هي البطارية بتموت مرة واحدة كدة؟؟؟

**abdelaziz-waleed** · 14-07-2010 10:11 AM

السلام عليكم يا احلى عصابة

امبارح الصبح نزلت دورت العربية وتمام التمام خرجت بيها رحت 6 اكتوبر وبعد كدة رحت بيها وسط البلد
كل ده تمام التمام والعربية زي الفل الحمد لله
جيت بالليل بعد ما خلصت مصالحي في وسط البلد
اركب العربية وافتح الكونتاكت الاقي اللمض بتاعة التابلوه راحت هوب اصبحت ضعيفة جدا وكأن الكهرباء ضعيفة جدا لدرجة ان السنتر وقف عداد الرحلات اتصفر
بصيت على العلامة اللي في البطارية لاقيتها سوداء يعني البطارية عاوزة تتشحن
المهم دورت العربية زق وروحت بيها من وسط البلد لغاية حلوان وبطلت العربية وجيت ادورها تاني برده مافيش
نزلت بصيت على البطارية برده مدية اسود مش اخضر يعني مش مشحونة
قالولي كدة البطارية ودعت
هو بصراحة البطارية كتر خيرها قوي انا شاري العربية بيها من حوالي 4 سنين وشغالة معايا ما شاء الله زي الفل بدون ادنى مشاكل
البطارية AC Delco 66
لما كلمت المهندس عماد خطاب اللي بتعامل معاه في مقار قاللي انها في التوكيل غالية في حدود 600 جنيه
فقاللي ان الافضل اجيبها من برة ويستحسن اجيب ال 70 امبير افضل
هي البطارية بتموت مرة واحدة كدة بدون مقدمات خالص؟؟؟؟

**N.a.j.d** · 14-07-2010 10:55 AM

مستحيل البطاريه بتخلص مره واحده اكيد في حاجه غلط يا باشا
بس معرفش نظام النوع دا عامل ازي !؟؟؟
عمري ما جربتها طول عمري بجرب الفولتا ودي كويسه

**omdaz_5538** · 14-07-2010 10:58 AM

4 سنين ماشاء الله
ده كده كتر خيرها اوى
و البطاريه دى مش واكلها يبقى منصور برضه ؟
على العموم ناس كتير بتشكر فيها

**tamertamer** · 14-07-2010 11:02 AM

acdelco القديم اعد مع الراجل قلى اشتريت منة العربية سنتين واعدت معاية 3 يعنى اعدت 5 سنين بس بصراحة كانت ضعفانة يعنى السنتر ميشتغلش الانزار الزجاج يفقد البرمجة لكن كانت بتدور وكدة ودة بيرجع لكفائة الدنمو بس انت ونصيبك ممكن تكون جابت كذا ربع عان كدة ماتت خالص

**mohamed_selim** · 14-07-2010 11:10 AM

ممكن تموت خالص فجأه طالما مش جديده ... 4 سنين كويس قوى بس برضه راجع على الدينامو للاطمئنان

البليه فى الacdelco ساعات بتكون مزنوقه ... هز البطاريه حاجه بسيطه و شوف هتقلب معاك ابيض ولا ايه؟

لو قلبت ابيض و انت بتهزها و رجعت اسود تانى يبقى ممكن تشحنها و هتمشيك شويه (شهر ولا اتنين حسب الظروف) و هتودع
بس فى الحاله دى شوف شحن الدينامو (من مخرج الدينامو نفسه) و لو كويس راجع على الضفيره اللى طالعه من الدينامو انا لسه كان عندى مشكله و البطاريه جديده و بتفضى مع تحميل الكهربا (نور و تكييف) مع الحر و طلعت الضفيره فيها حتت لحامها فك فكانت بتوصل و العربيه بارده و مجرد ما الدنيا تسخن تلاقيها توصل على مزاجها فالبطاريه بتفضى

لو البليه فضلت على الابيض كده البطاريه ماتت خلاص

**lancerevolution** · 14-07-2010 11:22 AM

انا عندى ماتت بلا أى مقدمات بردوا
و لما سألت على الac deleco كل الناس عندنا قالوا ما بقناش نجيبها عشان كان بقى فى مرتجع كتير منها

