الموضوع: مشكلة مع تكيف فيكترا 2000

هقول لحضرتك التلاجه شكلها نفس شكل السربنتينه والردياتير من بره مع اختلاف ان حجمها اصغر طبعا وعرضها اكبر اما بخصوص البلاستكه دي هي جزء من المكان اللي بتتحط فيه التلاجه فالراجل بيقطع الجزء ده عشان يقدر يطلع التلاجه وبعد كده بيلحمه تاني بسيلكون فواصل بعد لما يدخل التلاجه الجديده مكانها وعشان توفر شويه ممكن تجيب تلاجه بتاعه عربيه دركسيون يمين وتخلي الرجل بتاع التكييف يفك المواسير من تلاجتك القديمه ويلحمها في الجديده لان مواسير التلاجه اليمين مش هتركب في الشمال .التلاجه دي هتجبها بحوالي 300 جنيه اما التلاجه التانيه بحوالي 700 جنيه.

التلاجة اليمين رخيصة علشان مش كل الناس بتعرف تعكس المواسير أما الشمال غالية علشان عليها طلب كتير وبتركب علطول من غير أي تعديل

المشاركة الأصلية كتبت بواسطة tananybasha

طيب ما ليها حلول اسهل تتطول بماسورة تانى

هي الفكره مش فكره تطويل بس هي الفكره ان هو بينقل المواسير اصلا من مكانها يلحمها في مكان تاني

المشاركة الأصلية كتبت بواسطة tananybasha

طيب افضل و انضف من تغيير المواسير انك تتطول المواسير

والله ياباشا مش عارف ينفع ولا لا بس اكيد لو كان ينفع كانوا عملوها اسهلهم.