راجع يكون فيه قفله هربت الشحن
عرض للطباعة
راجع يكون فيه قفله هربت الشحن
طيب ممكن ابص على اية علشان ابقى فاهم لو رحت لكهربائى ...
روح لبتاع بطاريات
و العربية مبطله خليه يقيسها
لقى الشحن بيقل يبقى فى حاجة بتاكل فيها
اخبار الشحن ايه ... و هل بتشحن عادى وللا كان فيه مشكله ؟
انا حزين جدا لأن اوبلتي عملتها معايا في اكتر الاوقات اللي محتاجلها فيها
للاسف موضوع البطارية اتكرر مرة تانية بعد 10 ايام اشتغلت فيهم البطارية زي الفل
امبارح والحمد لله ربنا كرمني ببنوته وبعد ما زوجتي خرجت من العمليات واطمئنيت عليها كانت الساعة عشرة بالليل
خليت زوجتي في المستشفى واخدت مجموعة من اسرتي وركبنا العربية علشان نروح
اجي ادور ---------- نفس المشكلة (انا كنت الراجل الوحيد في المجموعة)
المشكلة ان الوقت كان متأخر شوية والناس في المستشفى مش كتير
المشكلة الاكبر ان مافيش ولا صاحب عربية عنده وصلة بطارية
جالي واحد حاول يدق بظلطة على القطاش الموجب بتاع البطارية يمكن يكون مش راكب كويس ولكن بدون حل والمشكلة الاكبر ان ما فيش ولا واحد عارف يدور العربية زق
لغاية ما ربنا كرمني بسواق تاكسي راح راكب ودور العربية زق من اول مرة
مشيت بالعربية شوية والاقي العربية بدأت تسخن وتعدي ال 92 وتطلع لغاية 97 ثم 100
هنا رحت مبطل العربية ونازل ابص على البطارية
لاقيت فيه سلكة في القطاش الموجب عمالة تعمل شرز واول ما مسكتها راحت طالعة في ايدي وطبعا ده من اثر الخبط على القطاش ربنا يسامحه بقى ابن الحلال. مش عارف بقى هل السلكة ديه ليها علاقة بالمراوح واتسببت ان المراوح ما تشتغلشي ولا ايه. اعتقد ذلك وتقريبا متأكد
انا ركنت العربية تحت كوبري احمد سعيد وانهاردة ان شاء الله هروح اشوف كهربائي كويس هناك في شارع احمد سعيد يرجعلي السلكة ديه في القطاش وغالبا هغير البطارية.
رحت انهاردة لواحد كهربائي سيارات
قاللي ان القطاش الموجب دايب من الاملاح على الرغم اني في الصيانات دايما بينضفوه بمية سخنة ويشحموه
بس واضح ان ده كان مش كفاية لأن الاملاح كانت بتتراكم عليه تاني
طبعا غيرلي القطاش بواحد تاني بس بصراحة كان قلبي بيتقطع لأن القطاش القديم كان هو بتاع الفابريكة والكابلات كان راكب فيها ترامل وكل ترملة راكبة في القطاش بمسمار انما القطاش التاني الكابلات مجرد متعرية من الاطراف وداخلة كدة في القطاش شكلها بلدي قوي
محدش يعرف اجيب القطاش الاصلي بتاعها منين؟
بالنسبة للرامل انا ممكن اشتريهم من عند بتوع الادوات الكهربائية في العتبة
وطبعا غيرت البطارية لأن فعلا القديمة كانت تعبت ومش بتقوم العربية
البطارية ال 70 وبتخرج 62 امبير تمنها 330 جنيه
البطارية ال 66 وبتخرج 66 امبير تمنها 480 جنيه
انا طبعا اشتريت ال 66 زي اللي موجودة في العربية النوع AC Delco
بورك لك في الموهوب وشكرت الواهب وبلغ اشده ورزقت بره ..زي ما طناني قال ؛فداك اي حاجه ده انت هتشوف رزق طول بالك بس رزق البنات واسع ,هي النونو اسمها ايه ربنا يبارك فيها ؟