة ملهاش علاقة بالصوت ولا بالضوء

اتبع التوصيلات اللى فى الدياجرام العربية حتبقى مضبوطة

MMamdouh

اقتباس:

---

المشاركة الأصلية كتبت بواسطة mmamdouh

11 دى خازنة فاكيوم و سولينويد كهربا... الخازنة شغلتها تخزين كمية كبيرة من الفاكيوم لتشغيل الvgis عند الحاجة (زى كدة شغلة السيرفو بتاع الفرامل) و رقم 10 دة السيلونويد بيفتح مجرى الفاكيوم من الخازنة للمكبس اللى بيشغل بوابات الvgis بناء على امر من الكونترول



رقم 15 دة المكبس اللى بيشغل البوابات... اصلا اول ما بتدور المكبس دة بيقفل البوابات و بيخللى مجرى الهوا طويل و دة بيحسن عزم الموتور على لفات قليلة... بعد 4500 rpm الكونترول بيدى امر بفتح البوابات (من خلال السيلونويد و الخازنة و المكبس) و ممر الهوا بيقصر و دة بيحسن القدرة الحصانية عند لفات عالية



الخرطوم و القطعة 15 ملهاش اى علاقة بالتكييف

القصة ملهاش علاقة بالصوت ولا بالضوء

اتبع التوصيلات اللى فى الدياجرام العربية حتبقى مضبوطة

mmamdouh

---

الله ينور عليك .....بجد ممتاز
اشكرك جدا
بس سؤالى الاخير هوه خازنة الفاكيوم و السولينويد ثمنهم كام و ولاقيها فين...؟؟؟
لانها مش موجودة عندى

مش عارف بكام الصراحة... و دى حتلاقيها استيراد

MMamdouh