الموضوع: الشارع مش ملك حد يا نااااااااس يا هوووووو

اولا..مبدا اصحاب البيت اولى بالمكان ده مبدأ غير واقعي
العمارة الواحدة بيكون فيها مش اقل من 30 شقة اما يكون نصهم عنده عربيات
يبقى ايهم اولى بال 5 او 10 متر اللي قدام العمارة
ده غير طبعا ان اصحاب البيت مالهومش اي ملكية فيه لانه ببساطة جزء من الطريق العام

ثانيا...العيب مش على الناس دي..العيب على البلد اللي ما فيهاش قانون يحمي ويمنع الكلام الفارغ ده
ولا فيه قانون ينظم المباني بحيث العمارة ما تطلعش الا بجراش تحت الارض

اما بقى بالنسبة لبعض اصحاب المحلات اللي شايف انه المحل والرصيف اللي قدامه وكمان الحته من الشارع اللي قدام الرصيف دول حق مكتسب ليه
فده بقه موضوع تااااني

واللهي الواحد بقا قرفان و العيب مش علي الناس العيب علي الحكومة المسئولة عننا انها تمنع شغل قلة الادب و البلطحة دي
كنا بنقول الحكومة هي اللي عملت في الناس كدا
يا جماعة العيب من الناس لو الناس و متحضرة صدقوني الاصلاح من تحت مش من فوق
الناس مبقاش عندها لا عادات ولا تقاليد ولا دين ولا اقسم بالله حد بقا يراعي جيرة ولا عشرة
واللهي يا جماعة انا في بيت ملك بيت ابويا في عين شمس والبيت كله تلات ادوار بس منعم شقة مفهاش حد ومفيش حد عنده عربية غيري واللهي ياجماعة مبلقيش مكان اركن كل واحد حاطط حديدية وبرميل قدام بيته لغاية ما زهقوني اضطريت اشترك في جراج ب 150 جنيه
وبمشيلو محططتين من جوزا الشوارع

عادي ياباشا البلد كلها كدا
بس هوا مغطي العربيه دا ليه !!!!!

المشاركة الأصلية كتبت بواسطة elakawy

بجد انا كل ما باشوف المنظر ده بيركبني 100 عفريت .... اجي اركن عربيتي ادوخ والف 100 مرة حوالين البيت عشان الاقي خرم ابره اركن فيه ومش بلاقي خالص .... ليه عشان البشوات اللي فاكرين الشوارع دي ملكهم وفاكرين ان حقهم الشرعي انهم يركنوا عربياتهم قدام بيتهم محتلين الشوارع بشويه طوب وبردورات وعواميد حديد عشان محدش يتجرأ ويفكر انه يركن مكانهم .
بالزمة دي اخلاق ... دي امور بلطجة وشغل عيال وياسلام بقى لو سيادتك اتجرأت وشيلت الطوب ده وركنت مكان الباشا ... القيامة ممكن تقوم في الحركة دي .. ممكن تلاقي السنج والمطاوي اتفتحت عليك .. والله العظيم انا شوفت المنظر ده قدامي .

[aldl]http://www.9m.com/upfiles/qaz51650.jpg[/aldl]

[aldl]http://www.9m.com/upfiles/kc151650.jpg[/aldl]

- اللي بيحصل ده فيه مخالفة صريحة للقانون و ممكن تعمل محضر في القسم ضد اللي عامل كده
- بصراحة الموضوع ده حصل معايا مرة في منطقة عمارات خاصة بظباط القوات المسلحة و جيت أركن لاقيت الشارع كله كده و سلاسل و حاجات من دي فركنت قدامها (صف تاني يعني) و قفلت لصاحبها مكانه مش بس كده ده انا نزلت و صورت الشارع كله بالكاميرا و بلغت الامن اللي في المنطقة أني هأعمل محضر بالصور دي كانت النتيجة أنهم تاني يوم شالوا معظم السلاسل و الحاجات الغريبة دي