الحمد لله علي ما رزقنا من غير حول منا ولا قوة....
اخيرا ....وبعد دراسة للجميع انواع السيارات في السوق المصري....لمدة 6 شهور ويمكن اكتر...
وبعد صلاة الاستخارة....
اشتريت عربية ياريس.....وانضمت لنادي تويوتا الكبير....ونادي الياريس الجميل....

الحمد لله ...حجزت العربية من النصر....واستملتها بعدها بيومين (بس طبعا كلة بثمنة...) ولسة حاليا مستني الورق بتاع العربية علشان ارخص....ادعولي ربنا يهديهم وما يأخروش الورق عليا ...

العربية فضي ...كاملة مانيوال...وفعلا ....ما شاء الله....العربية ممتازة...

انا يادوبك سقتها حوالي ساعه....من المعرض للبيت ....ومستني الورق....بس العربية تستاهل ثمنها....

علي فكرة الياريس قليلة جدااا في السوق...وبقي عليها طلب كتير قوي....(يارب تبقي مالية البلد ...علشان قطع الغيار ترخص وترطرط...)

البنزين حساس جدااااا لاي دوسة خفيفة....وبرضة انا عامل زي السندريلا ....مش عارف اظبط حكاية التليين ...طول مانا ماشي عيني علي عداد Rpm ايلي بيعلي قوي بسرعه....خصوصا علي النقلات الاولانية...

ان شاء الله اول ماارخص....هاخدها والينها علي الطريق السريع.....

ادعولي...ربنا يسهل الترخيص...والورق يكمل....لحسن العربية مركونة ...وعايز اركبها ومش عارف...

---------------------------------------------------------------

اللهم اني اسالك من خيرها وخير ما هي لة ....واعوذ بك من شرها وشر ما هي لة....