عايز استشارة من اهل الخبرة ..... الرجاء مساعدتى

**RAMYALI_1982** · 14-07-2010 10:47 AM

انا عملت صيانة ال5000 فى توكيل غبور اللى فى ابو رواش بعد الخروج من عندهم لاحظت ان الموتور صوتة اعلى من الاول كأنى حارق على الغيار مع انى متعود انقل بين 2500 و3000 بس صوت الموتور اعلى عند نفس عدد اللفات مش عارف دة من اية ممكن تفيدونا اى ممكن تكون الاسباب للموضوع دة واحله ازاى هل كهرباء متلا ولا بنزين رديئ لانى بعد الخروج من عندهم فولت من بنزينة غير اللى متعود افول منها ولا زيت و لا اية مع العلم انى معايا اتوس 2010 وحاطط زيت شل 10 الاف حاطة فى صيانة ال1000 ومغيرتوش طبعا فى صيانة ال5 الاف هاغيرة الصيانة اللى جاية مع ال10 الاف ان شاء الله

اعمل اية ياخونا دبرونى

وشكرا مقدما

**RAMYALI_1982** · 14-07-2010 01:37 PM

هاة مفيش اخبار
المشاركة بقلها 3 ساعات وحمضت محدش هايرد عليا

**eng:ahmed** · 14-07-2010 04:26 PM

ممكن تستنى لما التفويلة تخلص و تشوف أو تروح لهم التوكيل تاني علشان ماتلعبش في حاجة

**حماده المصري** · 14-07-2010 04:35 PM

هوه زيت ال 10 الف ده بيعلي صوت الموتور متحطوش حط 5 بعد كده

**amgadtoma** · 15-07-2010 12:02 AM

انا حصل معايا زيك بس بعد صيانة الالف، وزيادة على كده انى بقيت احس ان العربيه تقيله ومش بتمشى بسهوله يعنى بحس انى بنحر فى الموتور وصوته بيعلى، اعتقد زى ما معظم الاراء الى جتلى ان ممكن يكون السبب فى الزيت الى انت غيرتوا
ممكن تقولنا انت غيرت زيت الكام وايه الى عملوهولك فى صيانة الخمس الاف للتوضيح والاستفاده

**RAMYALI_1982** · 15-07-2010 07:57 AM

المشاركة الأصلية كتبت بواسطة amgadtoma

انا حصل معايا زيك بس بعد صيانة الالف، وزيادة على كده انى بقيت احس ان العربيه تقيله ومش بتمشى بسهوله يعنى بحس انى بنحر فى الموتور وصوته بيعلى، اعتقد زى ما معظم الاراء الى جتلى ان ممكن يكون السبب فى الزيت الى انت غيرتوا
ممكن تقولنا انت غيرت زيت الكام وايه الى عملوهولك فى صيانة الخمس الاف للتوضيح والاستفاده

المشاركة الأصلية كتبت بواسطة حماده المصري

هوه زيت ال 10 الف ده بيعلي صوت الموتور متحطوش حط 5 بعد كده

ايوة ياجماعة بس انا ماشى على الزيت دة 4700 كيلو لغاية دلوقتى(حطيتة بعد ال1000 كيلو والعربية دلوقتى 5700 كيلو ) وصوت العربية كان كويس اشمعنى بعد الصيانة مباشرة انا حطيت زيت شل الترا 10000 ودة بيقال انة من احسن الزيوت اللى فى السوق

وبالنسبة اللى عاملة فى التوكيل قالولى حاجات كتير اللى انا فاكرة منهم
تظبيط وتربيط العفشة
الكشف على اسفل السيارة بالكامل
الكشف على الفلاتر الزيت والبنزين الهوا ءوتنظيفهم
الكشف على السيور والتاكد من صلاحيتها
الكشف عن التكييف وتنظيفةوتنظيف الفلتر الخاص بة والتاكد من كفاتة