مشاكل الc230 موديل 2010...!!!
إزيكم يا أحلى رجالة المرسيدس....أنا من قسم الرينو و ماليش فى المرسيدس كتير لكن فيه واحد صاحبى معاه c230 موديل 2010 blue efficiency العربية عاملة أقل من 5000 كم....لقيته بيقولى إنه سمع أصوات هبد فى الشمال و بعت السواق للتوكيل فغيروله المساعدين الشمال ورا و قدام ؟؟؟؟!!!! طبعا أنا إستغربت لأن معلوماتى إن المساعدين بيتغيروا بالجوز يا قدام يا ورا مش شمال و يمين....ثانيا إزاى مساعدين مرسيدس تبوظ فى أقل من 5000 كم ؟؟؟
ثانيا العربية لونها رمادى غامق و الفرش جلد رمادى فاتح.....لقيت ظهر كرسى السواق ظاهر فيه لون أصفر غريب!!!!
لما كلم التوكيل طبعا كالمعتاد المهندس بيقول دى أول مرة أشوف حاجة زى كده.......
ثالثا أنا مستعجب إزاى مرسيدس بكل التكنولوجيا دى و مفهاش مكن رفع زجاج لما أقفل من الريموت؟؟؟
رابعا و أنا سايق على الأول و التانى خصوصا بسمع صوت زى دخول هواء فى نفق بس صوته عالى شوية و مسموع....هل يا ترى ده صوت التربو؟؟؟
أرجو من رجالة المرسيدس المساعدة و مشاركة الخبرة...و مشكورين مقدما......