**mohamed_selim** · 14-07-2010 12:08 PM

بص ما اظنش ان الموضوع ليه علاقه بالمرتجع لأنه مش دافع حاجه من جيبه
و الله اعلم الموضوع ليه علاقه بطريقة تعامل مختلفه مع منصور لما اخد التوكيل فمثلا فلوسهم او هامش الربح قل او حاجه بالشكل ده

**abdelaziz-waleed** · 14-07-2010 04:21 PM

المشاركة الأصلية كتبت بواسطة N.a.j.d

مستحيل البطاريه بتخلص مره واحده اكيد في حاجه غلط يا باشا
بس معرفش نظام النوع دا عامل ازي !؟؟؟
عمري ما جربتها طول عمري بجرب الفولتا ودي كويسه

واله يا نجد يا اخويا البطارية كانت شغالة مية مية وفجأة هوب خلاص ماكانشي يتعز
بس الفولتا ديه انا اول مرة اسمع عنها
بصراحة ال AC Delco والفارتا يعتبرو من احسن البطاريات الموجودة
الغريبة ان مؤشر البطارية على الاسود يعني البطارية عاوزة شحن لو باظت بيجي على الابيض
ولمبة الدينامو في التابلوه مش منورة

المشاركة الأصلية كتبت بواسطة omdaz_5538

4 سنين ماشاء الله
ده كده كتر خيرها اوى
و البطاريه دى مش واكلها يبقى منصور برضه ؟
على العموم ناس كتير بتشكر فيها

فعلا يا عمدة انا اقعدت احسد في البطارية ديه واقول 4 سنين زي الفل لغاية ما جبت اجلها

المشاركة الأصلية كتبت بواسطة tamertamer

acdelco القديم اعد مع الراجل قلى اشتريت منة العربية سنتين واعدت معاية 3 يعنى اعدت 5 سنين بس بصراحة كانت ضعفانة يعنى السنتر ميشتغلش الانزار الزجاج يفقد البرمجة لكن كانت بتدور وكدة ودة بيرجع لكفائة الدنمو بس انت ونصيبك ممكن تكون جابت كذا ربع عان كدة ماتت خالص

تمام يا تامورا البطارية ديه اصيلة قوي قوي وحمالة اسية
وانا زعلت عليها بس علشان العشرة بس والله عملت اللي عليها وزيادة

المشاركة الأصلية كتبت بواسطة mohamed_selim

ممكن تموت خالص فجأه طالما مش جديده ... 4 سنين كويس قوى بس برضه راجع على الدينامو للاطمئنان

البليه فى الacdelco ساعات بتكون مزنوقه ... هز البطاريه حاجه بسيطه و شوف هتقلب معاك ابيض ولا ايه؟

لو قلبت ابيض و انت بتهزها و رجعت اسود تانى يبقى ممكن تشحنها و هتمشيك شويه (شهر ولا اتنين حسب الظروف) و هتودع
بس فى الحاله دى شوف شحن الدينامو (من مخرج الدينامو نفسه) و لو كويس راجع على الضفيره اللى طالعه من الدينامو انا لسه كان عندى مشكله و البطاريه جديده و بتفضى مع تحميل الكهربا (نور و تكييف) مع الحر و طلعت الضفيره فيها حتت لحامها فك فكانت بتوصل و العربيه بارده و مجرد ما الدنيا تسخن تلاقيها توصل على مزاجها فالبطاريه بتفضى

لو البليه فضلت على الابيض كده البطاريه ماتت خلاص

ماشي يا محمد هجرب اللي قولتلي عليه وهشوف وربنا يسهل

المشاركة الأصلية كتبت بواسطة lancerevolution

انا عندى ماتت بلا أى مقدمات بردوا
و لما سألت على الac deleco كل الناس عندنا قالوا ما بقناش نجيبها عشان كان بقى فى مرتجع كتير منها

انا جبتها لأخويا وما شاء الله شغالة كويس جدا
يمكن بس علشان الوكيل بتاعها منصور
التجار اتخنقت منه وسابت البطارية خالص

المشاركة الأصلية كتبت بواسطة mohamed_selim

بص ما اظنش ان الموضوع ليه علاقه بالمرتجع لأنه مش دافع حاجه من جيبه
و الله اعلم الموضوع ليه علاقه بطريقة تعامل مختلفه مع منصور لما اخد التوكيل فمثلا فلوسهم او هامش الربح قل او حاجه بالشكل ده

كلام منطقي تماما